TikTok : వీడియో షేరింగ్ ప్లాట్‌ఫారమ్ ఇన్టాగ్రామ్ ఇంటరాక్షన్ ఫీచర్‌ను జోడించింది. ఈ ఫీచర్ తో నచ్చిన విధంగా రీల్స్, పోస్ట్‌లను షేర్ చేసే ఛాన్స్ ఉంది.
యూత్ లో టిక్ టాక్ యాప్ కు ఉండే డిమాండ్ ఎలాంటిదో ప్రత్యేకంగా చెప్పక్కర్లేదు. ఈ యాప్ తో ఎన్నో రీల్స్ చేస్తూ తమకు నచ్చిన విధంగా సోషల్ మీడియా ప్లాట్ ఫామ్స్ లో షేర్ చేసి మురిసిపోతూ ఉంటారు. మరి తాజాగా అమెరికాలో టిక్ టాక్ పై నిషేధం విధించారు. ఈ నేపథ్యంలోనే ఇన్స్టాగ్రామ్ తనకున్న ఫాలోయింగ్ తో మరో సరికొత్త ఫీచర్స్ ను తీసుకొచ్చింది. టిక్ టాక్ నేపథ్యంలోనే ఈ రీల్స్ సహాయంతో రీల్స్, పోస్టులు షేర్ చేసే ఛాన్స్ కల్పించింది.
యుఎస్‌లో టిక్‌టాక్ నిషేధం నేపథ్యంలో ఇన్స్టాగ్రామ్ రెండు కొత్త ఫీచర్లను తీసుకువచ్చింది. ఇన్టాగ్రామ్ యాజమాన్య సంస్థ మెటా.. ఈ ఫ్లాట్ఫామ్ లో తమ రీల్స్‌కు వినియోగదారులు మరిన్ని మెరుగులు దిద్దే ఛాన్స్ కల్పించింది. యుఎస్‌లోని సుప్రీం కోర్టు టిక్‌టాక్‌ను నిషేధించటంతో దానికి ప్రధాన పోటీదారులుగా ఉన్న మరికొన్ని ఫ్లాట్ఫామ్స్ ప్రయోజనం పొందే అవకాశం ఉంది. అందుకే ఇన్స్టాగ్రామ్ ఈ రీల్ ఫీచర్స్ ను తీసుకొచ్చినట్టు టెక్ వర్గాలు అంచనా వేస్తున్నాయి. ఇన్స్టాగ్రామ్ తాజాగా తీసుకువచ్చిన రెండు సరికొత్త ఫీచర్స్ యూజర్స్ ను మరింత ఆకట్టుకునే విధంగా ఉన్నాయి. అయితే అసలు ఈ ఫీచర్స్ ఏంటి? వీటిని ఎలా ఉపయోగించాలో తెలుసుకుందాం.
ఇన్స్టాగ్రామ్ కొత్త రీల్స్ ఫీచర్ –
టెక్ దిగ్గజం మెటా ఇన్టాగ్రామ్ లో వినియోగదారులు.. తమ స్నేహితులు ఏ రీల్స్‌ను ఇష్టపడ్డారో చూసేందుకు వీలు కల్పించే అప్‌డేట్‌ను ప్రవేశపెట్టింది. ఇన్స్టాగ్రామ్ హెడ్ ఆడమ్ మొస్సేరి రీల్ వీడియోతో ఈ 2 కొత్త ఫీచర్లకు సంబంధించిన వివరాలు వెల్లడించింది. “ఇన్స్టాగ్రామ్ యూజర్స్ వినోదం పొందేందుకు మాత్రమే కాకుండా, ఆకర్షణీయమైన కంటెంట్ తో వారి స్నేహితులతో కనెక్ట్ అయ్యే ఫ్లాట్ఫామ్ గా ఉండాలని కోరుకుంటున్నాము…” అంటూ Mosseri పోస్ట్‌లో తెలిపింది.
ALSO READ : లా నీనా వస్తోంది.. ఇండియాపై అలాంటి ప్రభావం, అసలు ఏంటిదీ?
ఇంకా ఇందులో ఫ్రెండ్స్ ఇంటరాక్షన్ ఫీచర్‌ను సైతం జోడించింది. ఇది మీ స్నేహితులు ఇష్టపడే రీల్స్, పోస్ట్‌లను చూడటానికి అనుమతిస్తుంది. ఈ సరికొత్త ఫీచర్ ను ఎనేబుల్ చేయటానికి రీల్స్ ట్యాబ్ పైన ఉన్న డాట్స్ ను ఉపయోగించాలి. ఇక్కడ ఉన్న కంటెంట్ ఇన్స్టాగ్రామ్ అల్గారిథమ్‌కు భిన్నంగా ఉండటమే కాకుండా యూజర్స్ కొత్త కంటెంట్‌ను యాక్సెస్ చేయగలరు.
అదనంగా ఈ సంస్థ ఇన్స్టాగ్రామ్ రీల్స్‌లోని కొత్త విభాగంలో రిప్లై బార్ అనే ఫీచర్‌ను సైతం జోడించింది. ఈ ఫీచర్ సహాయంతో, బబుల్‌లో కనిపించే వారిపై క్లిక్ చేసి.. ఆ రీల్‌లోని మీ ఫ్రెండ్స్ కు వెంటనే రిప్లై ఇవ్వొచ్చు. ఈ ఫీచర్ ఫ్రెండ్స్ తో చాట్ చేయడానికి యూజర్స్ ను అనుమతించడమే కాకుండా.. ఫాలో అవుతున్న వ్యక్తుల కంటెంట్‌ను సైతం చూసే ఛాన్స్ ఇస్తుంది. రిప్లై బార్ మొదట USలో ప్రవేశపెట్టనున్నారు ఆపై ఈ ఫీచర్స్ ఇతర దేశాలలో సైతం అందుబాటులోకి వచ్చే ఛాన్స్ ఉంది.
Share
Worst foods: మీ జీవిత కాలాన్ని తగ్గించే ఆహారాలు ఇవన్నీ, తినడం తగ్గిస్తే మీకే మంచిది
Nigeria Explosion : కిందపడ్డ ట్యాంకర్‌లో పెట్రోల్ చోరీకి ప్రయత్నించారు.. 70 మంది స్పాట్‌లోనే చనిపోయారు..
