Redmi New Smartphones: స్మార్ట్ఫోన్ వాడే ప్రతి ఒక్కరికీ ఉండే అతిపెద్ద సమస్య.. బ్యాటరీ ఛార్జింగ్. ఫోన్ కొన్న కొత్తలో బాగానే ఉన్నా.. కొన్నాళ్లకు రోజుకు రెండు మూడు సార్లు ఛార్జింగ్ పెట్టుకోవాల్సి వస్తోంది. అయితే ఈ సమస్యకు శాశ్వత పరిష్కారం చూపే దిశగా రెడ్మీ అడుగులు వేస్తోంది. ప్రముఖ టెక్ నిపుణుల సమాచారం ప్రకారం.. రెడ్మీ ఏకంగా 10,000mAh బ్యాటరీ సామర్థ్యం ఉన్న మూడు కొత్త ఫోన్లను టెస్ట్ చేస్తోంది. గతంలో హానర్, రియల్మీ వంటి కంపెనీలు ఇలాంటి ప్రయత్నాలు చేసినా, ఇప్పుడు రెడ్మీ రంగంలోకి దిగడంతో మొబైల్ మార్కెట్లో ఒక్కసారిగా చర్చ మొదలైంది.
రెడ్మీలో మనందరికీ బాగా తెలిసిన నోట్ సిరీస్లోనే ఈ భారీ బ్యాటరీ ఫోన్లు రాబోతున్నాయి. ముఖ్యంగా Redmi Note 17 Pro Max మోడల్లో ఈ భారీ బ్యాటరీని చూడవచ్చు. సాధారణంగా 5,000mAh బ్యాటరీ ఉంటేనే అబ్బా ఎంత పెద్ద బ్యాటరీనా అనుకుంటాం. కానీ దానికి డబుల్ పవర్తో వస్తున్న ఈ ఫోన్ మార్కెట్ను ఒక ఊపు ఊపడం ఖాయం. వివో, ఐకూ వంటి బ్రాండ్లు కూడా ఇదే బాటలో ఉన్నా.. రెడ్మీ మాత్రం అందరికంటే వేగంగా దూసుకుపోతోంది.
Also Read: బడ్జెట్ ధరలో ఇలాంటి ఫీచర్లా? 10,000mAh బ్యాటరీ, 200MP కెమెరాతో రెడ్మీ సరికొత్త రికార్డ్!
చైనాలో 10,000mAh బ్యాటరీతో వస్తున్నా.. భారత్ లేదంటే ఇతర అంతర్జాతీయ మార్కెట్లకు వచ్చే సరికి భద్రతా నియమాల దృష్ట్యా బ్యాటరీ సైజు కొంచెం తగ్గే అవకాశం ఉంది. గ్లోబల్ వెర్షన్లో 9,210mAh బ్యాటరీని ఇచ్చే ఛాన్స్ ఉందని టాక్ నడుస్తోంది. అంత పెద్ద బ్యాటరీ అంటే ఛార్జింగ్ కావడానికి రోజంతా పడుతుందని భయపడక్కర్లేదు. ఎందుకంటే దీనికోసం 100W ఫాస్ట్ ఛార్జింగ్ సపోర్ట్ను ఇస్తున్నారు. దీంతో కొన్ని నిమిషాల్లోనే ఛార్జింగ్ ఎక్కిపోయి, ఫోన్ మళ్లీ వాడకానికి రెడీ అయిపోతుంది.
కేవలం బ్యాటరీని మాత్రమే నమ్ముకోకుండా.. ఫోన్ ఫీచర్ల విషయంలో కూడా రెడ్మీ గట్టిగానే ప్లాన్ చేసింది. ఇందులో 200MP శాంసంగ్ మెయిన్ కెమెరా ఉండబోతోంది. దీంతో ఫొటోలు క్లారిటీగా రావడమే కాకుండా.. సెల్ఫీల కోసం 32MP కెమెరాను కూడా ఇస్తున్నారు. ఇక స్క్రీన్ విషయానికి వస్తే.. 1.5K రిజల్యూషన్ కలిగిన డిస్ప్లేతో వీడియోలు చూస్తున్నప్పుడు, గేమ్స్ ఆడుతున్నప్పుడు అదిరిపోయే ఫీల్ వస్తుంది.
ఈ ఫోన్లు కేవలం బ్యాటరీ వల్ల లావుగా ఉండకుండా.. చాలా స్టైలిష్గా ఉండేలా మెటల్ ఫ్రేమ్తో డిజైన్ చేస్తున్నారు. ఫోన్ లోపల ఉండే ఫింగర్ ప్రింట్ సెన్సార్తో సెక్యూరిటీ కూడా పక్కాగా ఉంటుంది. ప్రస్తుతం ఇవి టెస్టింగ్ దశలో ఉన్నాయి కాబట్టి.. త్వరలోనే మన ముందుకు వచ్చే అవకాశం ఉంది. ఒకప్పుడు ప్రయాణాల్లో పవర్ బ్యాంక్ వెంట తీసుకెళ్లడం తప్పనిసరి అయ్యేది. కానీ ఇలాంటి ఫోన్లు వస్తే ఇక పవర్ బ్యాంక్లకు గుడ్ బై చెప్పేయొచ్చు.
Also Read: ఏంది మామా ఈ అరాచకం.. 8,000mAh బ్యాటరీ, 2K డిస్ప్లేతో iQOO కొత్త ఫోన్.. లాంచింగ్ ఎప్పుడంటే?
Share
హైసెన్స్ 55 ఇంచుల 4K స్మార్ట్ టీవీపై భారీ డిస్కౌంట్.. ఫీచర్లు చూస్తే ఫిదా అవుతారు!
ఎండలో నుంచి రాగానే ఫ్రిజ్ నీళ్లు తాగుతున్నారా? అయితే మీరు ప్రమాదంలో పడ్డట్టే!
