OPPO Find X8 series Launch Date : ఎప్పటికప్పుడు లేటెస్ట్ ఫీచర్స్ తో కొత్త మొబైల్స్ ను తీసుకొస్తున్న ప్రముఖ స్మార్ట్ తయారీ సంస్థ ఒప్పో త్వరలోనే రెండు కొత్త ఫోన్స్ ను తీసుకురావడానికి సన్నాహాలు చేస్తున్న సంగతి తెలిసిందే. ఒప్పో నుంచి ఒప్పో ఫైండ్ ఎక్స్ 8 సిరీస్ రాబోతుందని తెలిసినప్పటి నుంచి టెక్ వర్గాలు ఎప్పుడెప్పుడా అని ఆసక్తిగా ఎదురుచూశాయి ఈ నేపథ్యంలో ఈ రెండు మెుబైల్స్ లాంఛ్ డేట్ ను ఒప్పో ప్రకటించింది.
చైనాకు చెందిన స్మార్ట్ ఫోన్ తయారీ సంస్థ ఒప్పో… ఒప్పో ఫైండ్ ఎక్స్ 8 సిరీస్ను తీసుకురానుంది. ఈ సిరీస్ లో Find X8, Find X8 Pro ఉన్నాయి. ఇప్పటికే లీకైన ఫీచర్స్ తో ఈ మెుబైల్స్ ఎప్పుడెప్పుడు లాంఛ్ అవుతాయా అంటూ టెక్ ప్రియులు ఆసక్తిగా ఎదురుచూస్తున్నారు. ఈ నేపథ్యంలో వీరందరికీ ఒప్పో గుడ్ న్యూస్ చెప్పేసింది. తన ఫ్లాగ్‌షిప్ Find X8 సిరీస్ను నవంబర్ 21న భారత్ లో లాంఛ్ చేయనున్నట్లు తెలిపింది.
Oppo Find X8, Find X8 Pro తాజాగా చైనాలో లాంఛ్ అయ్యాయి. ఇక ఈ సిరీస్ ఫీచర్స్, స్పెసిఫికేషన్స్ సైతం అదిరిపోయే రీతిలో ఉన్నాయి.
ప్రాసెసర్ –
Oppo Find X 8, Oppo Find X8 pro మెుబైల్స్ మీడియా టెక్ డైమన్సిటీ 9400 ఎస్ఓసీతో పని చేస్తాయి.
డిస్ ప్లే –
Oppo Find X8లో 6.59 అంగుళాల ప్లాట్ అమోలెడ్ స్క్రీన్, 1.5K రిజల్యూషన్, 120 HZ రిఫ్రెష్ రేట్ ఉన్నాయి. ఇక ప్రో మోడల్ లో 6.78 అంగుళాల స్క్రీన్, 2K మైక్రో కర్వ్డ్ అమోలెడ్ స్క్రీన్, 120 HZ రిఫ్రెష్ రేట్ ను కలిగి ఉన్నాయి. ఈ స్మార్ట్ ఫోన్స్ డిస్ ప్లే అత్యాధునిక ఎల్టీపీఓ టెక్నాలజీని కలిగి ఉంది.
బ్యాటరీ, ఛార్జింగ్ –
100W వైర్డ్ ఫాస్ట్ ఛార్జింగ్ కు, 50W వైర్లెస్ ఛార్జింగ్కు సపోర్ట్ చేస్తాయి. అయితే ప్రో మోడల్ బ్యాటరీ 5910mah గా రాబోతుంది. ఇది స్టాండర్డ్ వేరియంట్ 5630mah తో పోలిస్తే కాస్త పెద్దదనే చెప్పాలి.
కెమెరా –
ఒప్పో Find X8 Pro మోడల్లో ఓఐఓ సపోర్ట్తో 50 మెగా పిక్సల్ సోనీ ఎల్వైటీ 800 ప్రైమరీ సెన్సార్ ఉంది. ఇక 50 మెగా పిక్స్ల్ అల్ట్రా వైడ్ లెన్స్తో పాటు 50 మెగా పిక్సల్ టెలిఫొటో పెరిస్కోప్ లెన్స్ కూడా ఉన్నాయి. ఈ ఎక్స్ 8 ప్రో మోడల్లో 4 రియల్ కెమెరాస్ కూడా ఉన్నాయి. టెలిఫొటో షూటర్, పెరిస్కోప్ లెన్స్ తో ఈ మెుబైల్ రాబోతుంది. ఇక ఎక్స్ 8 మోడల్లో స్టాండర్డ్ ట్రిపుల్ కమెరా సెటప్ ఉంది. 50 మెగా పిక్సల్ మెయిన్ కెమెరా, 50 మెగా పిక్సల్ టెలిఫొటో, 50 మెగా పిక్సల్ అల్ట్రా వైడ్ లెన్స్ ఉన్నాయి. మొత్తంగా ఈ ఎక్స్ 8 సిరీస్లో 32 మెగా పిక్స్ల్ సెల్ఫీ కెమెరా సైతం ఉంది.
ఇంకా ఈ ఫైండ్ ఎక్స్ 8 సిరీస్ అండ్రాయిడ్ 15 ఆధారిత కలర్ ఓఎస్ 15తో నడుస్తుంది. ఈ మెుబైల్స్ ధర విషయానికి వస్తే… ఎక్స్ 8 సిరీస్ ధర రూ.54,250 నుంచి ప్రారంభం కావొచ్చని టెక్ వర్గాలు అంచనా వేస్తున్నాయి.
ALSO READ : వావ్.. రూ. 599కే హై స్పీడ్ ఇంటర్నెట్, 12 OTT ప్లాట్‌ఫారమ్స్, 800కి పైగా లైవ్ టీవీ ఛానెల్స్
Share
Bigg Boss 8 Telugu Promo: బెదిరింపులకు భయపడేదే లేదు.. కన్నడ బ్యాచ్‌‌కు తిక్క కుదిరిందిగా!
Krish Jagarlamudi: సీక్రెట్ గా రెండో పెళ్లి చేసుకున్న డైరెక్టర్ క్రిష్..
