Huawei Band 11 Pro Review: నేటి ఫాస్ట్ లైఫ్‌లో హెల్త్ అండ్ ఫిట్‌నెస్‌పై శ్రద్ధ పెట్టడం ప్రతి ఒక్కరికీ చాలా అవసరమైపోయింది. అందుకోసమే.. ప్రముఖ టెక్ బ్రాండ్ హువావే సరికొత్త Huawei Band 11 Proని మార్కెట్లోకి తీసుకొచ్చింది. చూడటానికి చాలా అల్ట్రా-స్లిమ్‌గా ఉండటమే కాకుండా.. చేతికి పెట్టుకుంటే ఎంతో స్టైలిష్‌గా కనిపిస్తుంది. ఏకంగా 14 రోజుల బ్యాటరీ లైఫ్, అడ్వాన్స్‌డ్ స్లీప్ ట్రాకింగ్ , హార్ట్ రేట్ మానిటరింగ్‌తో వస్తున్న ఈ స్మార్ట్‌బాండ్ విశేషాలను ఇప్పుడు తెలుసుకుందాం.
సాధారణంగా మార్కెట్‌లో లభించే స్మార్ట్ వాచ్‌లు లేదా బ్యాండ్లు సైజులో కాస్త పెద్దవిగా ఉండి బరువుగా అనిపిస్తుంటాయి. కానీ, Huawei Band 11 Pro మాత్రం చాలా తేలికగా, అల్ట్రా-స్లిమ్ ప్రొఫైల్‌తో డిజైన్ చేయబడింది. రోజువారీ వాడకానికి, వర్కవుట్లకు, నిద్రపోతున్న సమయంలో ఉపయోగించడానికి ఇది చాలా అనుకూలంగా ఉంటుంది.
ఈ హువావే బ్యాండ్ 11 ప్రో అతి తక్కువ మందంతో చాలా తేలికగా ఉంటుంది. ఇందులో నాణ్యమైన అల్మోడ్ డిస్‌ప్లే ఉంటుంది. దీని స్క్రీన్ స్పష్టంగా కనిపించేలా హై-బ్రైట్‌నెస్ సపోర్ట్ ఇచ్చారు. దీని కలర్ ఫుల్ టచ్ స్క్రీన్ చాలా స్మూత్‌గా రన్ అవుతుంది. అలాగే వందలాది వాచ్ ఫేసెస్ అందుబాటులో ఉండటం వల్ల మీ డ్రెస్సింగ్‌కు తగ్గట్టు మార్చుకోవచ్చు.
ఆరోగ్యంపై శ్రద్ధ వహించే వారి కోసం ఇందులో చాలా అడ్వాన్స్‌డ్ సెన్సార్లు ఉన్నాయి. మీరు రాత్రి సమయంలో ఎంతసేపు గాఢ నిద్రపోయారు, నిద్రలో శ్వాస ఎలా ఉంది అనే విషయాలను సైంటిఫిక్‌గా ట్రాక్ చేస్తుంది. అంతే కాకుండా రక్తం లోని ఆక్సిజన్ స్థాయిలను, గుండె వేగాన్ని 24 గంటలు పర్యవేక్షిస్తుంది. మీ మానసిక ఒత్తిడి స్థాయిని కొలిచి, ప్రశాంతంగా ఉండటానికి మైండ్‌ఫుల్‌నెస్ మరియు బ్రీథింగ్ ఎక్సర్‌సైజెస్‌ను సూచిస్తుంది.
ఫిట్నెస్ ప్రియుల కోసం ఇందులో.. 100 కంటే ఎక్కువ స్పోర్ట్స్ మోడ్లు ఉన్నాయి. రన్నింగ్, వాకింగ్, సైక్లింగ్, స్విమ్మింగ్ వంటి వర్కవుట్లను చాలా ఖచ్చితత్వంతో రికార్డ్ చేస్తుంది. ఇందులో ఉన్న ఇన్-బిల్ట్ ఫీచర్ సహాయంతో మీరు బయట రన్నింగ్ లేదా సైక్లింగ్ చేసినప్పుడు మీ ఫోన్‌ను వెంట తీసుకెళ్లాల్సిన అవసరం లేకుండానే.. డిస్టెన్స్ , రూట్‌ను ట్రాక్ చేస్తుంది. 5 ఏటీఎమ్ వాటర్ రెసిస్టెన్స్ ఉండటం వల్ల ఈత కొట్టేటప్పుడు లేదా వర్షంలో తడిసినా ఎలాంటి భయం లేదు.
ఏదైనా స్మార్ట్ డివైజ్ కొనేటప్పుడు బ్యాటరీ ముఖ్యమైన పాత్ర పోషిస్తుంది. హువావే బ్యాండ్ 11 ప్రో ని ఒక్కసారి పూర్తి ఛార్జ్ చేస్తే సాధారణ వాడకంలో ఏకంగా 14 రోజుల పాటు నిరంతరాయంగా పని చేస్తుంది. ఒకవేళ హెవీగా అన్ని ఫీచర్లు ఆన్ చేసి వాడినా కూడా 7 నుంచి 8 రోజుల వరకు బ్యాటరీ లైఫ్ వస్తుంది. ఫాస్ట్ ఛార్జింగ్ సపోర్ట్ వల్ల కేవలం కొద్ది నిమిషాల ఛార్జింగ్‌తోనే రోజంతా వాడవచ్చు.
Also Read: ధర చూస్తే షాక్ అవ్వాల్సిందే! థియేటర్ ఫీలింగ్ ఇచ్చే టీవీ వచ్చేసిందోచ్!
ఇది ఆండ్రాయిడ్, iOS ఫోన్లు రెండింటికీ సజావుగా కనెక్ట్ అవుతుంది. మీ ఫోన్‌కు వచ్చే కాల్స్, మెసేజ్‌లు, యాప్ నోటిఫికేషన్‌లను నేరుగా మీ మణికట్టుపైనే చూడవచ్చు. మ్యూజిక్ కంట్రోల్, వెదర్ అప్‌డేట్స్, కెమెరా షట్టర్ కంట్రోల్ వంటి స్మార్ట్ ఫీచర్లు మీ పనులను మరింత ఈజీ చేస్తాయి.
ధర :
ఆఫర్ ధర : దీని సుమారు మార్కెట్ ధర రూ.5,599 నుంచి రూ. 6,399 వరకు ఆన్‌లైన్ , ఆఫ్‌లైన్ స్టోర్లలో అందుబాటులో ఉంది. మీకు తక్కువ బడ్జెట్‌లో.. అల్ట్రా-స్లిమ్ లుక్, అక్యూరేట్ ఫిట్నెస్ ట్రాకింగ్, ఎక్కువ రోజులు వచ్చే బ్యాటరీ బ్యాకప్ ఉన్న డివైజ్ కావాలనుకుంటే ఈ స్మార్ట్ బ్యాండ్ నిశ్చింతగా కొనొచ్చు.
Share
బుల్లెట్ రైళ్ల కోసం స్వదేశీ కంట్రోల్ సిస్టమ్.. భారత్ సంచలన నిర్ణయం!
టీవీ కింద అల్యూమినియం ఫాయిల్.. తర్వాత జరిగే మ్యాజిక్కే వేరు.. ఇన్నాళ్లు ఎలా మిస్ అయ్యాం!
