Important whatsapp settings: ఈ రోజుల్లో చాలా మంది ఫోన్లో వాట్సాప్ చూడనిది క్షణం ఉండదు. పర్సనల్ చాట్ల నుంచి బ్యాంకు వివరాల వరకు అన్నీ వాట్సాప్లోనే షేర్ చేసుకుంటుంటాం. అయితే.. ఇంత ముఖ్యమైన యాప్ను మనం వాడుతున్నప్పటికీ, దాని సేఫ్టీ విషయంలో కొన్ని పొర పాట్లు చేస్తుంటాం. చిన్న చిన్న సెట్టింగ్లను నిర్లక్ష్యం చేయడం వల్ల మన పర్సనల్ డేటా లీకయ్యే.. ప్రమాదం ఉంది. మీ వాట్సాప్ను ఎల్లప్పుడూ సేఫ్గా ఉంచుకోవడానికి.. మీరు ఏమాత్రం నిర్లక్ష్యం చేయకూడని ఆ అద్భుతమైన 5 సెట్టింగ్లు ఏమిటో ఇప్పుడు చూద్దాం!
చాలా మంది వాట్సాప్లో.. కేవలం ఫోన్ నంబర్ ఓటీపీతో లాగిన్ అయ్యి వదిలేస్తారు. కానీ.. ఇది పూర్తిగా సేఫ్టీ కాదు. మీ సిమ్ కార్డ్ హ్యాక్ అయితే.. ఎవరైనా మీ వాట్సాప్ను ఈజీగా యాక్సెస్ చేయగలరు. దీన్ని నివారించడానికి.. ‘టూ-స్టెప్ వెరిఫికేషన్’ఎనేబుల్ చేసుకోవడం అత్యంత ముఖ్యం. దీని వల్ల మీరు ఎప్పుడైనా కొత్త ఫోన్లో.. వాట్సాప్ ఇన్స్టాల్ చేస్తే, మీరు సెట్ చేసుకున్న 6 అంకెల పిన్ నంబర్ అడుగుతుంది.ఇది మీ అకౌంట్కు బలమైన కోటలా పని చేస్తుంది.
మీ వాట్సాప్ డీపీ , అబౌట్, ‘లాస్ట్ సీన్’ వివరాలు అందరికీ కనిపిస్తున్నాయా? అయితే వెంటనే.. వాటిని మార్చుకోండి. సైబర్ నేరగాళ్లు మన ప్రొఫైల్ ఫోటోలను డౌన్లోడ్ చేసి ఫేక్ అకౌంట్ సృష్టించే అవకాశం ఉంది. కాబట్టి ప్రైవసీ సెట్టింగ్లోకి వెళ్లి వీటిని ‘ఎవ్రీవన్’నుంచి ‘మై కాంటాక్ట్స్’ లేదా ‘నోబడీ’కి మార్చుకోవడం ఎప్పుడూ సేఫ్ .
మనం పంపే.. మెసేజ్లు లైఫ్ లాంగ్ చాట్ హిస్టరీలో ఉండిపోవాల్సిన అవసరం లేదు. ముఖ్యమైన లేదా పర్సనల్ చాట్ల విషయంలో ‘డిస్అపియరింగ్ మెసేజెస్’ ఫీచర్ను ఆన్ చేయడం మంచిది. మీరు సెట్ చేసిన సమయాన్ని (24 గంటలు, 7 రోజులు లేదా 90 రోజులు) బట్టి ఆటోమేటిక్గా .. ఆ చాట్స్ డిలీట్ అయిపోతాయి. దీని వల్ల మీ ఫోన్ పోయినా.. లేదా ఎవరి చేతికి చిక్కినా పర్సనల్ డేటా లీక్ అయ్యే టెన్షన్ ఉండదు.
మన ఫోన్ను ఫ్రెండ్స్ లేదా పిల్లలు తీసుకున్నప్పుడు కొన్నిసార్లు సీక్రెట్ చాట్లు ఎక్కడ కనిపిస్తాయోనని భయం ఉంటుంది. ఈ సమస్యకు వాట్సాప్ అద్భుతమైన పరిష్కారంగా ‘చాట్ లాక్’ ఫీచర్ను తెచ్చింది. మీకు నచ్చిన వ్యక్తిగత చాట్లను లాక్ చేసి పెట్టుకోవచ్చు. దీని వల్ల ఆ చాట్లు ఓపెన్ చేయాలంటే .. మీ ఫింగర్ ప్రింట్ లేదా పాస్కోడ్ తప్పనిసరిగా అవసరమవుతుంది. ఇది మీ ప్రైవసీని మరింత పటిష్టం చేస్తుంది.
Also Read: ఫోన్లో 2 సిమ్లు వాడితే బ్యాటరీ త్వరగా పాడవుతుందా? అసలు నిజమిదే!
ఈ మధ్య కాలంలో విదేశీ నంబర్ల నుంచి వాట్సాప్ స్పామ్ కాల్స్, లాటరీ ఫ్రాడ్ కాల్స్ విపరీతంగా పెరిగిపోయాయి. వీటిని క్లిక్ చేయడం వల్ల సైబర్ మోసాల బారిన పడే అవకాశం ఉంది. దీన్ని అరికట్టడానికి వాట్సాప్ సెట్టింగ్స్లో ‘ప్రైవసీ’ -> ‘కాల్స్’ ఆప్షన్లోకి వెళ్లి ‘సైలెన్స్ అనౌన్ కాలర్స్’ఆన్ చేయండి. దీనివల్ల మీకు పరిచయం లేని ..నంబర్ల నుంచి కాల్ వస్తే రింగ్ కాదు, కానీ కాల్ హిస్టరీలో కనిపిస్తుంది.
టెక్నాలజీ మన జీవితాలను ఈజీ చేసినప్పటికీ, దాంతో పాటు కొన్ని ముప్పులు కూడా వస్తుంటాయి. వాట్సాప్ వంటి ప్లాట్ ఫారమ్లను వాడేటప్పుడు చిన్న చిన్న సేఫ్టీ టిప్స్ పాటించడం ద్వారా పెద్ద ప్రమాణాల నుంచి ఈజీగా బయటపడొచ్చు. ఇప్పుడే మీ వాట్సాప్ ఓపెన్ చేసి.. ఈ 5 సెట్టింగ్లను చెక్ చేసుకోండి, మీ డిజిటల్ లైఫ్ను సేఫ్ చేసుకోండి!
Share
బిగ్ బాస్ 10: మారిన ఓటింగ్.. ఎలిమినేషన్ దిశగా మరో లేడీ?
ఈ కారు తనంతట తానే రివర్స్ వెళ్తుంది.. టక్సన్ టెక్నాలజీ చూస్తే మతిపోవాల్సిందే!
