Vivo T5 5G: ప్రీమియం ఫీల్, భారీ బ్యాటరీ, ఫాస్ట్ పెర్ఫార్మెన్స్.. రూ.50 వేల లోపు కొత్త ఫోన్ కొనాలనుకునేవారిని టార్గెట్ చేస్తూ వివో మరో కొత్త మోడల్‌తో వస్తోంది. ఇప్పటికే T5 Lite, T5X, T5 Pro మోడళ్లను తీసుకొచ్చిన కంపెనీ.. ఇప్పుడు ఈ సిరీస్‌లో బేస్ మోడల్ అయిన Vivo T5 5G లాంచ్ తేదీని ప్రకటించింది. సెప్టెంబర్ 2న మధ్యాహ్నం 12 గంటలకు ఈ ఫోన్ భారత మార్కెట్లోకి అడుగుపెట్టనుంది. ఫ్లిప్‌కార్ట్‌తో పాటు వివో అధికారిక వెబ్‌సైట్‌లో విక్రయాలు జరగనున్నాయి.
ఈ Vivo T5 5Gకి డిజైన్, డిస్ప్లే ప్రధాన ఆకర్షణలుగా నిలవనున్నాయి. ఇందులో 1.5K రిజల్యూషన్‌తో కూడిన 144Hz 3D కర్వ్‌డ్ AMOLED స్క్రీన్‌ను అందిస్తున్నారు. ఈ ధర విభాగంలో ఇంత సన్నని కర్వ్‌డ్ డిస్ప్లే ఉన్న ఫోన్లలో ఇది ఒకటిగా నిలవనుంది. కేవలం 7.9mm మందంతో ఉండే ఈ ఫోన్ చేతిలో పట్టుకున్నప్పుడు స్లిమ్‌గా, ప్రీమియంగా అనిపించేలా డిజైన్ చేశారు. రాయల్ బ్రాంజ్, సిల్వర్ గ్రీన్ రంగుల్లో ఇది లభించనుంది.
Also Read: వెయిటింగ్ ఈజ్ ఓవర్. Nothing Buds Pro 2 కేస్ డిజైన్, బ్యాటరీ వివరాలు లీక్!
పెర్ఫార్మెన్స్ విషయానికొస్తే మీడియాటెక్ డైమెన్సిటీ 7500 టర్బో చిప్‌సెట్‌ను ఇందులో ఉపయోగించారు. రోజువారీ పనులతో పాటు గేమింగ్, మల్టీటాస్కింగ్‌లోనూ మంచి స్పీడ్ అందించడమే దీని టార్గెట్. వెనుక భాగంలో స్కైలైన్ డిజైన్‌తో హారిజాంటల్ కెమెరా బార్ ఉంటుంది. ఇందులో రెండు కెమెరా లెన్స్‌లతో పాటు ఎల్‌ఈడీ లైట్ రింగ్ ఉండటం ఫోన్ లుక్‌కు మరింత ప్రత్యేకతను తీసుకొస్తుంది. ఆరిజిన్ ఓఎస్ 6 ఆధారంగా ఇది పనిచేయనుంది.
అసలు సర్‌ప్రైజ్ మాత్రం బ్యాటరీ విషయంలో ఉంది. కేవలం 7.9mm సన్నని బాడీలో ఏకంగా 7,050mAh బ్యాటరీని అందిస్తోంది వివో. అంటే స్లిమ్ డిజైన్ కోసం బ్యాటరీ సామర్థ్యాన్ని తగ్గించలేదన్నమాట. డిస్ప్లే, ప్రాసెసర్, భారీ బ్యాటరీ కలయికతో రోజంతా ఎక్కువగా ఫోన్ ఉపయోగించే వారికి ఇది ఆసక్తికరమైన ఆప్షన్‌గా మారే అవకాశం ఉంది. ర్యామ్, స్టోరేజ్, ధర వంటి కీలక వివరాలను కంపెనీ లాంచ్‌కు దగ్గర్లో వెల్లడించనుంది.
Also Read: ఫోన్ వెనుక అతికించుకుంటే చాలు.. మాట్లాడిన ప్రతిమాటను నోట్స్‌గా మార్చే AI డివైజ్!
Share
వ్యూస్ కోసం దినేష్ కార్తీక్ తెగించాడు..బాబర్ గురించి మాట్లాడితే పళ్లు రాలగొడతాం
మీ గర్ల్ఫ్రెండ్ ఇగోతో విసిగిపోయారా.. ఈ 5 ట్రిక్స్తో మీ మన:శాంతి కాపాడుకోండి
