AC vs Cooler: వానా కాలంలో ఏది వాడితే కరెంట్ బిల్లు తగ్గుతుంది? కంఫర్ట్‌గా ఉంటుంది?

AC vs Cooler: తొలి రుతుపవనాల పలకరింపుతో వాతావరణం చల్లబడగానే మన ఇంట్లో ఒక కొత్త చర్చ మొదలవుతుంది. ఈ టైమ్‌లో ఏసీ ఆన్ చేయాలా లేక కూలర్ వాడాలా? వినడానికి ఇది చిన్న విషయమే అనిపించినా.. వర్షాకాలంలో పెరిగే ఉక్కపోత, తేమ (హ్యుమిడిటీ) వల్ల మనం తీసుకునే నిర్ణయం మన కంఫర్ట్‌ను, కరెంట్ బిల్లును పూర్తిగా మార్చేస్తుంది.

ఉక్కపోతతో మారే లెక్కలు:

సాధారణంగా ఏసీ, కూలర్ రెండు వేర్వేరు టెక్నాలజీలతో పనిచేస్తాయి. వర్షాకాలంలో గాలిలో తేమ శాతం చాలా ఎక్కువగా ఉంటుంది. ఏసీ గదిలోని వేడి గాలిని పీల్చుకుని, అందులోని తేమను నీటి రూపంలో బయటకు పంపేస్తుంది. దీనివల్ల గది చల్లబడటమే కాకుండా పొడిగా మారుతుంది. కానీ, కూలర్ పనితీరు పూర్తిగా భిన్నం. ఇది నీటి ఆవిరి సహాయంతో గదిని చల్లబరుస్తుంది.

ఈ సీజన్లో కూలర్‌ ఎందుకు ఫెయిలౌతుంది:

వర్షాలు పడేటప్పుడు వాతావరణంలో తేమ 80 నుండి 90 శాతానికి చేరుకుంటుంది. గాలిలో అప్పటికే విపరీతమైన నీటి ఆవిరి ఉండటం వల్ల కూలర్ లోని నీరు త్వరగా ఆవిరి కాదు. దీనివల్ల కూలర్ గదిని చల్లబరచడానికి బదులు, మరింత ఉక్కపోతను పెంచుతుంది. గది అంతా అంటుకునేలా తయారవుతుంది.

Also Read: రూ.2.30 లక్షల Foldable iPhone.. లాంచ్ అయినా చేతికి రావడం కష్టమే, ఎందుకో తెలుసా?

ఏసీ ఎందుకు బెస్ట్ ఛాయిస్?

బయట ఎంత వర్షం పడుతున్నా ఏసీలు తమ పనితీరును తగ్గించుకోవు. ఇవి గదిలోని జిగటను, ఉక్కపోతను పూర్తిగా లాగేస్తాయి. గదిలో తేమను 40 నుంచి 50 శాతానికి తగ్గించడం వల్ల వాతావరణం ఆహ్లాదకరంగా మారుతుంది. అంతేకాదు.. వర్షాకాలంలో గోడలపై వచ్చే బూజును, ఫంగస్‌ను నివారించడంలో కూడా ఏసీ బాగా హెల్ప్ అవుతుంది.

ఖర్చు, నిర్వహణ తేడాలు:

అయితే.. ఏసీ ఇచ్చే కంఫర్ట్‌తో పాటు ఖర్చు కూడా ఎక్కువే ఉంటుంది. ఒక నార్మల్ ఏసీ నడవడానికి కూలర్ కంటే చాలా ఎక్కువ కరెంట్ అవసరమవుతుంది. దీంతో కరెంట్ బిల్లు పెరుగుతుంది. అలాగే ఏసీకి రెగ్యులర్ సర్వీసింగ్ కూడా అవసరం. మరోవైపు కూలర్ తక్కువ కరెంట్‌తో నడిచినా, వర్షాకాలంలో దోమలు చేరకుండా దాని ట్యాంకును వారానికోసారి శుభ్రం చేయడం పెద్ద టాస్క్.

ఏది కొనడం ఉత్తమం?

వర్షాకాలంలో వచ్చే విపరీతమైన ఉక్కపోతను తట్టుకోవాలంటే మాత్రం ఏసీయే బెస్ట్ ఆప్షన్. ఇది కేవలం చల్లదనాన్ని ఇవ్వడమే కాకుండా.. మనల్ని ఇబ్బంది పెట్టే తేమను దూరం చేస్తుంది. కాబట్టి.. వర్షాలు పడే రోజుల్లో కూలర్‌కు కాస్త రెస్ట్ ఇచ్చి, ఏసీని ఉపయోగించడమే అన్ని విధాలా మంచిది.

Also Read: హోమ్ థియేటర్ సెటప్ చేస్తున్నారా? తొందరపడి ప్రొజెక్టర్ కొనే ముందు ఇది తెలుసుకోండి!

Join WhatsApp Channel

Share

• 
• 
• 
• 
• 
•