Lemon Juice Hack: వంటగదిలో పాటించే కొన్ని చిట్కాలు పెద్ద ప్రయోజనాలను కలిగిస్తుంటాయి. అలాంటి వాటిలో నిమ్మకాయకు సంబంధించిన ఒక అద్భుతమైన ట్రిక్ గురించి తెలుసుకోవడం ఎంతో అవసరం. సాధారణంగా మనం మార్కెట్ నుండి తెచ్చిన నిమ్మకాయలు కొన్నిసార్లు చాలా గట్టిగా ఉంటాయి. పిండినా సరిగ్గా రసం రాదు. అలాగే చేతులు కూడా నొప్పులు పుడతాయి. అయితే నిమ్మకాయను కోసేముందు కేవలం 10 సెకన్ల పాటు మైక్రోవేవ్‌లో ఉంచడం ద్వారా ఈ సమస్యకు పరిష్కారం పొందొచ్చు.
నిమ్మకాయను మైక్రోవేవ్‌లో 10 సెకన్ల పాటు వేడి చేయడం వల్ల దాని లోపలి కణజాలం (Juice sacs) మెత్తబడి వెంటనే విడిపోతుంది. దీనివల్ల సాధారణం కంటే దాదాపు రెట్టింపు రసం బయటకు వస్తుంది. పిండేటప్పుడు ఎక్కువ బలం ఉపయోగించాల్సిన అవసరం కూడా ఉండదు. చిన్న పిల్లలు లేదా చేతి నొప్పులతో బాధపడేవారు కూడా చాలా సులభంగా పూర్తి రసాన్ని పిండవచ్చు.
మైక్రోవేవ్ ఉపయోగించినప్పుడు దాని విద్యుదయస్కాంత తరంగాలు నిమ్మకాయలోని నీటి అణువులను వేగంగా కదిలిస్తాయి. దీనివల్ల నిమ్మకాయ లోపల స్వల్పంగా ఉష్ణోగ్రత పెరిగి, తొక్క, దానికి ఉన్న పీచు భాగం మెత్తబడతాయి. ఫ్రిజ్‌లో ఉంచడం వల్ల గట్టిపడిన నిమ్మకాయలను మళ్లీ తాజాగా తీసుకురావడానికి ఇది ఎంతో ఉపయోగపడుతుందని నిపుణులు పేర్కొంటున్నారు.
నిమ్మకాయను మైక్రోవేవ్‌లో ఉంచి సరిగ్గా 10 సెకన్ల సమయం మాత్రమే వేడి చేయాల్సి ఉంటుంది. బయటకు తీసిన తర్వాత నిమ్మకాయను కటింగ్ బోర్డ్‌పై ఉంచి అరచేతిని ఉపయోగించి మరింత మెత్తగా అయ్యేలా చేయండి. అనంతరం రెండు ముక్కలుగా కోసి పిండితే.. రసం ధారాళంగా వస్తుందని నిపుణులు స్పష్టం చేస్తున్నారు.
Also Read: ఇంటర్ విద్యార్థులకు బిగ్ అలర్ట్.. జేఈఈ మెయిన్స్-2027 రిజిస్ట్రేషన్ మొదలు, కీలక మార్పులివే
నిమ్మరసం పెద్ద మెుత్తంలో అవసరమైనప్పుడు ఈ చిట్కా ఎంతో సమయాన్ని ఆదా చేస్తుందని నిపుణులు పేర్కొంటున్నారు. అంతేకాకుండా గట్టిగా ఉండి పిండలేక పారేసే నిమ్మకాయలను కూడా వృథా కాకుండా పూర్తిగా వాడుకునేందుకు ఇది సహాయపడుతుందని సూచిస్తున్నారు.
Share
పోలీస్ వేలు కొరికి.. నడిరోడ్డుపై బట్టలిప్పేసి.. ర్యాపిడో డ్రైవర్ నానా హంగామా!
రోహిత్ కి ఊహించని షాక్.. హౌస్ లో ఉన్నంతకాలం అలాగే ఉండాల్సిందేనా?
