Honor Robot Phone: ప్రపంచం టెక్నాలజీ వైపు పరుగులు పెడుతున్న నేటి యుగంలో స్మార్ట్ఫోన్ల రూపురేఖలు వేగంగా మారిపోతున్నాయి. ఈ తరుణంలో ప్రముఖ హానర్ కంపెనీ త్వరలో తీసుకురాబోతున్న కొత్త ఫోన్ మాత్రం అందరినీ నిజంగానే ఆశ్చర్యపరుస్తోంది. అదే Honor Robot Phone. కెమెరా రంగంలో సరికొత్త విప్లవానికి తెరతీస్తూ రూపొందించిన ఈ డివైజ్ కోసం ఆసక్తిగా ఎదురుచూస్తున్న టెక్ ప్రియులకు శుభవార్త ఏమిటంటే.. చైనాలో దీని ప్రీ-ఆర్డర్లు ఇప్పటికే మొదలయ్యాయి. ఆగస్టు 12న ఈ రోబోటిక్ వండర్ ప్రపంచానికి పరిచయం కానుంది.
ఈ ఫోన్లోని ప్రధాన ఆకర్షణ దీని రోబోటిక్ కెమెరా సిస్టమ్. మిగతా ఫోన్లలా కాకుండా.. దీనిలో టైటానియం అలాయ్తో చేసిన ఒక చిన్న గింబాల్ మెకానిజమ్ ఉంటుంది. మనం వీడియోలు తీస్తున్నప్పుడు లేదా బ్లాగింగ్ చేస్తున్నప్పుడు ఇది 360 డిగ్రీల్లో సబ్జెక్ట్ను ట్రాక్ చేస్తూ.. షేక్ అవ్వకుండా అత్యంత స్టెబిలిటీతో విజువల్స్ అందిస్తుంది.
ఫొటోగ్రఫీ విషయానికి వస్తే.. ఈ Honor Robot Phoneలో 200 మెగాపిక్సెల్ మెయిన్ కెమెరాతో పాటు, మరో 200 మెగాపిక్సెల్ పెరిస్కోప్ టెలిఫొటో, 50 మెగాపిక్సెల్ అల్ట్రావైడ్ లెన్స్ ఉండే అవకాశం ఉంది. హానర్ సొంతంగా తయారుచేసిన ‘యుగువాంగ్ H1’ ఇమేజింగ్ చిప్, AI సాంకేతికత వల్ల ప్రొఫెషనల్ ఫిల్మ్ మేకర్లకు కావలసినంత కలర్ క్వాలిటీ, సినిమాటిక్ అవుట్పుట్ లభిస్తాయి.
Also Read: WhatsApp యూజర్లకు బిగ్ రిలీఫ్.. స్టేటస్ క్యాప్షన్లో తప్పు పడిందా? ఇక డిలీట్ చేయక్కర్లేదు!
భారీ పనులను కూడా సునాయాసంగా పూర్తిచేసేలా దీని మెమరీ వేరియంట్లను డిజైన్ చేశారు. తాజా లీకుల ప్రకారం చూస్తే.. ఈ ఫోన్ 12GB ర్యామ్ + 256GB/512GB స్టోరేజ్ వేరియంట్లలో రానుంది. ఇక హెవీగా వాడే పవర్ యూజర్ల కోసం ఏకంగా 16GB ర్యామ్, 1TB ఇంటర్నల్ స్టోరేజ్ మోడల్ కూడా అందుబాటులో ఉండే అవకాశం ఉంది.
స్పీడ్ అండ్ పెర్ఫార్మన్స్ విషయంలోనూ Honor Robot Phone ఎక్కడా తగ్గడం లేదు. ఇందులో క్వాల్కమ్ స్నాప్డ్రాగన్ 8 ఎలైట్ జెన్ 5 ప్రాసెసర్ వాడనున్నట్లు తెలుస్తోంది. అలాగే కంటికి హాయినిచ్చే 1.5K ఫ్లాట్ డిస్ప్లే, సూపర్ ఫాస్ట్ ఛార్జింగ్ సపోర్ట్, పనులను సులువు చేసే యోయో (YOYO) AI అసిస్టెంట్ దీని ప్రత్యేకతలు.
ఆగస్టు 12న చైనాలో జరగబోయే గ్రాండ్ ఈవెంట్లో హానర్ ఈ రోబోట్ ఫోన్ను అధికారికంగా లాంచ్ చేయనుంది. ఆ రోజే దీని ధర, పూర్తి ఫీచర్లు అలాగే ఇతర దేశాల్లో ఎప్పుడు అందుబాటులోకి వస్తుందనే విషయాలు క్లియర్గా తెలియనున్నాయి.
Also Read: రూ.99 లేదా రూ.999.. దీని వెనుక ఇంత కథ ఉందా? దొంగల కోసమా? పత్రిక కోసమా?
Share
వీరేంద్ర సెహ్వాగ్ ను రెండు బంతుల్లోనే ఔట్ చేస్తా..పాక్ బౌలర్ సంచలన వ్యాఖ్యలు
ఓ రకుల్.. ఓ త్రిష.. రాజకీయ అస్త్రాలుగా సినీ తారలు.. మహిళలను కించపరిచేందుకూ వెనకాడని వైనం...!
