iQOO Neo 11S: ఐకూ కంపెనీ చైనాలో తమ పాపులర్ నియో సిరీస్‌ను మరింత విస్తరించేందుకు సిద్ధమవుతోంది. ఇందులో భాగంగా iQOO Neo 11S పేరుతో కొత్త స్మార్ట్‌ఫోన్‌ను మార్కెట్లోకి తీసుకురావడానికి ప్లాన్ చేస్తోంది. దీనికి సంబంధించిన అధికారిక ప్రకటన ఇంకా రానప్పటికీ.. ప్రముఖ బెంచ్‌మార్కింగ్ వెబ్‌సైట్ గీక్‌బెంచ్‌లో ఈ ఫోన్ ప్రత్యక్షమవడంతో దీని కీలక ఫీచర్లు నెట్టింట హల్‌చల్ చేస్తున్నాయి.
గీక్‌బెంచ్ లిస్టింగ్ ప్రకారం.. ఈ సరికొత్త iQOO Neo 11S స్మార్ట్‌ఫోన్ మీడియాటెక్ ఫ్లాగ్‌షిప్ డైమెన్సిటీ 9500 ప్రాసెసర్‌తో రానుంది. దీనిలో Mali-G1-Ultra గ్రాఫిక్స్ కార్డ్‌ను అందించారు. ఈ ఫోన్ సింగిల్ కోర్ టెస్టులో 3,395 స్కోరును, మల్టీ కోర్ టెస్టులో ఏకంగా 10,312 స్కోరును సాధించి అందరినీ ఆకట్టుకుంటోంది. దీనివల్ల ఫోన్ పర్ఫార్మెన్స్ చాలా వేగంగా ఉంటుందని తెలుస్తోంది.
Also Read: యాపిల్ సంచలన నిర్ణయం.. చాట్‌జీపీటీ లాగే Siri AI కూడా పెయిడ్ సర్వీస్‌గా మారబోతుందా!?
ఈ ఫోన్ వివో V2545A మోడల్ నెంబర్‌తో గీక్‌బెంచ్‌లో కనిపించింది. మల్టీటాస్కింగ్ ఇష్టపడే వారి కోసం ఈ ఫోన్‌లో ఏకంగా 16GB RAMను అందించినట్లు సమాచారం. దీంతోపాటు ఈ హ్యాండ్‌సెట్ సరికొత్త ఆండ్రాయిడ్ 16 ఆపరేటింగ్ సిస్టమ్‌తో రన్ అవుతుందని లిస్టింగ్ ద్వారా స్పష్టమవుతోంది.
గతంలో వచ్చిన 3C సర్టిఫికేషన్ వివరాల ప్రకారం.. ఈ కొత్త మోడల్ 100W ఫాస్ట్ చార్జింగ్ సపోర్ట్‌తో వచ్చే అవకాశం ఉంది. బ్యాటరీ క్షణాల్లో ఛార్జ్ అవ్వడానికి ఈ ఫీచర్ ఎంతగానో ఉపయోగపడుతుంది. అయితే ఈ ఫోన్ బ్యాటరీ సామర్థ్యం ఎంత అనేది ఇంకా తెలియాల్సి ఉంది.
గతేడాది అక్టోబర్‌లో స్నాప్‌డ్రాగన్ 8 ఎలైట్ చిప్‌సెట్, 7500mAh భారీ బ్యాటరీతో వచ్చిన ఐకూ నియో 11 మోడల్‌కు అప్‌గ్రేడ్‌గా ఈ నియో 11ఎస్ రానుంది. రాబోయే రోజుల్లో ఈ ఫోన్ ధర, లాంచ్ తేదీకి సంబంధించిన మరిన్ని వివరాలు తెలిసే అవకాశం ఉంది.
Also Read: చూడగానే నచ్చేసే డిజైన్.. 11,000mAh భారీ బ్యాటరీ.. మార్కెట్లోకి వస్తోన్న Honor క్రేజీ ఫోన్ ఇదే!
Share
ఒక్క మ్యాచ్ కే సంబరాలు చేసుకోకండి..ఫైనల్స్ లో టీమిండియాను ఓడిస్తాం
మనీ ఇయ్యలే.. మద్యం పొయ్యలే..! అబద్దాల రాముడిగా మారిన అహంకారి రామన్న!
