Vivo T5x 5G: చైనాకు చెందిన ప్రముఖ స్మార్ట్ఫోన్ తయారీ సంస్థ వివో.. తమ పాపులర్ మొబైల్ T5x 5Gని ఇప్పుడు కొత్త ‘ఫ్యూజన్ రెడ్’ రంగులో భారత మార్కెట్లోకి తీసుకొచ్చింది. స్టైలిష్ లుక్తో వస్తున్న ఈ వేరియంట్ వివో ఈ-స్టోర్, ఫ్లిప్కార్ట్తో పాటు అన్ని ప్రముఖ రీటైల్ స్టోర్లలో వినియోగదారులకు అందుబాటులోకి వచ్చింది. డిజైన్ పరంగా కలర్ మారడం తప్ప మిగిలిన ఫీచర్లు, స్పెసిఫికేషన్లు అన్నీ పాత మోడల్లాగే ఉంటాయి.
ఈ ఫోన్ 6GB + 128GB వేరియంట్ ధర రూ.24,999 కాగా, 8GB + 128GB వేరియంట్ రూ.27,999, అలాగే 8GB + 256GB టాప్ మోడల్ రూ.30,999కి లభిస్తున్నాయి. లాంచ్ ఆఫర్ కింద యాక్సిస్, హెచ్డీఎఫ్సీ, ఎస్బీఐ కార్డ్లపై రూ.2,000 తక్షణ డిస్కౌంట్ ఇస్తున్నారు. దీంతో ఈ ఫోన్లను ప్రారంభంలో రూ.22,999 నుంచే కొనుగోలు చేయవచ్చు.
Also Read: రీఛార్జ్ రేట్లు పెరిగినా డోంట్ కేర్.. రూ.1849కే ఏడాది పొడవునా ఎయిర్టెల్ ప్లాన్ ఉందిగా!
Vivo T5x 5Gలో ప్రధానంగా చెప్పుకోవాల్సింది దీని 7200mAh భారీ బ్యాటరీ గురించే. దీనికి 44W ఫ్లాష్ ఛార్జింగ్ సపోర్ట్ కూడా ఉంది. ఈ బ్యాటరీ దాదాపు ఆరేళ్ల పాటు ఎలాంటి ఇబ్బంది లేకుండా పనిచేస్తుందని కంపెనీ చెబుతోంది. ఇక ప్రాసెసింగ్ కోసం ఇందులో మీడియాటెక్ డైమెన్సిటీ 7400 టర్బో చిప్సెట్ వాడారు. ఇది గేమింగ్, మల్టీటాస్కింగ్కు చాలా బాగా ఉపయోగపడుతుంది.
ఇందులో 6.76 అంగుళాల ఫుల్ HD+ డిస్ప్లే, 120Hz రీఫ్రెష్ రేట్ ఇచ్చారు. ఫొటోగ్రఫీ కోసం వెనుక వైపు 50 మెగాపిక్సెల్ సోనీ మెయిన్ కెమెరా, ముందు వైపు 32 మెగాపిక్సెల్ సెల్ఫీ కెమెరా ఉన్నాయి. రెండింటిలోనూ 4K వీడియోలు రికార్డ్ చేయవచ్చు. డస్ట్, వాటర్ రెసిస్టెన్స్ కోసం IP68, IP69 రేటింగ్లతో వస్తున్న ఈ ఫోన్ను గ్రేటర్ నోయిడాలోని ప్లాంట్లో తయారు చేశారు.
Also Read: ఫోన్ వర్షంలో తడిసినా ఒక్క రూపాయి ఖర్చు లేకుండా కాపాడుకునే ‘మాస్టర్ టిప్’ ఇదిగో!
Share
రూటు మార్చిన విజయసాయిరెడ్డి.. రాహుల్ గాంధీపై వ్యాఖ్యలు, అసలు వీక్నెస్ అదే
'ఇదే రామయుగం ఆరంభం'.. సందీప్ వంగా ట్వీట్ వైరల్
