Best Bookshelf Speakers: తక్కువ బడ్జెట్లో మంచి స్పీకర్లు కావాలనుకుంటున్న మ్యూజిక్ ప్రియులకు గుడ్ న్యూస్. ఇండియన్ ఆడియో మార్కెట్లోకి బ్లౌపంక్ట్ సరికొత్త Twinz బుక్షెల్ఫ్ స్పీకర్లను లాంచ్ చేసింది. వైర్లెస్ పోర్టబిలిటీ, అద్భుతమైన స్టీరియో సౌండ్, ఆకట్టుకునే RGB లైటింగ్తో వచ్చిన ఈ స్పీకర్లు మ్యూజిక్ అంటే ఇష్టపడే వాళ్లను ఎంతగానో ఆకట్టుకుంటున్నాయి.
ఈ స్పీకర్లలో 2.0 స్టీరియో TWS టెక్నాలజీని ఉపయోగించారు. ఇది లెఫ్ట్, రైట్ ఆడియో ఛానెల్స్ ద్వారా వినసొంపైన సౌండ్ను అందిస్తుంది. దీని 30W ఆర్ఎమ్ఎస్ (15W + 15W) అవుట్పుట్ వల్ల పాటలు విన్నా, సినిమాలు చూసినా, గేమింగ్ ఆడినా క్లియర్ వాయిస్, పవర్ఫుల్ బేస్ లభిస్తుంది. ముఖ్యంగా గేమర్ల కోసం దీని సౌండ్ను ప్రత్యేకంగా ట్యూన్ చేశారు.
Also Read: రూ.5 వేల బడ్జెట్లో బెస్ట్ ఇయర్బడ్స్.. 54 గంటల బ్యాటరీతో OPPO Enco Air 5 Pro లాంచ్!
ఆడియోతో పాటు విజువల్స్ పరంగానూ ఇవి సూపర్ అనిపిస్తాయి. దీనిలో ఆరు రకాల నియాన్ ఆర్జీబీ లైటింగ్ మోడ్స్ ఉన్నాయి. మనం ఉండే రూమ్ వాతావరణానికి తగినట్టుగా ఈ లైటింగ్ను మార్చుకోవచ్చు. దీని మోడరన్ డిజైన్, లైటింగ్ కలిసి మన ఇల్లు లేదా గేమింగ్ సెటప్కు ఒక కొత్త లుక్ను తీసుకొస్తాయి.
బ్లౌపంక్ట్ ట్వింజ్ స్పీకర్లలో రెండు 2000mAh బ్యాటరీలను అందించారు. దీనిని ఒక్కసారి ఛార్జ్ చేస్తే చాలు.. సుమారు 8 గంటల కంటే ఎక్కువ సమయం వైర్లెస్గా పాటలు వినవచ్చు. ఈ స్పీకర్లను విడివిడిగా సింగిల్గా వాడుకోవచ్చు లేదా ఒకేసారి జత చేసి పూర్తి స్టీరియో సిస్టమ్లా కూడా ఉపయోగించుకోవచ్చు.
ఈ స్పీకర్లను పీసీలు, ల్యాప్టాప్లు, స్మార్ట్ఫోన్లు, టాబ్లెట్లకు సులభంగా కనెక్ట్ చేసుకోవచ్చు. ఈ సందర్భంగా బ్లౌపంక్ట్ ఆడియో ఇండియా సీఈఓ సుఖేష్ మదన్ మాట్లాడుతూ.. నేటి తరం వినియోగదారులు కోరుకునే పర్ఫార్మెన్స్, స్టైల్, సౌకర్యాల కలయికతోనే ఈ ట్వింజ్ స్పీకర్లను రూపొందించినట్లు తెలిపారు. ప్రస్తుతం ఇవి అమెజాన్, ఫ్లిప్కార్ట్ వేదికగా అందుబాటులో ఉన్నాయి.
Share
ఎమోషనల్ పోస్ట్ ఓకే.. కానీ ‘కింగ్ 100’ అప్డేట్ ఎక్కడ .. ఫైర్ అవుతున్న ఫ్యాన్స్
గంటల తరబడి రీల్స్ చూస్తున్నారా? స్మార్ట్ఫోన్ అడిక్షన్కు చెక్ పెట్టే సింపుల్ ట్రిక్స్!
