Fake VPN Apps: మన దేశంలో రోజు రోజుకీ మొబైల్ బ్యాంకింగ్ వాడుతున్న వారి సంఖ్య క్రమంగా పెరుగుతోంది. ఈ తరుణంలో సైబర్ నేరాలు కూడా అంతే వేగంగా పెరుగుతున్నాయి. సాధారణంగా మన డేటాను, ఇంటర్నెట్ కనెక్షన్ను సురక్షితంగా ఉంచుకోవడానికి చాలామంది ఉచిత VPN యాప్స్ను ఫోన్లలో ఇన్స్టాల్ చేసుకుంటుంటారు. కానీ అదే వీపీఎన్ యాప్స్ రూపంలో హ్యాకర్లు మన బ్యాంక్ ఖాతాలకు కన్నం వేస్తున్నారని ప్రముఖ సైబర్ సెక్యూరిటీ సంస్థ కాస్పెర్స్కీ హెచ్చరించింది. పూర్తి వివరాల్లోకి వెళితే..
మనం సురక్షితంగా ఉంటాం అనుకుని వాడే కొన్ని ఫేక్ యాప్స్, నిజానికి మన ఫోన్ను హ్యాకర్ల చేతుల్లో పెడుతున్నాయి. ఇవి మన డేటాను ప్రైవేట్గా ఉంచడానికి బదులు ప్రొక్సీ సర్వర్లుగా మారతాయి. దీనివల్ల మన ఫోన్ ద్వారా జరిగే ఆన్లైన్ లావాదేవీలు, బ్యాంకింగ్ వివరాలు నేరుగా సైబర్ నేరగాళ్ల చేతుల్లోకి వెళ్తాయి. ఆశ్చర్యకరమైన విషయం ఏమిటంటే.. మన ఫోన్లలో ఉండే సాధారణ సెక్యూరిటీ సిస్టమ్స్ కూడా ఈ ఫేక్ యాప్స్ను గుర్తించలేవు.
Also Read: వాట్సప్లో ఫొటోలు, వీడియోలు ఆటోమేటిక్గా డౌన్లోడ్ కాకుండా ఎలా ఆపాలి?
మన ఫోన్ సురక్షితంగా ఉండాలన్నా, బ్యాంక్ బ్యాలెన్స్ ఖాళీ కాకుండా ఉండాలన్నా ఫోన్ సెట్టింగ్స్ ఓపెన్ చేసి ఈ ఆరు యాప్స్ ఉన్నాయో లేదో ఒకసారి చెక్ చేసుకోండి. ProxyGate, Mask VPN, Shield VPN, Shine VPN, Dew VPN, Paladin VPN అనే యాప్స్ మీ ఫోన్లో ఉంటే వెంటనే డిలీట్ చేయండి. ఇవి మన ఫోన్లో ఉన్నంత కాలం హ్యాకర్లు మన వ్యక్తిగత, ఆర్థిక వివరాలను చాలా సులభంగా దొంగిలిస్తారు.
కేవలం ఒరిజినల్ VPN యాప్స్ వాడినంత మాత్రాన పూర్తిగా సురక్షితం అని చెప్పలేం. బ్యాంకుల పేరుతో వచ్చే నకిలీ లింకులు, మెసేజ్ల పట్ల చాలా అప్రమత్తంగా ఉండాలి. అనుమానాస్పద లింక్లను క్లిక్ చేసి మీ బ్యాంకింగ్ పాస్వర్డ్స్ నమోదు చేయకూడదు. అలాగే మీ ఫోన్ సాఫ్ట్వేర్ను ఎప్పటికప్పుడు అప్డేట్ చేస్తూ ఉండాలి. ఫోన్లోని బ్యాంకింగ్ యాప్స్కు ఖచ్చితంగా ఫింగర్ ప్రింట్ లేదా పిన్ నెంబర్ లాంటి అదనపు సెక్యూరిటీ లాక్స్ పెట్టుకోవడం చాలా మంచిది.
Also Read: 25 రోజుల బ్యాటరీ.. వాచ్ ఫీచర్లతో క్యాసియో ‘స్మార్ట్ రింగ్’ వచ్చేసింది, ధర ఎంతంటే?
Share
ఒక హత్య... వంద అనుమానాలు... క్లైమాక్స్ వరకు సస్పెన్స్ గ్యారంటీ
హైడ్రా కమిషనర్ను వెంటనే మార్చండి- హైకోర్టు
