HMD Smartphone: హెచ్ఎండీ (HMD) బ్రాండ్ స్మార్ట్‌ఫోన్లు త్వరలో భారతదేశంలో విడుదల కానున్నాయి. ఈ విషయాన్ని సదరు సంస్థ కొన్ని రోజుల క్రితం తెలిపింది. అయితే ఎప్పుడు లాంచ్ చేస్తుంది అని విషయాన్ని మాత్రం వెల్లడించలేదు. తాజా సమాచారం ప్రకారం.. ఈ మొబైల్ ఈ ఏడాది చివర్లో విడుదలయ్యే అవకాశం ఉంది.
ఇటీవల బార్సిలోనాలో జరిగిన మొబైల్ వరల్డ్ కాంగ్రెస్ 2024లో హెచ్ఎండీ సంస్థ తన మొబైల్ ఫోన్లను ప్రదర్శించింది. దీంతో ఫోన్ లుక్, డిజైన్, స్పెసిఫికేషన్లు బయటకొచ్చాయి. ఈ స్మార్ట్‌ఫోన్ మధ్యలో HMG బ్రాండింగ్‌తో క్లీన్ బ్యాక్ డిజైన్‌ను కలిగి ఉంటుంది. ఇది దాని లుక్‌తో ఫోన్ ప్రియులను అట్రాక్ట్ చేసింది.
ఈ ఫోన్ స్పెసిఫికేషన్ వివరాల విషయానికొస్తే.. ఇది HD+ రిజల్యూషన్‌తో 6.56-అంగుళాల IPS డిస్‌ప్లేను కలిగి ఉంటుంది. ఫ్లాట్ అంచులతో పంచ్-హోల్ ప్యానెల్ అవుతుంది. చూడ్డానికి చాలా స్లిమ్‌గా కనిపిస్తుంది. ఇది కుడి వైపున పవర్ బటన్, వాల్యూమ్ రాకర్‌లను కలిగి ఉంటుంది. ఎడమ వైపున సిమ్ కార్డ్ స్లాట్‌ను అమర్చారు. ఆప్టిక్స్ పరంగా.. ఇది డ్యూయల్-రియర్ కెమెరా సిస్టమ్‌ను కలిగి ఉంటుంది. ప్రధాన లెన్స్ 13MP ప్రైమరీ లెన్స్ అని తెలుస్తోంది. కాగా ఇది ఎంట్రీ-లెవల్ ఫోన్ కావచ్చని కొందరు టెక్ నిపుణులు సూచిస్తుంది. ఇది కెమెరా లెన్స్‌ల పక్కన డ్యూయల్-LED ఫ్లాష్‌ను కలిగి ఉన్నట్లు కూడా కనిపిస్తుంది.
Also Read: మోటో నుంచి బడ్జెట్ ఫోన్ లాంచ్.. ఫీచర్స్‌పై ఓ లుక్కేయండి!
అలాగే ఇది ఆక్టా-కోర్ చిప్‌సెట్ ద్వారా శక్తిని పొందుతుందని అభిప్రాయపడుతున్నారు. అంతేకాకుండా ఈ స్మార్ట్‌ఫోన్ 5,000mAh బ్యాటరీ ప్యాక్‌తో రానున్నట్లు తెలుస్తోంది. కాగా ఈ స్మార్ట్‌ఫోన్ ఫాస్ట్ ఛార్జింగ్ సపోర్ట్‌ని కలిగి ఉండే అవకాశం ఉందని తెలుస్తోంది. అయితే దీనికి సంబంధించి పూర్తి స్పెసిఫికేషన్ వివరాలు తెలియాల్సి ఉంది.
ఇది నోకియా-బ్రాండెడ్ ఫోన్‌లతో పాటు HMD-బ్రాండెడ్ మొబైళ్లను కూడా లాంచ్ చేస్తుంది. అయితే ఈ HMD స్మార్ట్‌ఫోన్లు మిడ్ బడ్జెట్ సెగ్మెంట్‌లో లాంచ్ అయ్యే అవకాశం ఉన్నట్లు తెలుస్తోంది. వీటి ధరలు వరుసగా.. రూ.12,000 నుంచి రూ.18,000 వరకు ఉండవచ్చు. లేదా రూ.20,000 మధ్య ఉండే అవకాశం ఉందని కొందరు టెక్ నిపుణులు అభిప్రాయపడుతున్నారు.
Share
Jos Buttler: ఛేజింగ్ లో సెంచరీల వీరుడు.. జోస్ బట్లర్
Ramanavami in Ayodhya : బాలరాముడికి సూర్యతిలకం.. దర్శనమిచ్చిన మహత్తర దృశ్యం (వీడియో)
