Google Pixel Watch 5: గూగుల్ త్వరలో మార్కెట్లోకి తీసుకురాబోతున్న Pixel Watch 5 గురించి రోజుకో ఆసక్తికరమైన వార్త బయటకు వస్తోంది. ఈసారి బాస్కెట్బాల్ అభిమానులను, ముఖ్యంగా స్టెఫెన్ కర్రీ ఫ్యాన్స్ను ఆకట్టుకోవడానికి గూగుల్ ఒక ప్రత్యేకమైన ప్లాన్తో ముందుకు వస్తున్నట్లు తెలుస్తోంది. అదే Pixel Watch 5 Stephen Curry Edition. ప్రముఖ లీక్స్టర్ ఆన్లీక్స్ తెలిపిన వివరాల ప్రకారం.. ఈ కొత్త వాచ్లో ఒక వినూత్నమైన బ్యాండ్ అప్గ్రేడ్ ఉండబోతోంది.
ఈ స్పెషల్ ఎడిషన్లో ప్రధాన ఆకర్షణ దీని బ్యాండే. గతంలో వచ్చిన ఫిట్బిట్ ఎయిర్ కర్రీ ఎడిషన్ స్ఫూర్తితో ఈ కస్టమ్ ఫ్యాబ్రిక్ బ్యాండ్ను డిజైన్ చేస్తున్నట్లు తెలుస్తోంది. సాధారణంగా వర్కౌట్స్ చేసేటప్పుడు లేదా లీగ్లలో ఆడేటప్పుడు వాచ్ బ్యాండ్ వల్ల ఇబ్బంది కలగకుండా, చాలా సౌకర్యవంతంగా ఉండేలా దీనిని తయారుచేస్తున్నారు. స్పోర్ట్స్ లవర్స్కు, రోజూ వ్యాయామాలు చేసేవారికి ఇదొక మంచి ప్రాక్టికల్ అప్గ్రేడ్లా ఉపయోగపడుతుంది.
Also Read: ల్యాప్టాప్ను మించిన ఫీచర్లు.. బడ్జెట్ ధరలోనే, Amazon Saleలో దుమ్మురేపుతున్న ట్యాబ్లెట్లు ఇవే!
Pixel Watch 5 Stephen Curry Editionను 45 మి.మీ ఎల్టీఈ మోడల్ ఆధారంగా రూపొందిస్తున్నట్లు సమాచారం. గూగుల్ తమ పాత సర్క్యులర్ డిజైన్నే దీనిలో కొనసాగించినప్పటికీ.. లోపల అనేక సాంకేతిక మార్పులు చేయనుంది. స్టైలిష్ లుక్తో పాటు మెరుగైన పెర్ఫార్మెన్స్ ఇచ్చేలా గూగుల్ ఈ వాచ్ను తీర్చిదిద్దుతోంది.
ఆగస్టు 12న జరగబోయే గూగుల్ ఈవెంట్లో Pixel Watch 5 శ్రేణిని అధికారికంగా ప్రకటించే అవకాశం ఉంది. ఫిట్బిట్ ఉత్పత్తుల్లో ఇప్పటికే కర్రీ పేరుతో ప్రత్యేక మోడల్స్ ఉన్నాయి కాబట్టి.. పిక్సెల్ వాచ్లో కూడా ఈ భాగస్వామ్యాన్ని కొనసాగించడం పెద్ద విశేషమేమీ కాదు. అయితే ప్రస్తుతం ఇవన్నీ లీక్స్ ఆధారంగా వచ్చిన వార్తలే కాబట్టి, గూగుల్ నుంచి అధికారిక ప్రకటన వచ్చే వరకు వేచి చూడాల్సిందే.
Also Read: జస్ట్ రూ.2,000కే 4G ఫోన్లా? UPI, టైప్-సి ఛార్జింగ్తో లభించే టాప్ 5 ఆప్షన్లు ఇవే!
Share
తెలంగాణలో రాజకీయ పార్టీలకు కొత్త టెన్షన్.. 63 లక్షల ఓట్లుపై వేటు, హైదరాబాద్ మాటేంటి?
బుమ్రాను పక్కకు పెట్టి.. షమీ, సిరాజ్, భువనేశ్వర్ లను తీసుకోండి
