Google Fitbit Air: గూగుల్ తమ కొత్త ఫిట్నెస్ ట్రాకర్ ‘ఫిట్బిట్ ఎయిర్’ను ఈ అక్టోబర్ నెలలో భారతదేశంలో విడుదల చేయనున్నట్లు అధికారికంగా ప్రకటించింది. ఇటీవల జరిగిన Made by Google ఈవెంట్లో Pixel 11 సిరీస్ ఫోన్లు, Pixel Watch 5, Pixel Tagలతో పాటు ఈ కొత్త డివైజ్ గురించిన సమాచారాన్ని అందించింది. డిస్ప్లే లేని డిజైన్తో వస్తున్న కంపెనీ మొదటి ఫిట్నెస్ ట్రాకర్ ఇది కావడం విశేషం.
మే నెలలోనే అంతర్జాతీయంగా లాంచ్ అయిన ఈ డివైజ్.. త్వరలోనే ఇండియన్ యూజర్లకు అందుబాటులోకి రానుంది. పింక్ కలర్ పెర్ఫార్మెన్స్ లూప్ బ్యాండ్తో ఉన్న మోడల్ను గూగుల్ ప్రదర్శించింది. అధికారికంగా డేట్, ధర వెల్లడించనప్పటికీ.. ఇప్పటికే అమెజాన్ ఇండియాలో కొన్ని థర్డ్ పార్టీ సెలర్స్ దీని రేటును రూ.17,380 నుండి రూ.18,490 మధ్యలో లిస్ట్ చేశారు. అయితే గ్లోబల్ మార్కెట్లో దీని ప్రారంభ ధర రూ.9,550గా ఉంది.
Also Read: యాపిల్ iPhone Ultra రాకముందే.. ఫోల్డబుల్ మార్కెట్పై గూగుల్, శాంసంగ్ కన్ను!
ఈ ఫిట్బిట్ ఎయిర్ ప్రత్యేకత ఏమిటంటే.. దీనిలో ఎలాంటి స్క్రీన్ ఉండదు. పదే పదే నోటిఫికేషన్లు, అలర్ట్స్ చూస్తూ సమయం వృధా కాకుండా, రోజంతా ప్రశాంతంగా ధరించేలా దీనిని రూపొందించారు. పెర్ఫార్మెన్స్ లూప్, యాక్టివ్, ఎలివేటెడ్ మోడర్న్ అనే మూడు రకాల మార్చుకోగలిగే బ్యాండ్ ఆప్షన్లతో ఇది లభిస్తుంది.
స్క్రీన్ లేకపోయినా హెల్త్ ట్రాకింగ్ విషయంలో ఇది ఎక్కడా తగ్గదు. 24 గంటల హార్ట్ రేట్ మానిటరింగ్, గుండె లయను కనిపెట్టే ఏఫిబ్ అలర్ట్స్, రక్తంలో ఆక్సిజన్ స్థాయులను కొలిచే SpO2 సెన్సార్ ఇందులో ఉన్నాయి. వీటితో పాటు స్లీప్ ట్రాకింగ్, హార్ట్రేట్ వేరియబిలిటీని ఇది నిరంతరం గమనిస్తుంది.
గ్లోబల్గా ఈ డివైజ్ కొనుగోలు చేసిన వారికి మూడు నెలల ఉచిత ‘గూగుల్ హెల్త్ ప్రీమియం’ సబ్స్క్రిప్షన్ లభిస్తుంది. దీని ద్వారా యూజర్లు గూగుల్ హెల్త్ కోచ్ టూల్స్ను ఉపయోగించుకుని తమ ఫిట్నెస్ను మరింత సమర్థవంతంగా మెరుగుపరుచుకోవచ్చు. డిజిటల్ డిస్ట్రాక్షన్స్ లేకుండా కేవలం ఆరోగ్యంపైనే దృష్టి పెట్టాలనుకునే వారికి ఇది మంచి ఛాయిస్ కానుంది.
Also Read: లక్షల డాలర్లు తగలేసి ఇదేం డిజైన్ రా బాబు? Instagram కొత్త లోగోపై ఏకిపారేస్తున్న నెటిజన్లు!
Share
సూపర్ రేంజ్, అదిరిపోయే ఫీచర్లు.. ఆంపియర్ మాగ్నస్ జి మ్యాక్స్ కొత్త వెర్షన్ వచ్చేసింది!
వాహనదారులకు బిగ్ షాక్.. ఇంటి ముందు పార్కింగ్ చేస్తే రూ.25 వేలు, కొత్త రూల్స్ ఎక్కడో తెలుసా?
