Google Pixel Audio Memory: గూగుల్ తమ పిక్సెల్ స్మార్ట్ఫోన్ వినియోగదారుల కోసం సరికొత్త ఏఐ ఫీచర్ను పరిచయం చేసేందుకు సిద్ధమవుతోంది. ‘ఆడియో మెమరీ’ పేరుతో రాబోతున్న ఈ ఫీచర్ ద్వారా రోజంతా మనం వినే పాటలతో పాటు ముఖ్యమైన సంభాషణలను కూడా సులభంగా గుర్తుంచుకోవచ్చు. ప్రస్తుతం పిక్సెల్ ఫోన్లలో ఉన్న ‘నౌ ప్లేయింగ్’ ఫీచర్కు ఇది మరింత అప్గ్రేడెడ్ వెర్షన్ అని చెప్పొచ్చు.
ఆండ్రాయిడ్ సిస్టమ్ ఇంటెలిజెన్స్ యాప్లోని కోడింగ్ను పరిశీలించినప్పుడు ఈ సరికొత్త ఫీచర్ వివరాలు బయటకు వచ్చాయి. గూగుల్ దీనికి ‘బ్లూఫ్లాక్స్’ అనే కోడ్ నేమ్ పెట్టింది. రాబోయే పిక్సెల్ 10 సిరీస్ ఫోన్లలో ఈ టెక్నాలజీని మొదటిసారిగా ప్రవేశపెట్టే అవకాశం ఉందని నిపుణులు అంచనా వేస్తున్నారు.
Also Read: షాకింగ్.. రూ.41,000 తగ్గిన Samsung Galaxy Z Flip 5 ఫోన్ ధర.. అమెజాన్లో బంపర్ ఆఫర్!
మన చుట్టుపక్కల వినిపించే పాటలను గుర్తించడమే కాకుండా.. మన ఫోన్లోని రకరకాల యాప్స్ ద్వారా వినే ఆడియోను కూడా ఇది ట్రాక్ చేస్తుంది. వాటన్నింటినీ కలిపి ఒక టైమ్లైన్ లాగా భద్రపరుస్తుంది. కేవలం సంగీతమే కాకుండా, మనం మాట్లాడే ముఖ్యమైన విషయాలను కూడా గుర్తుంచుకోవడానికి ఇది సహాయపడుతుంది. ఏ యాప్లకు ఈ అనుమతి ఇవ్వాలనేది పూర్తిగా వినియోగదారుల చేతుల్లోనే ఉంటుంది.
వినియోగదారుల వ్యక్తిగత వివరాల భద్రత విషయంలో గూగుల్ ప్రత్యేక శ్రద్ధ తీసుకుంటోంది. ఈ ఫీచర్ ద్వారా సేకరించే డేటా అంతా ఫోన్లోనే ప్రాసెస్ అవుతుంది. ఏదైనా పాటను ఫోన్ గుర్తించలేనప్పుడు మాత్రమే, చిన్న ఆడియో ఫింగర్ప్రింట్ను గూగుల్ క్లౌడ్కు పంపుతుంది. మిగిలిన సంభాషణలు ఏవీ గూగుల్ సర్వర్లకు చేరవు, ఫోన్ను దాటి బయటకు వెళ్లవు.
ప్రస్తుతం ఈ ఆడియో మెమరీ ఫీచర్ ప్రాథమిక అభివృద్ధి దశలోనే ఉంది. ప్రయోగాత్మకంగా ఇది పనిచేస్తున్నప్పటికీ.. భవిష్యత్తులో అందరికీ అందుబాటులోకి వచ్చేసరికి మరికొన్ని మార్పులు జరిగే అవకాశం ఉంది. ఏదేమైనా, ప్రైవసీకి భంగం కలగకుండా గూగుల్ తీసుకురాబోతున్న ఈ ఏఐ ఫీచర్ పిక్సెల్ వినియోగదారులకు సరికొత్త అనుభూతిని ఇస్తుందని చెప్పడంలో సందేహం లేదు.
Also Read: 8000mAh బ్యాటరీ, ఇన్-బిల్ట్ ఫ్యాన్తో రెడ్మి కొత్త ఫోన్.. ఫీచర్లు అరాచకం బాబోయ్!
Share
నారా రోహిత్ ఫ్యాన్స్కు గుడ్ న్యూస్.. పండంటి మగబిడ్డకు జన్మనిచ్చిన నారా వారి కోడలు..
బాక్సాఫీస్ ‘పెద్ది’ అరాచకం.. 400 కోట్ల క్లబ్లో రామ్ చరణ్.. నేడే మెగాస్టార్తో కలిసి గ్రాండ్ సక్సెస్ మీట్!
