Poco F9 Ultra: స్మార్ట్ఫోన్ మార్కెట్లో మరోసారి ఫ్లాగ్షిప్ పోటీ వేడెక్కుతోంది. ప్రముఖ పోకో త్వరలో F9 సిరీస్ను అంతర్జాతీయ మార్కెట్లలోకి తీసుకురానుంది. ఈ సిరీస్లో F9 Pro, F9 Ultra మోడళ్లు ఉండే అవకాశం ఉంది. సెప్టెంబర్ 1న ఈ ఫోన్లను అధికారికంగా విడుదల చేయనున్నట్లు సమాచారం. ముఖ్యంగా F9 Ultraలో అత్యంత శక్తివంతమైన చిప్సెట్ను అందించనున్నట్లు Poco ఇప్పటికే సంకేతాలు ఇచ్చింది.
Poco F9 సిరీస్ పనితీరుపై ఎక్కువగా దృష్టి పెట్టినట్లు తెలుస్తోంది. కంపెనీ వెల్లడించిన వివరాల ప్రకారం.. ఈ సిరీస్లో స్నాప్డ్రాగన్ 8 ఎలైట్ జెన్ 5 సిరీస్ ప్రాసెసర్లు ఉండనున్నాయి. F9 Ultraలో స్నాప్డ్రాగన్ 8 ఎలైట్ Gen 5, F9 Proలో స్నాప్డ్రాగన్ 8 ఎలైట్ Gen 5 V చిప్సెట్ ఉండే అవకాశం ఉంది. దీంతో గేమింగ్, మల్టీటాస్కింగ్, రోజువారీ పనితీరులో మంచి వేగం లభించే అవకాశం ఉంది.
డిజైన్ విషయంలో కూడా పోకో కొత్త ప్రయత్నం చేస్తున్నట్లు కనిపిస్తోంది. F9 Ultraను డార్క్ చెర్రీ రంగులో గ్లాస్ ఫైబర్ ఫినిష్తో తీసుకురావచ్చని సమాచారం. F9 Pro మాత్రం అరోరా గ్రీన్ రంగులో రావచ్చని తెలుస్తోంది. అంతేకాకుండా F9 Proలో వెలుతురు తగ్గినప్పుడు స్వల్పంగా మెరుస్తూ కనిపించే ప్రత్యేకమైన ల్యూమినస్ ప్యానెల్ ఉండే అవకాశం ఉంది.
Also Read: వీడియో ఎడిటర్లు, గేమర్లకు ఇక తిరుగులేదు.. ASUS నుండి బెస్ట్ ప్రాసెస్ ల్యాప్టాప్స్ వచ్చేశాయ్!
Poco F9 Pro, F9 Ultra మోడళ్లు IMEI డేటాబేస్లో కనిపించినట్లు సమాచారం. F9 Proకు 2607APCA5G, F9 Ultraకు 26077PC53G మోడల్ నంబర్లు ఉన్నట్లు తెలుస్తోంది. సింగపూర్ IMDA సర్టిఫికేషన్లోనూ ఇవే నంబర్లు కనిపించాయి. 5G, బ్లూటూత్, Wi-Fi, NFC వంటి కనెక్టివిటీ ఫీచర్లు ఉండనున్నాయి.
మునుపటి F8 Ultra ఆధారంగా చూస్తే.. F9 Ultraలో పెద్ద OLED డిస్ప్లే, 120Hz రిఫ్రెష్ రేట్, అధిక బ్రైట్నెస్, బలమైన కెమెరా సెటప్ ఉండొచ్చని అంచనా. 6,500mAh బ్యాటరీ, 100W ఫాస్ట్ ఛార్జింగ్ వంటి ఫీచర్లు కూడా ఫ్లాగ్షిప్ అనుభవాన్ని మరింత మెరుగుపరచవచ్చు. అయితే పూర్తి స్పెసిఫికేషన్లు సెప్టెంబర్ 1న అధికారికంగా వెల్లడయ్యే అవకాశం ఉంది.
Also Read: 8000mAh బ్యాటరీ.. 80W ఛార్జింగ్.. Realme P4s 5Gలో ఇవే హైలైట్స్!
Share
గుట్టుచప్పుడు కాకుండా.. ఇంట్లోనే అక్రమ గ్యాస్ రీఫిల్లింగ్ కలకలం
నేపాల్లో విధ్వంసం తర్వాత.. భారత్ సరిహద్దులో చైనా భారీ డ్యామ్, ‘వాటర్ బాంబ్’ అని ఎందుకంటున్నారు?
