Aluminium foil hacks: ప్రతి ఇళ్లలోనూ ఫ్రిజ్ అనేది అత్యంత ముఖ్యమైన హోం అప్లయన్సెస్. కూరగాయలు, పండ్లు, పాలు , ఇతర ఆహార పదార్థాలను నిల్వ చేయడం వల్ల ఫ్రిజ్ లోపల త్వరగా మరకలు పడటం, జిడ్డుగా మారడం.. లేదా చెడు వాసన రావడం జరుగుతుంటుంది. గంటల తరబడి సమయం కేటాయించి ఫ్రిజ్‌ను కడగడం చాలా మందికి విసుగు తెప్పించే పని. అయితే.. సోషల్ మీడియాలో వైరల్ అవుతున్న ఒక సింపుల్.. ‘అల్యూమినియం ఫాయిల్ హ్యాక్’ మీ పనిని చిటికెలో ఈజీ చేస్తుంది. ఇంతకీ ఈ ట్రిక్ ఎలా పనిచేస్తుంది ? దీనివల్ల ఎలాంటి లాభాలున్నాయో ఇప్పుడు తెలుసుకుందాం.
మనం ఇళ్లలో.. ఆహార పదార్థాలను ప్యాక్ చేయడానికి లేదా ఓవెన్‌లో వంట చేయడానికి ఉపయోగించే అల్యూమినియం ఫాయిల్ పేపర్‌ను ఫ్రిజ్ క్లీనింగ్ కోసం కూడా వాడవచ్చు. ఫ్రిజ్‌లోని రాక్స్‌ మీద ఈ ఫాయిల్ పేపర్‌ను నీట్‌గా కవర్ చేసి ఉంచడమే.. ఈ హ్యాక్. ఇది ఎలా పని చేస్తుందంటే.. ఫ్రిజ్‌లో ఉండే గాజు లేదా ప్లాస్టిక్ షెల్ఫ్‌లపై కూరగాయల తడి, సూప్‌లు లేదా పాలు ఎండి పోయి జిడ్డు మరకలు ఏర్పడతాయి. వాటిని నేరుగా క్లీన్ చేయడం కష్టం. కానీ షెల్ఫ్‌లకు అల్యూమినియం ఫాయిల్ చుట్టడం ద్వారా ఆ మరకలన్నీ ఆ ఫాయిల్ మీదే పడతాయి. మరకలు అయినప్పుడు ఆ ఫాయిల్‌ను తీసి పారేసి కొత్తది వేస్తే సరి పోతుంది.
ఫ్రిజ్ లోపల కొన్ని సార్లు రక రకాల ఆహార పదార్థాల వాసనలు కలిసి పోయి ఒక లాంటి చెడు వాసన వస్తుంటుంది. అల్యూమినియం ఫాయిల్‌ను చిన్న ముద్దలుగా చేసి (బాల్స్ లాగా) ఫ్రిజ్ మూలల్లో పెట్టడం వల్ల ఇది తేమను , బ్యాక్టీరియాను కొంతవరకు నియంత్రిస్తుంది. దీని వల్ల ఫ్రిజ్ లోపల గాలి శుభ్రంగా ఉండి, ఆహారం పాడవకుండా ఎక్కువ రోజులు తాజాగా ఉంటుంది.
సాధారణంగా ఫ్రిజ్‌లోని ట్రేలను బయటకు తీసి, సోప్ పెట్టి కడిగి, మళ్లీ ఆరబెట్టడానికి కనీసం గంట లేదా రెండు గంటల సమయం పడుతుంది. కానీ.. ఈ అల్యూమినియం ఫాయిల్ ట్రిక్ వాడటం వల్ల మీరు డీప్ క్లీనింగ్ చేయాల్సిన అవసరమే ఉండదు. కేవలం మురికిగా మారిన ఫాయిల్ పేపర్‌ను మార్చేస్తే చాలు.. మీ ఫ్రిజ్ నిమిషాల్లో కొత్త దానిలా మెరిసి పోతుంది. దీని వల్ల పని భారం చాలా వరకు తగ్గుతుంది.
Also Read: ఫ్రిజ్ దగ్గర గ్యాస్ సిలిండర్ ఉందా? వెంటనే ఈ తప్పు సరిదిద్దుకోండి!
ఈ క్లీనియం హ్యాక్ కోసం ఎలాంటి ఖరీదైన.. కెమికల్ లిక్విడ్స్ లేదా క్లీనర్లు కొనాల్సిన అవసరం లేదు. మార్కెట్లో లభించే సాదాసీదా అల్యూమినియం ఫాయిల్ రోల్ ధర సుమారు రూ. 80 నుంచి రూ. 200 లోపే ఉంటుంది. ఒక చిన్న రోల్ ద్వారా నెలల తరబడి మీ ఫ్రిజ్ షెల్ఫ్‌లను కాపాడుకోవచ్చు.
ఇలాంటి చిన్న చిన్న ట్రిక్స్ మన పనులను ఎంతో ఈజీగా మారుస్తాయి. ఇప్పట్నుంచే ఫ్రిజ్‌లో ఈ అల్యూమినియం ఫాయిల్ హ్యాక్‌ను ట్రై చేసి, మీ టైం కూడా ఆదా చేసుకోండి.
Share
అదనపు ఆదాయం కోసం ఈ-రిక్షా కొంటే.. తొలిరోజే రూ. 1.75 లక్షలు గోవిందా.. టెక్కీకి ఊహించని షాక్!
పండంటి బిడ్డకు జన్మనిచ్చిన ఇల్లు ఇల్లాలు పిల్లలు నటి...పోస్ట్ వైరల్!
