Nothing Buds Pro 2: టెక్ ప్రపంచంలో తమదైన స్టైలిష్ డిజైన్లతో ప్రత్యేక గుర్తింపు తెచ్చుకున్న నథింగ్ సంస్థ.. త్వరలోనే మరో కొత్త ఆడియో ప్రొడక్ట్‌ను మార్కెట్లోకి తీసుకురావడానికి రెడీగా ఉంది. ఇటీవల నథింగ్ ఇయర్ (3a) మోడల్‌ను పరిచయం చేసిన ఈ కంపెనీ.. ఇప్పుడు ‘నథింగ్ బడ్స్ ప్రో 2’ పేరుతో కొత్త ఇయర్‌బడ్స్‌ను తీసుకొస్తున్నట్లు టెక్ వర్గాల్లో టాక్ నడుస్తోంది.
ఈ కొత్త ఇయర్‌బడ్స్ అమెరికాకు చెందిన ఫెడరల్ కమ్యూనికేషన్స్ కమిషన్ (FCC) సర్టిఫికేషన్ వెబ్‌సైట్‌లో కనిపించింది. అక్కడ ఉన్న సమాచారం ప్రకారం.. ఈ పరికరం మోడల్ నంబర్ B195గా ఉంది. దాంతో పాటు అక్కడ ఉన్న లేబుల్ ఇమేజ్‌లో ‘నథింగ్ బడ్స్ ప్రో 2’ అని స్పష్టంగా పేరు రాసి ఉండటంతో.. త్వరలోనే ఇవి మార్కెట్లోకి రావడం ఖాయమని అర్థమవుతోంది.
Also Read: యాపిల్ మాస్టర్ ప్లాన్.. ఐఫోన్ కంటే ముందే మార్కెట్‌ను షేక్ చేయబోతున్న కొత్త డివైజ్!
లీక్ అయిన FCC పత్రాల ద్వారా ఈ బడ్స్ ఛార్జింగ్ కేస్ వివరాలు బయటపడ్డాయి. దీని కేస్‌లో 460mAh సామర్థ్యం కలిగిన లిథియం-అయాన్ బ్యాటరీ ఉండనుంది. ఇది 3W వైర్డ్ ఛార్జింగ్‌ను సపోర్ట్ చేసే అవకాశం ఉంది. ఇక డిజైన్ విషయానికి వస్తే.. కేస్ గుండ్రటి రెక్టాంగిల్ ఆకారంలో, వెనుక భాగంలో కాస్త లోతుగా ఉన్న సెక్షన్‌తో కొత్తగా కనిపించనుంది.
ఇప్పటివరకు నథింగ్ కంపెనీ బడ్స్ ప్రో అనే పేరును కేవలం తమ సబ్ బ్రాండ్ అయిన CMF ఉత్పత్తులకు మాత్రమే ఉపయోగించింది. అయితే, ఈసారి నేరుగా నథింగ్ మెయిన్ బ్రాండింగ్ లోనే బడ్స్ ప్రో 2 పేరుతో రాబోతుండటం విశేషం. ప్రస్తుతానికి ఈ ఇయర్‌బడ్స్‌కి సంబంధించిన లాంచ్ డేట్, ధర, ఇతర ఫీచర్ల వివరాలను కంపెనీ ఇంకా అధికారికంగా ప్రకటించాల్సి ఉంది.
Also Read: కరెంట్ పోయినా నో టెన్షన్.. పవర్‌బ్యాంక్‌లా పనిచేసే నోకియా కొత్త ఫోన్ చూశారా?
Share
అడవి పందితో.. 14 ఏళ్ల బాలుడి విరోచిత పోరాటం.. 90 నిమిషాలు హోరాహోరీ ఫైట్!
MG డబుల్ ధమాకా.. EV, PHEVతో కొత్త టోమాహాక్ SUVలు లాంచ్!
