Vivo X500 Pro Max: చైనాకు చెందిన ప్రముఖ వివో స్మార్ట్ఫోన్ లవర్స్ ఎంతగానో ఎదురుచూస్తున్న Vivo X500 Pro Max మార్కెట్లోకి రావడానికి సిద్ధమవుతోంది. లాంచ్కు ముందే ఈ ఫోన్కు సంబంధించిన కీలక ఫీచర్లను కంపెనీ ఒక్కొక్కటిగా రివీల్ చేస్తూ హైప్ పెంచేస్తోంది. తాజాగా ఈ ఫోన్ డిస్ప్లేకి సంబంధించిన కొన్ని మైండ్ బ్లోయింగ్ విశేషాలను వివో ప్రాడక్ట్ మేనేజర్ సోషల్ మీడియా వేదికగా పంచుకున్నారు. అవేంటో ఇప్పుడు వివరంగా చూద్దాం.
ఈ ఫోన్ 6.85-ఇంచుల BOE Q11 2K Zeiss మాస్టర్ కలర్ స్క్రీన్తో రానుంది. ప్రపంచంలోనే ఈ అడ్వాన్స్డ్ డిస్ప్లేతో వస్తున్న మొదటి స్మార్ట్ఫోన్ ఇదే కావడం విశేషం. కొత్త Q11 ల్యూమినసెంట్ మెటీరియల్ వాడటం వల్ల స్క్రోలింగ్ చాలా స్మూత్గా ఉంటుంది. పాత ఫోన్ల డిస్ప్లేతో పోలిస్తే ఇందులో మోషన్ బ్లర్ ఏకంగా 93 శాతం వరకు తగ్గుతుందని కంపెనీ చెబుతోంది.
Also Read: 5 ఏళ్ల తర్వాత కూడా 80% బ్యాటరీ కెపాసిటీ.. Honor 600S 5Gలో మరెన్నో అదిరిపోయే ఫీచర్లు!
ఇందులో వాడిన చిప్ లెవెల్ Demura టెక్నాలజీ, వివో పిక్సెల్ లెవెల్ ఆల్గోరిథం వల్ల స్క్రీన్ కలర్ క్వాలిటీ 43 శాతం మెరుగుపడుతుంది. అలాగే బ్రైట్నెస్ యూనిఫార్మిటీ 22 శాతం పెరగడం వల్ల మనకు థియేటర్ లెవెల్ విజువల్ ఎక్స్పీరియన్స్ లభిస్తుంది. అంతేకాకుండా.. కంటికి సౌకర్యవంతంగా ఉండేలా ఆటోమేటిక్ బ్రైట్నెస్ అడ్జస్ట్మెంట్ కోసం ప్రత్యేకమైన అండర్ డిస్ప్లే మల్టీస్పెక్ట్రల్ సెన్సార్ను కూడా అందించారు.
సాధారణంగా 2K డిస్ప్లే అంటే ఎక్కువ బ్యాటరీ ఖర్చు అవుతుంది అనుకుంటాం. కానీ ఈ స్క్రీన్ 2K రెసల్యూషన్ ఉన్నప్పటికీ.. పాత తరానికి చెందిన 1.5K స్క్రీన్ కంటే 21 శాతం తక్కువ పవర్ వాడుకుంటుంది. అంతేకాకుండా ఈ డిస్ప్లే లైఫ్స్పాన్ కూడా రెట్టింపు అయిందని వివో పేర్కొంది.
కేవలం డిస్ప్లే మాత్రమే కాదు.. ఈ ఫోన్లో 2nm మీడియాటెక్ డైమెన్సిటీ ప్రాసెసర్, 200 మెగాపిక్సెల్ Zeiss APO సూపర్ టెలిఫోటో కెమెరా వంటి పవర్ఫుల్ ఫీచర్లు కూడా ఉండబోతున్నాయి. ఇది Origin OS 7పై పనిచేస్తుంది. మొత్తానికి వివో ఈసారి డిస్ప్లే, కెమెరా విభాగాల్లో ఆండ్రాయిడ్ మార్కెట్లో కొత్త బెంచ్మార్క్ సెట్ చేయడానికి సిద్ధమైపోయింది.
Also Read: మార్కెట్లో ఎన్నో స్మార్ట్వాచ్లు ఉన్నా.. శాంసంగ్లో మాత్రమే ఉండే 3 ప్రత్యేక ఫీచర్లు!
Share
మాజీ ప్రేమికులు కలిసే స్పెషల్ మార్కెట్.. భార్యలే ‘వెళ్లి రా’ అంటారట!
సినిమా థియేటర్లలో కునుకు సేవలు.. ఉద్యోగులను ఆకట్టుకున్న స్కీమ్, అన్నీ ఉచితంగానే
