E-Paper
Advertisement

వంటగదిలో వినోదం మిస్ అవ్వక్కర్లేదు.. పాత గూగుల్ హోమ్ డిస్‌ప్లే ఉంటే ఇలా వాడేయండి!

వంటగదిలో వినోదం మిస్ అవ్వక్కర్లేదు.. పాత గూగుల్ హోమ్ డిస్‌ప్లే ఉంటే ఇలా వాడేయండి!
Advertisement

Google Nest Hub: వంటింట్లో బిజీగా వంట చేస్తున్నప్పుడు లేదా పనుల్లో మునిగిపోయినప్పుడు టీవీలో మనకు ఇష్టమైన మ్యాచ్ లేదా షో వస్తుంటే చూడటం కాస్త కష్టమే. ఫోన్ పక్కన పెట్టి చూద్దామంటే చేతులకు పిండి లేదా మసాలాలు అంటుకుని ఉంటాయి. ఇలాంటి సమయంలో ఇంట్లో వాడకుండా పక్కన పడేసిన పాత గూగుల్ హోమ్ లేదా నెస్ట్ హబ్ డిస్‌ప్లే మీకు బాగా ఉపయోగపడుతుంది. కేవలం వాయిస్ కమాండ్‌తో వంట గదిలోనే లైవ్ టీవీ లేదా పాటలను హాయిగా ఎంజాయ్ చేయవచ్చు.

వంటింట్లో ఎంటర్‌టైన్‌మెంట్:

వంటింట్లో పని చేసుకుంటూనే యూట్యూబ్ టీవీలో ఈఎస్పీఎన్ వంటి స్పోర్ట్స్ ఛానెల్స్ లేదా ఇతర షోలు చూడటానికి గూగుల్ నెస్ట్ హబ్ సెట్ అవుతుంది. ‘హే గూగుల్.. వాచ్ టీవీ’ అని నోటితో చెబితే చాలు.. స్క్రీన్‌ను తాకాల్సిన అవసరం లేకుండానే కోరుకున్న ఛానెల్ ప్లే అవుతుంది. 7 అంగుళాల లేదా 10 అంగుళాల నెస్ట్ హబ్ మాక్స్ స్క్రీన్లు వంటగది కౌంటర్‌టాప్‌పై పెట్టుకోవడానికి చాలా అనువుగా ఉంటాయి. చేతులు శుభ్రంగా ఉన్నప్పుడు టచ్‌స్క్రీన్ ద్వారా కూడా సౌండ్ పెంచడం, ఛానెల్స్ మార్చడం వంటివి సులభంగా చేయవచ్చు.

Advertisement

Also Read: యూట్యూబ్‌లో ఏ వీడియో క్వాలిటీకి ఎంత డేటా ఖర్చవుతుందో తెలుసా?

స్ట్రీమింగ్ ఇతర ఉపయోగాలు:

ఈ గూగుల్ డిస్‌ప్లేలు కేవలం యూట్యూబ్ టీవీకే పరిమితం కాదు. ఇందులో గూగుల్ కాస్ట్ టెక్నాలజీ ఉండటం వల్ల నెట్‌ఫ్లిక్స్, స్పాటిఫై వంటి ప్రముఖ వీడియో, ఆడియో స్ట్రీమింగ్ యాప్‌లను నేరుగా ప్లే చేసుకోవచ్చు. ఆఫీస్ రూమ్‌లో పని చేస్తూ వార్తలు చూడటానికి లేదా సాయంత్రం వేళల్లో పాటలు వినడానికి ఇది సెకండరీ స్క్రీన్‌లా పనిచేస్తుంది. ఒకవేళ యూట్యూబ్ టీవీ సరిగ్గా పనిచేయకపోతే గూగుల్ అసిస్టెంట్‌ను ‘జెమిని ఫర్ హోమ్’కి అప్‌గ్రేడ్ చేయడం ద్వారా ఈ సమస్యను సులభంగా పరిష్కరించుకోవచ్చు.

