Oppo F33 Series: చైనాకు చెందిన ప్రముఖ మొబైల్ తయారీ సంస్థ ఒప్పో తమ పాపులర్ F సిరీస్లో భాగంగా Oppo F33 5G అలాగే Oppo F33 Pro 5G అనే రెండు కొత్త ఫోన్లను ఇండియాలో లాంచ్ చేసింది. గతకొద్ది రోజులుగా సోషల్ మీడియాలో ఊరిస్తున్న ఈ ఫోన్లు ఎట్టకేలకు మనముందుకు వచ్చేశాయి. ముఖ్యంగా రోజంతా ఫోన్ వాడేవారికి.. ఫొటోల పిచ్చి ఉన్నవారికి ఈ సిరీస్ బాగా నచ్చుతుందంటున్నారు టెక్ నిపుణులు.
ముందుగా అందరూ చూసేది ధర గురించే కదా. ఒప్పో F33 5G బేస్ మోడల్ (6GB/128GB) రూ.31,999కి లభిస్తోంది. అలాగే కొంచెం ఎక్కువ స్టోరేజ్ కావాలనుకుంటే 8GB/128GB వేరియంట్ రూ.34,999కి, టాప్ ఎండ్ 8GB/256GB మోడల్ను రూ.39,999కి సొంతం చేసుకోవచ్చు. ఇక Pro మోడల్ విషయానికి వస్తే.. 8GB/128GB ధర రూ.37,999గా ఉంది. దీనిలోనే 256GB కావాలంటే రూ.40,999 పెట్టి కొనాల్సిందే. పర్ల్ వైట్, ఫారెస్ట్ గ్రీన్ వంటి కంటికి ఇంపుగా ఉండే కలర్స్లో ఇవి లభిస్తున్నాయి. ఇప్పుడే వీటిని ప్రీ ఆర్డర్ కూడా చేసుకోవచ్చు.
Also Read: భారీ బ్యాటరీ, ఐఫోన్ లాంటి డిజైన్.. సామాన్యుల కోసం టెక్నో పవర్ఫుల్ 5G మొబైల్!
Oppo F33 Pro 5Gలో డిస్ప్లే అదిరిపోయింది. 6.57 అంగుళాల అమోలెడ్ స్క్రీన్ వల్ల మనం చూసే సినిమాలు గానీ, వీడియోలు గానీ చాలా రిచ్గా కనిపిస్తాయి. ఇక ఫోన్ స్పీడ్ కోసం దీనిలో మీడియాటెక్ డైమెన్సిటీ 6360 మ్యాక్స్ ప్రాసెసర్ను వాడారు. దీంతో ఫోన్ హ్యాంగ్ అవ్వడం లాంటి సమస్యలు ఉండవు. అన్నింటికంటే హైలైట్ ఏంటంటే.. ఈ ఫోన్లో ఏకంగా 7,000mAh బ్యాటరీ ఇచ్చారు. దీనికి తోడు 80W సూపర్ ఊక్ ఛార్జింగ్ వల్ల స్నానం చేసి వచ్చేలోపే ఫోన్ ఫుల్ ఛార్జ్ అయిపోతుంది. ఇక వర్షంలో తడిచినా, దుమ్ములో పడినా ఏమీ కాకుండా దీనికి ఐపీ69-కే రేటింగ్ కూడా ఇచ్చారు.
తక్కువ ధరలో మంచి ఫోన్ కావాలనుకుంటే.. ఈ Oppo F33 5Gని ఓసారి పరిశీలించవచ్చు. ఇందులోనూ 6.5 అంగుళాల స్క్రీన్ ఉంది. అది కూడా 120Hz రిఫ్రెష్ రేట్తో వస్తుంది. దీంతో స్క్రీన్ని ఎంత స్పీడ్గా స్క్రోల్ చేసినా చాలా స్మూత్గా ఉంటుంది. ఒక ఫొటోల కోసం 50MP కెమెరా, సెల్ఫీల కోసం 32MP కెమెరా ఉండటం విశేషం. Pro ఫోన్లో ఉన్నట్టే దీనిలోనూ 7,000mAh బ్యాటరీ ఉండటం యూజర్లకు పెద్ద ప్లస్ పాయింట్.
Also Read: సామాన్యుల బడ్జెట్లోకి దిగొచ్చిన శాంసంగ్ ప్రీమియం ఫోన్లు.. ఆఫర్లు తెలిస్తే ఇప్పుడే కొనేస్తారు!
Share
రాజస్థాన్ రాయల్స్ జట్టులో ముసలం...వైభవ్ సూర్యవంశీ కన్నీళ్లు, చేసిందంతా వాడే !
అన్న క్యాంటీన్ ప్రారంభోత్సవంలో అస్వస్థతకు గురైన NSG కమాండర్.. నిమిషాల్లో స్పందించిన సిబ్బంది!
