Upcoming Smartphones 2026: షావోమి నుంచి త్వరలోనే మార్కెట్లోకి రాబోతున్న రెండు కొత్త స్మార్ట్ఫోన్లు ప్రస్తుతం టెక్ వర్గాల్లో హాట్ టాపిక్గా మారాయి. POCO C95 Pro 4G, Redmi Note 17 Pro 5G ఫోన్లు థాయ్లాండ్కు చెందిన NBTC సర్టిఫికేషన్ను విజయవంతంగా పూర్తి చేసుకున్నాయి. దీంతో ఈ ఫోన్ల గ్లోబల్ లాంచ్ ఎంతో దూరంలో లేదని స్పష్టమవుతోంది.
POCO C95 Pro 4G మోడల్ నెంబర్ 2606FPC72Yతో సర్టిఫికేషన్ సైట్లో కనిపించింది. ఈ ఫోన్ Redmi 17 4Gకి రీబ్రాండెడ్ వెర్షన్గా మార్కెట్లోకి రానుంది. దీనిలో 120Hz రిఫ్రెష్ రేట్ కలిగిన పెద్ద 6.9-అంగుళాల హెచ్డీ ప్లస్ డిస్ప్లేను ఇవ్వొచ్చు. ఇక పనితీరు విషయానికి వస్తే.. మీడియాటెక్ హీలియో G91 Ultra ప్రాసెసర్తో పాటు, ఏకంగా 7,500mah భారీ బ్యాటరీ, 45 వాట్ల ఫాస్ట్ చార్జింగ్ సపోర్ట్ ఉండే అవకాశం ఉంది. అలాగే వెనుక భాగంలో 50MP ప్రధాన కెమెరా, ముందువైపు 8MP సెల్ఫీ కెమెరాను అందించవచ్చు.
Also Read: గూగుల్ ఎర్త్ నుంచి Nano Banana AI అవుట్.. అసలేం జరిగిందంటే?
Redmi Note 17 Pro 5G గ్లోబల్ వేరియంట్ కూడా 2607DRA18G మోడల్ నెంబర్తో ఎన్బీటీసీ క్లియరెన్స్ పొందింది. టిప్స్టర్ కప్సర్ స్క్రిజ్పెక్ చెప్పినదాని ప్రకారం, చైనాలో విడుదలైన మోడల్తో పోలిస్తే.. గ్లోబల్ వేరియంట్లో కొన్ని మార్పులు ఉండనున్నాయి. ముఖ్యంగా చైనా మోడల్లో ఉన్న భారీ బ్యాటరీని గ్లోబల్ మార్కెట్ కోసం కాస్త తగ్గించి ఇవ్వనున్నారు. అయితే అంతర్జాతీయ యూజర్లను ఆకట్టుకునేలా వెనుకవైపు 8MP అల్ట్రావైడ్ కెమెరాను అదనంగా చేర్చనున్నట్లు తెలుస్తోంది.
చైనాలో విడుదలైన Redmi Note 17 Pro మోడల్లో 6.83-అంగుళాల 1.5K అమోలెడ్ డిస్ప్లే, 120Hz రిఫ్రెష్ రేట్, స్నాప్డ్రాగన్ 6ఎస్ జెన్ 4 చిప్, 67 వాట్ల ఫాస్ట్ చార్జింగ్ సపోర్ట్ ఇచ్చారు. గ్లోబల్ వెర్షన్లో కూడా దాదాపు అవే ఫీచర్లు కొనసాగే అవకాశం ఉంది. అయితే భారత్లో Redmi Note 17 సిరీస్ లాంచ్ గురించిన చర్చలు జోరుగా సాగుతున్నప్పటికీ.. POCO C95 Pro 4G మాత్రం ఇక్కడకు వస్తుందా లేదా అనేదానిపై ఇంకా ఎలాంటి అధికారిక స్పష్టత రాలేదు.
Also Read: విదేశీ ట్రిప్లో రోమింగ్, ఛార్జింగ్ టెన్షన్ ఉండకూడదంటే.. ఈ 5 గాడ్జెట్స్ మీ వద్ద ఉండాల్సిందే!
Share
భోగాపురంలో ఎయిర్పోర్ట్.. ఇలాగైతే వైజాగ్ అబ్బాయిలకు పెళ్లిళ్లు కావా?
100 పర్సెంట్ ప్యూర్ అంటూ మోసం.. డాబర్ కంపెనీ తేనె, నెయ్యి సహా పలు ప్రొడక్ట్స్పై నిషేధం..
