Ampere Magnus G Max 2026 Updated: ఎలక్ట్రిక్ స్కూటర్లకు రోజురోజుకూ డిమాండ్ పెరుగుతున్న సమయంలో ఆంపియర్ తన మాగ్నస్ జి మ్యాక్స్ ను మరింత అప్ డేటెడ్ ఫీచర్లతో అందుబాటులోకి తీసుకొచ్చింది. కొత్త కనెక్టెడ్ ఫీచర్లు, పెద్ద డిస్ ప్లే, రైడింగ్ ను ఈజీగా మార్చే టెక్నాలజీతో ఈ స్కూటర్ ను మార్కెట్లోకి తీసుకొచ్చింది. అప్ డేట్ చేసిన మాగ్నస్ జి మ్యాక్స్ ధర రూ.1.10 లక్షలుగా కంపెనీ నిర్ణయించింది.
ఆంపియర్ కొత్తగా తీసుకొచ్చిన NxG.io సాఫ్ట్ వేర్ ప్లాట్ ఫామ్ ద్వారా మాగ్నస్ జి మ్యాక్స్ లో కీలక మార్పులు చేసింది. ఈ అప్డేట్తో స్కూటర్కు 30కి పైగా కనెక్టెడ్, IoT ఫీచర్లు అందుబాటులోకి తీసుకొచ్చింది. స్కూటర్ లో ఇప్పుడు కొత్త 5 అంగుళాల డిస్ ప్లే ఉంది. ఇందులో టర్న్ బై టర్న్ నావిగేషన్ సదుపాయం కూడా ఉంటుంది. రోజువారీ ప్రయాణాల్లో కొత్త మార్గాలను ఈజీగా గుర్తించేందుకు ఈ ఫీచర్ ఉపయోగపడుతుంది.
అప్ డేట్ లో ప్రత్యేకంగా చెప్పుకోవాల్సిన ఫీచర్లలో క్రూయిజ్ కంట్రోల్ ఒకటి. ఎక్కువ దూరం ప్రయాణించే సమయంలో నిరంతరం యాక్సిలరేటర్ ను ఉపయోగించాల్సిన అవసరాన్ని కొంతవరకు తగ్గిస్తుంది. హిల్ హోల్డ్ అసిస్ట్ ను కూడా స్కూటర్ కు జోడించారు. వాలుగా ఉన్న రోడ్లపై స్కూటర్ ఆపినప్పుడు వెనక్కి వెళ్లిపోకుండా ఈ ఫీచర్ సాయపడుతుంది. ట్రాఫిక్ లో, ఎత్తైన ప్రాంతాల్లో రైడర్లకు ఇది ఉపయోగకరంగా ఉంటుంది.
పార్కింగ్ చేసిన తర్వాత స్కూటర్ ఎక్కడ ఉందో మర్చిపోయే సందర్భాల్లో కూడా కొత్త ఫీచర్లు ఉపయోగపడతాయి. ఫోన్ యాప్ ద్వారా స్కూటర్ ను పింగ్ చేసి సులభంగా గుర్తించవచ్చు. దీంతో పెద్ద పార్కింగ్ ప్రాంతాల్లో స్కూటర్ ను వెతకడం ఈజీ అవుతుంది. ఇవే కాకుండా రియల్ టైమ్ ఛార్జింగ్ స్టేటస్, లైవ్ ట్రాకింగ్, జియోఫెన్సింగ్, దొంగతనం, టోయింగ్ అలర్ట్లు కూడా ఉన్నాయి. రిమోట్ డయాగ్నోస్టిక్స్, సర్వీస్ బుకింగ్, ఛార్జింగ్ హిస్టరీ, బ్యాటరీ హెల్త్ వివరాలు కూడా యాప్లో చూడొచ్చు.
స్కూటర్ సాఫ్ట్ వేర్ ను భవిష్యత్తులో మరింత మెరుగుపరిచేందుకు OTA అప్ డేట్ సదుపాయం ఇచ్చారు. అంటే సర్వీస్ సెంటర్ కు వెళ్లకుండానే కొన్ని సాఫ్ట్ వేర్ అప్ డేట్స్ పొందే అవకాశం ఉంటుంది. ఈ కనెక్టెడ్ ఫీచర్లన్నీ ఆంపియర్ కనెక్ట్ యాప్ ద్వారా ఉపయోగించుకోవచ్చు.
మాగ్నస్ జి మ్యాక్స్ లో మెకానికల్గా మాత్రం ఎలాంటి పెద్ద మార్పులు చేయలేదు. ఇందులో 3kWh LFP బ్యాటరీని ఉపయోగించారు. దీనికి 2.4kW పీక్ పవర్ అందించే హబ్ మౌంటెడ్ మోటార్ ను యాడ్ చేశారు. ఈ స్కూటర్ 142 కిలోమీటర్ల IDC రేంజ్ ను అందిస్తుంది. గరిష్ట వేగం గంటకు 65 కిలోమీటర్లు. బ్యాటరీకి 5 సంవత్సరాలు లేదంటే 75,000 కిలోమీటర్ల వారంటీ అందిస్తున్నారు. బ్యాటరీ జీవితకాలం 2 లక్షల కిలోమీటర్ల వరకు ఉంటుందని కంపెనీ చెబుతోంది.
మాగ్నస్ జి మ్యాక్స్ ను డ్యూయల్ టోన్ కలర్ ఆప్షన్లలో అందిస్తున్నారు. ఇప్పటికే ఉన్న మాన్ సూన్ బ్లూ, మచ్చా గ్రీన్ రంగులతో పాటు కొత్తగా సిన్నమోన్ కాపర్ కలర్ను యాడ్ చేశారు.
Read Also: విన్ ఫాస్ట్ మ్యాక్సీ స్కూటర్ కు పేటెంట్.. స్టన్నింగ్ లుక్ తో మెస్మరైజ్!
Share
Bigg Boss Abhijith : కంటెస్టెంట్ పై అభిజిత్ సీరియస్.. ఇదేం పని భయ్యా..
డిస్ట్రాక్షన్ ఫ్రీ హెల్త్ ట్రాకర్.. భారత్లోకి వచ్చేస్తున్న Google Fitbit Air, రేటు ఎంతంటే?
