ChatGPT Voice Mode: మనం రోజూ ఆఫీస్ పనిలోనో, పర్సనల్ మెయిల్స్ చూసుకోవడంలోనో గంటల తరబడి టైమ్ కేటాయిస్తుంటాం. రకరకాల యాప్స్ ఓపెన్ చేసి టైప్ చేయడం ఒక్కోసారి విసుగు కలిగిస్తుంది. ఈ కష్టాన్ని తగ్గించేందుకు చాట్జీపీటీ ఒక సూపర్ అప్డేట్తో మన ముందుకొచ్చింది. ఇకపై మనం చాట్జీపీటీ వాయిస్ మోడ్ను మన రోజూవారీ యాప్స్తో అనుసంధానించి సులభంగా వాడేయవచ్చు. దీనివల్ల మనం కీబోర్డ్ జోలికి వెళ్లకుండా కేవలం మాట్లాడితే చాలు.. మనకు కావాల్సిన సమాచారం వెంటనే లభిస్తుంది.
మనం సాధారణంగా మెయిల్స్ లేదా మెసేజ్లు వెతకడానికి యాప్స్ మార్చి మార్చి చూస్తుంటాం. కానీ ఇప్పుడు జీమెయిల్, స్లాక్ వంటి యాప్స్ను చాట్జీపీటీకి కనెక్ట్ చేస్తే చాలు. ‘నాకు వచ్చిన ముఖ్యమైన మెయిల్ ఏంటి?’ లేదా ‘స్లాక్లో వచ్చిన ఆ మెసేజ్ ఏంటి?’ అని నోటితో అడిగితే వెంటనే వెతికి సమాధానం చెప్తుంది.
Also Read: ఫోన్ స్టోరేజ్ ఫుల్ ప్రాబ్లమ్కి శాశ్వత పరిష్కారం.. ఈ 4 సెట్టింగ్స్ మార్చితే GBల కొద్దీ స్పేస్ ఫ్రీ!
మనం వాయిస్ ద్వారా కమాండ్స్ ఇచ్చినప్పటికీ.. కొన్ని ముఖ్యమైన పనులు చేయడానికి మాత్రం స్క్రీన్ పై అనుమతి తప్పనిసరి. కేవలం నోటితో OK అని చెప్పేస్తే సరిపోదు. స్క్రీన్ మీద ఓకే అని క్లిక్ చేస్తేనే ఆ పని జరుగుతుంది. దీనివల్ల మన అనుమతి లేకుండా ఏ పనీ జరగదు కాబట్టి.. సెక్యూరిటీ పరంగా ఎలాంటి భయం ఉండదు.
మన వ్యక్తిగత డేటా లేదా ఆఫీస్ సమాచారం కాబట్టి.. పర్మిషన్స్ విషయంలో జాగ్రత్తగా ఉండాలి. చాట్జీపీటీకి మనం ఎంతవరకు అనుమతి ఇస్తే అంతవరకే అది యాక్సెస్ చేస్తుంది. ఒకవేళ మనకు వద్దు అనుకుంటే ఎప్పుడైనా సెట్టింగ్స్లోకి వెళ్లి ఈ యాప్స్ కనెక్షన్ను రద్దు చేసుకోవచ్చు. దీనివల్ల మన ప్రైవసీ మన చేతుల్లోనే ఉంటుంది.
చేతులు ఖాళీగా లేనప్పుడు లేదా వేరే పనిలో ఉన్నప్పుడు ఈ ఫీచర్ బాగా ఉపయోగపడుతుంది. అన్ని యాప్స్ విడివిడిగా ఓపెన్ చేసే పని లేకుండా ఒకేచోట పని పూర్తవుతుంది. అయితే మనం వాడే ప్లాన్, రీజియన్ బట్టి ఈ ఫీచర్లు అందుబాటులోకి వస్తాయి. సాంకేతికతను వాడుకుంటూ మన కష్టాన్ని తగ్గించుకోవడానికి ఇది నిజంగా ఒక మంచి అవకాశం.
Also Read: వామ్మో.. ఫోన్ అప్డేట్ వెనుక ఇంత ప్రాసెస్ ఉందా? కోడింగ్ నుంచి మీ మొబైల్ వరకు ఎలా వస్తుందంటే!
Share
షూ లేస్ కడుతుంటే ఊపిరి ఆడటం లేదా? మీకు ఈ ఆరోగ్య సమస్య ఉన్నట్లే
మనకీ వాళ్లకీ తేడా ఏంటి? ఆ హీరో వివాదం వేళ సూర్య హితవు!