డిజిటల్ ఫోటో ఫ్రేమ్‌గా:

Advertisement

గూగుల్ హోమ్ డిస్‌ప్లేను ఇంట్లోని హాల్లో ఒక డిజిటల్ ఫోటో ఫ్రేమ్‌లా కూడా మార్చుకోవచ్చు. ఇంట్లో ఉండే పెద్దవారికి లేదా తల్లిదండ్రులకు తమ పిల్లలు, మనవళ్ల ఫోటోలను ఎప్పటికప్పుడు చూపించడానికి ఇది అద్భుతంగా తోడ్పడుతుంది. గూగుల్ ఫోటోస్ ద్వారా ఒక షేర్డ్ ఆల్బమ్ క్రియేట్ చేస్తే.. దూరంగా ఉండే కుటుంబ సభ్యులు అందులో అప్‌లోడ్ చేసే ఫోటోలు నేరుగా ఈ డిస్‌ప్లేపై కనిపిస్తాయి. ఇది పాత పరికారానికి కొత్త జీవం పోయడమే కాకుండా ఇంట్లో అందరికీ తీపి గుర్తుగా మారుతుంది.

బేబీ మానిటర్‌గానూ:

ఈ స్మార్ట్ డిస్‌ప్లేలను ఇంటి భద్రత కోసం కూడా వాడుకోవచ్చు. స్మార్ట్ సెక్యూరిటీ కెమెరాలు లేదా డోర్‌బెల్స్‌ను దీనికి కనెక్ట్ చేస్తే.. ఇంటి బయట ఎవరు ఉన్నారో లేదా డోర్ దగ్గరకు ఎవరు వచ్చారో సులభంగా చూసేయవచ్చు. అలాగే చిన్న పిల్లలు ఉన్నవారు నానిట్ ప్రో వంటి కెమెరాలను అనుసంధానించి దీనిని బేబీ మానిటర్‌గా ఉపయోగించవచ్చు. పాప లేదా బాబు పడుకున్నారా లేదా అనేది వేరే గదిలో ఉండి కూడా డిస్‌ప్లేలో గమనించవచ్చు. ఇలా పాత డిస్‌ప్లేను వేస్ట్‌గా పడేయకుండా ఇంటికి కావాల్సిన స్మార్ట్ డివైజ్‌లా మార్చేసుకోవచ్చు.

Also Read: ఫోన్ అడిక్షన్ అనుకుంటున్నారా? ఉదయాన్నే ఫోన్ చూడటం వెనుక అసలు సైకాలజీ ఇదే!

Tags

Related News

కొత్త ఫోన్ బ్యాటరీ త్వరగా డౌన్ అవుతోందా?కారణాలివే!

రూ.20 వేల లోపు బ్రాండెడ్ 5G ఫోన్ కొనాలా? ఈ 4 శాంసంగ్ మోడల్స్‌పై ఓ లుక్కేయండి, ఫీచర్లు అదుర్స్!

ఫోటోలతో స్కామ్‌లు పెరుగుతున్నాయా? క్షణాల్లో ఏఐ ఇమేజ్‌లు గుర్తించండిలా !

యాపిల్, శాంసంగ్‌లకు చెక్ పెట్టబోతున్న OpenAI.. త్వరలోనే యాప్స్ లేని కొత్త స్మార్ట్‌ఫోన్!

జియో యూజర్లకు బంపర్ ఆఫర్.. రూ.450 రీఛార్జ్‌తో ఫ్రీ జియో హాట్‌స్టార్, ఏడాది పాటు కాన్వా ప్రో లైట్!

ఒక్కసారి ఛార్జ్ చేస్తే 70 గంటల నాన్‌స్టాప్ మ్యూజిక్..రూ.999కే ఇయర్‌బడ్స్!

రూ.759కే 80 గంటల ప్లేటైమ్, ఓపెన్ ఇయర్ క్లిప్ డిజైన్ ఇయర్ బడ్స్

వాట్సప్‌లో జస్ట్ Hi అని మెసేజ్ చేస్తే చాలు.. మీ PF బ్యాలెన్స్, పాస్‌బుక్ వివరాలు ఇట్టే తెలుసుకోవచ్చు!

Big Stories

Advertisement
×