Data Privacy: సాధారణంగా రైల్వే స్టేషన్లు, బస్టాండ్లు, హోటళ్లలో అందుబాటులో ఉండే ఫ్రీ పబ్లిక్ వైఫైని మనం తరచూ వాడుతుంటాము. ఉచితంగా ఇంటర్నెట్ వస్తోంది కదా అని ఆనందపడతాం కానీ, దీని వెనుక ఎన్నో భద్రతా ముప్పులు పొంచి ఉన్నాయనే విషయాన్ని మర్చిపోతాం. అందుకే పబ్లిక్ వైఫై ఉపయోగించేటప్పుడు కొన్ని చిన్నపాటి జాగ్రత్తలు తీసుకోవడం ద్వారా మన వ్యక్తిగత డేటాను సురక్షితంగా కాపాడుకోవచ్చు.
పబ్లిక్ నెట్‌వర్క్‌కు కనెక్ట్ అయి ఉన్నప్పుడు ఆన్‌లైన్ షాపింగ్ చేయడం లేదా బ్యాంక్ అకౌంట్ వివరాలు నమోదు చేయడం అస్సలు మంచిది కాదు. హాకర్లు ఈ నెట్‌వర్క్ ద్వారా మీ యూజర్ ఐడీ, పాస్‌వర్డ్ వంటి అత్యంత కీలకమైన వ్యక్తిగత, ఆర్థిక సమాచారాన్ని సులభంగా దొంగిలించే ప్రమాదం ఉంది. అత్యవసరమైతే తప్ప ఇలాంటి చోట్ల ఆర్థిక లావాదేవీలు చేయకూడదు.
పబ్లిక్ వైఫై వాడాల్సి వచ్చినప్పుడు వర్చువల్ ప్రైవేట్ నెట్‌వర్క్ అంటే విపిఎన్ వాడటం చాలా సురక్షితమైన మార్గం. ఇది మన ఫోన్ లేదా లాప్‌టాప్ డేటాను ఇతరులకు కనిపించకుండా ప్రైవసీ కల్పిస్తుంది. దీంతో నెట్‌వర్క్‌లో ఎవరైనా దొంగచాటుగా చూసినా మన సమాచారం వారికి అర్థం కాదు. కాబట్టి నమ్మకమైన విపిఎన్ యాప్‌ను ఇన్‌స్టాల్ చేసుకుని ఉంచుకోండి.
Also Read: లీకైన గూగుల్ కొత్త ఫోల్డబుల్ ఫోన్.. ఈ కలర్, డిజైన్ చూస్తే టెక్ ప్రియులకు పిచ్చెక్కిపోవాల్సిందే!
మనలో చాలామంది ఫోన్లలో వైఫై ఎప్పుడూ ఆన్‌లోనే ఉంటుంది. దీనివల్ల ఏదైనా పబ్లిక్ నెట్‌వర్క్ పరిధిలోకి వెళ్లినప్పుడు ఫోన్ ఆటోమేటిక్‌గా దానికి కనెక్ట్ అయిపోతుంది. ఇది చాలా ప్రమాదకరమైన అలవాటు. అందుకే మొబైల్ సెట్టింగ్స్‌లోకి వెళ్లి ఆటో కనెక్ట్ ఆప్షన్‌ను ఆఫ్‌లో ఉంచుకోవడం మంచిది. అవసరమైనప్పుడు మాత్రమే నమ్మకమైన నెట్‌వర్క్‌కు కనెక్ట్ చేసుకోవాలి.
సోషల్ మీడియా ఖాతాలు, ఈ-మెయిల్స్‌కు టు ఫ్యాక్టర్ అథెంటికేషన్ కచ్చితంగా సెట్ చేసుకోవాలి. దీనివల్ల ఎవరైనా మన పాస్‌వర్డ్ తెలుసుకున్నా కూడా.. మన పర్మిషన్ లేకుండా లాగిన్ అవ్వడం సాధ్యం కాదు. ఇది మన ఖాతాలకు అదనపు రక్షణ కల్పిస్తుంది. పబ్లిక్ వైఫై వాడేటప్పుడు https ఉన్న వెబ్‌సైట్‌లను మాత్రమే ఓపెన్ చేయడం కూడా మరొక ముఖ్యమైన భద్రతా సూత్రం అని గ్రహించాలి.
Share
2027 వరల్డ్ కప్ కోసం PCB స్కెచ్....PSLను మించిన టోర్నమెంట్ వస్తోంది
Beerla Ilaiah: బీఆర్ఎస్ పార్టీపై బాంబ్ పేల్చిన బీర్ల ఐలయ్య.. కేటీఆర్ను పని ఖతం..!
