Vivo TWS 5 Pro: ప్రముఖ టెక్ సంస్థ వివో చైనా మార్కెట్లో సరికొత్త ట్రూ వైర్లెస్ ఇయర్ఫోన్స్ ‘వివో టిడబ్ల్యూఎస్ 5 ప్రో’ (Vivo TWS 5 Pro)ను లాంచ్ చేసింది. అద్భుతమైన ఆడియో క్వాలిటీ, వవర్ఫుల్ బ్యాటరీ లైఫ్తో వచ్చిన ఈ ఇయర్బడ్స్ సంగీత ప్రియులను ఎంతగానో ఆకట్టుకుంటున్నాయి. ప్రస్తుతానికి చైనాలో విడుదలైన ఈ సరికొత్త ఇయర్బడ్స్ ధర, వాటిలోని ప్రత్యేకతలేంటో ఇప్పుడు చూసేద్దాం రండి..
చైనా మార్కెట్లో వివో టిడబ్ల్యూఎస్ 5 ప్రో ధరను రూ.13,000గా నిర్ణయించారు. ఈ ఇయర్బడ్స్ ప్రస్తుతం సైలెంట్ రియల్మ్ బ్లాక్, ఒరిజినల్ సౌండ్ట్రాక్ అనే రెండు ఆకర్షణీయమైన రంగుల్లో కొనుగోలు చేయడానికి అందుబాటులో ఉన్నాయి.
ఈ ఇయర్బడ్స్లో 11mm డైనమిక్ డ్రైవర్లను అందించారు. ఇవి 16Hz నుండి 60kHz వరకు ఫ్రీక్వెన్సీని సపోర్ట్ చేస్తాయి. దీనివల్ల పాటలు వినేటప్పుడు బేస్, ట్రెబుల్ చాలా క్లియర్గా వినిపిస్తాయి. ఇందులో ఉన్న స్పెషల్ బోన్-కండక్షన్ మైక్రోఫోన్ సహాయంతో ఏకంగా 60dB వరకు బయటి శబ్దాలను అడ్డుకోవచ్చు (ఆక్టివ్ నాయిస్ క్యాన్సిలేషన్). ఫోన్ మాట్లాడేటప్పుడు చుట్టుపక్కల వచ్చే గోలను దాదాపు 100dB వరకు తగ్గించేలా దీని సాంకేతికతను రూపొందించారు.
Also Read: ఆఫర్ అంటే ఇది కదా.. Amazon SAleలో బ్రాండెడ్ స్మార్ట్ టీవీలపై 65% డిస్కౌంట్.. ఏ మోడల్ ఎంతంటే?
వివో టిడబ్ల్యూఎస్ 5 ప్రో బ్లూటూత్ 5.4 కనెక్టివిటీతో పనిచేస్తుంది. వీటిని ఒకేసారి మూడు డివైజ్లకు కనెక్ట్ చేసుకునే వెసులుబాటు ఉండటం విశేషం. గేమింగ్ ఇష్టపడే వారి కోసం దీనిలో కేవలం 42ms లో-లేటెన్సీని అందించారు. తద్వారా గేమ్ ఆడేటప్పుడు ఆడియో లాగ్ అవ్వదు. ఇక దుమ్ము, నీటి చినుకుల నుండి రక్షణ కోసం దీనికి ఐపీ54 (IP54) రేటింగ్ ఇచ్చారు.
ఈ ఇయర్బడ్స్ బ్యాటరీ లైఫ్ విషయంలో నిజంగానే అదరగొట్టాయి. నాయిస్ క్యాన్సిలేషన్ ఆఫ్ చేసి వాడితే, కేవలం ఇయర్బడ్స్ మాత్రమే 11 గంటల ప్లేబ్యాక్ ఇస్తాయి. ఛార్జింగ్ కేస్తో కలిపి మొత్తం 50 గంటల పాటు వాడుకోవచ్చు. ఒకవేళ నాయిస్ క్యాన్సిలేషన్ ఆన్ చేస్తే సింగిల్ ఛార్జ్పై 6 గంటలు, కేస్తో కలిపి 24 గంటల బ్యాటరీ లైఫ్ లభిస్తుంది. టైప్-సి పోర్ట్ ద్వారా ఇయర్బడ్స్ పూర్తిగా ఛార్జ్ అవ్వడానికి దాదాపు 58 నిమిషాల సమయం పడుతుంది.
Share
వరంగల్ మేయర్ పీఠమే టార్గెట్.. 2028లో తెలంగాణపై కమలం జెండా పక్కా- బండి సంజయ్
జైపూర్లో విషాదం.. రిసార్ట్ గోడ కూలి ముగ్గురు కార్మికులు మృతి!
