Xiaomi 18 Fold: షియోమీ నుంచి రాబోతున్న కొత్త ఫోల్డబుల్ ఫోన్ Xiaomi 18 Foldపై టెక్ ప్రియుల్లో ఆసక్తి పెరుగుతోంది. సెప్టెంబర్లో ఈ ఫోన్ లాంచ్ కానున్న నేపథ్యంలో.. తాజాగా లీకైన రియల్ లైఫ్ ఫొటోలు డిజైన్పై మరింత క్లారిటీ ఇచ్చాయి. ముఖ్యంగా దీని వైడ్ బాడీ, రెడ్ ఫినిష్, హారిజాంటల్ కెమెరా మాడ్యూల్ చూస్తే.. రూమర్స్లో ఉన్న ఐఫోన్ అల్ట్రా గుర్తుకు రావడం ఖాయం.
చైనీస్ టిప్స్టర్ వీబోలో షేర్ చేసిన లీక్ ఫొటోల ప్రకారం.. Xiaomi 18 Fold సాధారణ బుక్స్టైల్ ఫోల్డబుల్స్ కంటే కాస్త వెడల్పుగా, స్క్వేర్ తరహా ఆకారంలో కనిపిస్తోంది. అన్ఫోల్డ్ చేసినప్పుడు పెద్ద స్క్రీన్ను మరింత సౌకర్యంగా ఉపయోగించుకునే అవకాశం ఉంది.
ఈ ఫోన్ వెనుక భాగంలో కనిపిస్తున్న రెడ్ ఫినిష్ ప్రత్యేక ఆకర్షణగా నిలుస్తోంది. ఇదే రంగు, రూమర్స్లో వినిపిస్తున్న యాపిల్ ఫోల్డబుల్ ఐఫోన్లోని డార్క్ చెర్రీ షేడ్ను కూడా గుర్తు చేస్తోంది. దీంతో రెండు ఫోన్ల డిజైన్పై పోలికలు వస్తున్నాయి.
Also Read: విడుదలకు ముందే హ్యాకర్ల చేతికి Ai+ Nova 2 Power 5G ఫోన్.. ఇదో కొత్త ప్రయోగం!
Xiaomi 18 Fold వెనుక భాగంలో పైభాగం అంతటా విస్తరించిన హారిజాంటల్ కెమెరా మాడ్యూల్ కనిపిస్తోంది. ఇందులో మూడు కెమెరాలు, LED ఫ్లాష్ ఉన్నట్లు తెలుస్తోంది. గతంలోని పొడవైన కెమెరా మాడ్యూల్స్కు భిన్నంగా షియోమీ ఈసారి కొత్త లుక్ను ఎంచుకున్నట్లు కనిపిస్తోంది.
షియోమీ ఇప్పటికే 18 Fold సెప్టెంబర్లో లాంచ్ అవుతుందని ధృవీకరించింది. ఈ ఫోన్లో కంపెనీ కొత్త Xring O3 చిప్ అందించనుంది. ఈ ప్రాసెసర్ AnTuTuలో 5.22 మిలియన్లకు పైగా స్కోర్ సాధించినట్లు సమాచారం. అయితే పూర్తి స్పెసిఫికేషన్లు, ధరపై అధికారిక వివరాలు ఇంకా వెల్లడించాల్సి ఉంది.
Also Read: Realme C100i 4G లాంచ్.. రూ.14,999కే ఇన్ని ఫీచర్లా? పూర్తి వివరాలు మీ కోసం!
Share
ఎమ్మెస్ సుబ్బలక్ష్మిగా నేషనల్ క్రష్.. లుక్ టెస్ట్ పూర్తి?
నేపాల్ వరద విపత్తు.. 538కి చేరిన మృతుల సంఖ్య.. 85 మంది భారతీయులు సేఫ్!
