OTT Movie : 1300 కోట్ల కోసం ఒక్క రాత్రిలో విధ్వంసం… ఐదుగురి జీవితాలు బలి… ఈ మూవీని చూశాక జన్మలో లాటరీ టికెట్ జోలికెళ్లరు

OTT Movie : యాక్షన్ థ్రిల్లర్ సినిమా లవర్స్ పండగ చేసుకునే, ఒక అదిరిపోయే స్టోరీ ఓటీటీలో స్ట్రీమింగ్ అవుతోంది. ఈ చిత్రం ఒక చిన్న కన్వీనియన్స్ స్టోర్‌లో జరిగే ఒక లాటరీ టికెట్‌పై ఆశ, అత్యాశల మధ్య ఒక గ్రిట్టీ డార్క్ థ్రిల్లర్‌గా రూపొందింది. ఈ చిత్రం ఊహించని ట్విస్ట్‌లు, ఉత్కంఠతో ప్రేక్షకులను కట్టిపడేస్తుంది. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళితే …

నెట్‌ఫ్లిక్స్‌లో స్ట్రీమింగ్

‘యువర్ లక్కీ డే’ (Your Lucky Day) 2023లో విడుదలైన అమెరికన్ యాక్షన్ థ్రిల్లర్ సినిమా. దీనికి డానియల్ బ్రౌన్ దర్శకత్వం వహించారు. ఈ చిత్రం 2023 సెప్టెంబర్ 23న ఫాంటాస్టిక్ ఫెస్ట్‌లో ప్రీమియర్ అయ్యింది. 2023 నవంబర్ 10న థియేటర్లలో విడుదలైంది. ఇది 2024 మార్చి 8 నుంచి నెట్‌ఫ్లిక్స్‌లో స్ట్రీమింగ్ అవుతోంది. ఈ చిత్రంలో ఆంగస్ క్లౌడ్ (స్టెర్లింగ్), జెస్సికా గార్జా (అనా), ఎలియట్ నైట్ (అబ్రహం), స్టెర్లింగ్ బీమన్, మౌసా హుస్సేన్ క్రైష్ (అమీర్), జాసన్ ఓ’మారా (కెప్టెన్ రట్లెడ్జ్), స్పెన్సర్ గారెట్ (మిస్టర్ లెయిర్డ్) ప్రధాన పాత్రల్లో నటించారు. ఈ చిత్రాన్ని వెల్ గో యూఎస్ఏ ఎంటర్‌టైన్‌మెంట్ బ్యానర్‌ లో డానియల్ బ్రౌన్ దర్శకత్వం వహించారు.

స్టోరీలోకి వెళితే

ఈ కథ లాస్ ఏంజిల్స్‌లోని ఒక చిన్న కన్వీనియన్స్ స్టోర్ లో క్రిస్మస్ ఈవ్ రాత్రి జరుగుతుంది. స్టెర్లింగ్ ఒక చిన్న స్థాయి డ్రగ్ డీలర్. ఒక రోజు రాత్రి సమయంలో దొంగతనానికి గురవుతాడు. డిసప్పాయింట్ గా ఈ స్టోర్‌లోకి వెళ్తాడు. అదే సమయంలో మిస్టర్ లెయిర్డ్ అనే వ్యక్తి $156 మిలియన్ల విలువైన లాటరీ టికెట్ గెలుచుకున్నట్లు తెలుసుకుంటాడు. ఈ అవకాశాన్ని చూసిన స్టెర్లింగ్, ముఖానికి మాస్క్ ధరించి, గన్‌తో లెయిర్డ్‌ను బెదిరించి టికెట్‌ను దొంగిలించాలని నిర్ణయించుకుంటాడు. అయితే స్టోర్‌లో ఉన్న కోడీ అనే ఒక పోలీసు అధికారి, ఈ గొడవలో జోక్యం చేసుకుంటాడు. కానీ పొరపాటున లెయిర్డ్‌ను కాల్చి చంపేస్తాడు. దీనికి ప్రతీకారంగా స్టెర్లింగ్ కోడీని కాల్చేస్తాడు.ఈ ఘటనతో స్టోర్‌లో ఉన్న ఇతర వ్యక్తులు కూడా చిక్కుకుంటారు.

ఇక్కడ స్టోర్ యజమాని అమీర్, ప్రెగ్నెంట్ లేడి అయిన అనా, ఆమె బాయ్‌ఫ్రెండ్ అబ్రహం ఉంటారు. స్టెర్లింగ్ శవాలను తొలగించమని, కెమెరా ఫుటేజ్‌ను డిలీట్ చేయమని అమీర్‌ను ఆదేశిస్తాడు. $156 మిలియన్ల లాటరీ టికెట్‌ను చేజిక్కించుకోవడానికి, స్టోర్‌లో ఉన్నవారు ఒక ఒప్పందం కుదుర్చుకుంటారు. ఇక్కడినుంచి కథ అనూహ్యమైన మలుపులు తీసుకుంటుంది. కథలో మరిన్ని ట్విస్ట్‌లు, హింసాత్మక ఘటనలు మొదలవుతాయి. లాటరీ టికెట్ కోసం గందరగోళ పరిస్థితులు కూడా ఏర్పడతాయి. ఈ సమయంలో అనాకి పురిటి నొప్పులు కూడా వస్తాయి. స్టోరీ ఊహించని ట్విస్ట్ తో ఎండ్ అవుతుంది. ఈ లాటరీ టిక్కెట్ ఎవరికి దక్కుతుంది ? అనా పరిస్థితి ఏమవుతుంది ? క్లైమాక్స్ ట్విస్టులు ఏమిటి ? అనే ప్రశ్నలకు సమాధానాలు కావాలనుకుంటే, ఈ సినిమాని మిస్ కాకుండా చుడండి.