Belkin Power Bank: ప్రముఖ ఎలక్ట్రానిక్స్ యాక్సెసరీస్ తయారీ సంస్థ ‘బెల్కిన్’ (Belkin) మార్కెట్లోకి మరో సరికొత్త, అత్యాధునిక పవర్‌బ్యాంక్‌ను తీసుకువచ్చింది. 10,000mAh సామర్థ్యంతో, 45W ఫాస్ట్ చార్జింగ్ సపోర్ట్‌తో ‘మోడల్ BPB035’ పవర్‌బ్యాంక్‌ను గ్లోబల్ మార్కెట్లో లాంచ్ చేసింది. ప్రయాణాల్లో ఉన్నప్పుడు మొబైల్స్, టాబ్లెట్లు, ల్యాప్‌టాప్‌లను వేగంగా చార్జ్ చేసుకోవాలనుకునే వారికి ఇది ఒక పర్‌ఫెక్ట్ ఆప్షన్‌గా నిలవనుంది.
ఈ పవర్‌బ్యాంక్ డిజైన్ విషయంలో బెల్కిన్ ప్రత్యేక శ్రద్ధ తీసుకుంది. దీని కోసం ప్రత్యేకంగా మరో చార్జింగ్ కేబుల్స్ వెంట తీసుకెళ్లాల్సిన అవసరం లేదు. ఇందులోనే బిల్ట్ ఇన్ USB-C కేబుల్ ఇచ్చారు. ఇది పవర్‌బ్యాంక్‌ను పట్టుకోవడానికి ఒక ‘లూప్’ (హ్యాండిల్) లాగా కూడా ఉపయోగపడుతుంది. దీనివల్ల ప్రయాణాల్లో క్యారీ చేయడం చాలా సులభం కానుంది. అలాగే పర్యావరణ హితంగా ఉండేందుకు, ఈ పవర్‌బ్యాంక్ బాడీని 73% రీసైకిల్డ్ ప్లాస్టిక్‌తో తయారు చేయడం విశేషం.
సాధారణ పవర్‌బ్యాంక్‌లతో పోలిస్తే ఇది చాలా వేగంగా డివైజ్‌లను చార్జ్ చేస్తుంది. 45W USB-C పవర్ డెలివరీ (PD) సాంకేతికతతో రావడం వల్ల.. స్మార్ట్‌ఫోన్‌లతో పాటు మ్యాక్‌బుక్ ఎయిర్ లేదా ఇతర టైప్-సి సపోర్ట్ చేసే ల్యాప్‌టాప్‌లను కూడా సులువుగా చార్జ్ చేసుకోవచ్చు. ఒకే సమయంలో రెండు డివైజ్‌లను చార్జ్ చేయాలనుకుంటే, ఒకేసారి 15W + 30W పవర్‌ను ఇది షేర్ చేస్తుంది.
చాలా పవర్‌బ్యాంక్‌లలో చార్జింగ్ ఎంత ఉందో తెలుసుకోవడానికి చిన్న లైట్లు మాత్రమే ఉంటాయి. కానీ ఈ మోడల్‌లో బెల్కిన్ సరికొత్త ఎల్ఈడీ డిజిటల్ డిస్‌ప్లేను అందించింది. దీని ద్వారా పవర్‌బ్యాంక్‌లో ఇంకా ఎంత శాతం బ్యాటరీ మిగిలి ఉందో కచ్చితమైన నంబర్ల రూపంలో స్పష్టంగా చూసుకోవచ్చు.
Also Read: వానలో ఇన్వర్టర్‌తో జాగ్రత్త.. ఈ పొరపాట్లు చేశారో.. షార్ట్ సర్క్యూట్ పక్కా!
పవర్ బ్యాంక్ భద్రత కోసం ఇందులో ఓవర్-చార్జింగ్, ఓవర్-హీటింగ్ కాకుండా మల్టీ-ప్రొటెక్షన్ సేఫ్టీ సిస్టమ్ ను అందించారు. అలాగే యాపిల్ వాచ్, ఎయిర్‌పాడ్స్ వంటి చిన్న డివైజ్‌ల కోసం ఇందులో ‘లో-పవర్ మోడ్’ ను కూడా అందించారు. ప్రస్తుతం చైనా మార్కెట్లో అందుబాటులోకి వచ్చిన ఈ పవర్‌బ్యాంక్ ధర 269 యువాన్లు (40 డాలర్లు)గా ఉంది. అంటే భారత కరెన్సీ ప్రకారం దీని ధర రూ.3,761. త్వరలోనే భారత మార్కెట్లోకి కూడా ఈ పవర్ బ్యాంక్ అడుగుపెట్టే అవకాశం ఉంది.
Also Read: చన్నీళ్ల స్నానానికి గుడ్‌బై.. రూ. 8 వేల లోపే బెస్ట్ గీజర్లు.. సామాన్యులకు పండగే!
Share
ఏపీ హస్తకళల రేంజ్ మార్చబోతున్న పవన్ కల్యాణ్.. ఆ 'గ్లోబల్ ప్లాన్' ఏంటంటే?
ఈ రైల్వే స్టేషన్ల పేర్లు వింటే నవ్వు ఆపుకోలేరు.. ఇంతకీ అవేంటో తెలుసా?
