Xiaomi Mijia Air Purifier 6: ఇంట్లో గాలి నాణ్యతపై శ్రద్ధ పెరుగుతున్న సమయంలో షియోమీ మరో కొత్త ప్రీమియం ఎయిర్ ప్యూరిఫైయర్‌ను భారత మార్కెట్లోకి తీసుకొచ్చింది. Mijia బ్రాండ్‌తో వచ్చిన Air Purifier 6 పెద్ద గదుల్లో గాలిని శుభ్రంగా ఉంచడంతో పాటు స్మార్ట్ ఫీచర్లను కూడా అందిస్తోంది.
Mijia Air Purifier 6ను 940 చదరపు అడుగుల వరకు ఉన్న ప్రదేశాల్లో ఉపయోగించవచ్చు. ఇది 443m³/h Particle CADRతో పనిచేస్తుంది. కంపెనీ ప్రకారం 108 చదరపు అడుగుల గదిలోని గాలిని సుమారు 3.5 నిమిషాల్లో శుద్ధి చేయగలదు.
ఈ ఎయిర్ ప్యూరిఫైయర్‌లో 5 దశల ఫిల్టరేషన్ సిస్టమ్ ఉంది. ప్రైమరీ ఫిల్టర్, హై-ఎఫిషియెన్సీ ఫిల్టర్, యాక్టివేటెడ్ కార్బన్, UV లైట్, నెగెటివ్ అయాన్ టెక్నాలజీ ఇందులో ఉన్నాయి. 0.3 మైక్రాన్ పరిమాణంలోని 99.98 శాతం సూక్ష్మ కణాలను ఫిల్టర్ చేయగలదని షియోమీ చెబుతోంది. యాక్టివేటెడ్ కార్బన్ ఫిల్టర్ ఫార్మాల్డిహైడ్, TVOCలు, ఇంట్లోని దుర్వాసనలను తగ్గించడంలో సహాయపడుతుంది.
Also Read: సోనీ నుంచి కొత్త 5G ఫోన్.. 120Hz OLED డిస్‌ప్లే, 50MP కెమెరా.. ధర ఎంతంటే?
PM1, PM2.5, దుమ్ము, ఉష్ణోగ్రత, తేమను గుర్తించే 5 సెన్సర్లు ఇందులో ఉన్నాయి. ఈ వివరాలను కలర్ LCD స్క్రీన్‌పై చూడవచ్చు. Xiaomi Home యాప్ ద్వారా గాలి నాణ్యతను చెక్ చేయడం, ప్యూరిఫైయర్‌ను రిమోట్‌‌తో కంట్రోల్ చేయడం, టైమర్ సెట్ చేయడం, ఫిల్టర్ లైఫ్ తెలుసుకోవడం వంటివి చేయొచ్చు. Google Assistant, Amazon Alexa వాయిస్ కంట్రోల్‌కు కూడా సపోర్ట్ ఉంది.
భారత్‌లో Mijia Smart Air Purifier 6 ధరను రూ.19,999గా నిర్ణయించారు. ఆగస్టు 25న లాంచ్ అయిన ఈ ప్యూరిఫైయర్ సెప్టెంబర్ 2 నుంచి కొనుగోలుకు అందుబాటులోకి రానుంది. 32dB(A) స్లీప్ మోడ్‌తో రాత్రివేళ కూడా తక్కువ శబ్దంతో పనిచేయడం దీని మరో ప్రత్యేకత.
Also Read: 7,050mAh బ్యాటరీతో అదరగొట్టనున్న Vivo T5 5G ఫోన్.. లాంచ్ డేట్ ఇదే!
Share
భయపెడుతున్న హెచ్1ఎన్1 కేసులు.. మళ్లీ మాస్కులు తప్పవా?
పాక్ ఆర్మీ చీఫ్ మునీర్ బూట్లు నాకడంలో షాహిద్ అఫ్రిది బిజీగా ఉన్నాడు
