Xiaomi Mijia Air Purifier 6C: ఇంట్లో గాలి నాణ్యతపై శ్రద్ధ పెట్టేవారి కోసం షియోమీ కొత్తగా Mijia Air Purifier 6Cను తీసుకొచ్చింది. చిన్న, మధ్యస్థ గదులను దృష్టిలో పెట్టుకుని రూపొందించిన ఈ ఎయిర్ ప్యూరిఫైయర్ ప్రస్తుతం చైనాలో సుమారు రూ.15,700 ధరకు ప్రీ-బుకింగ్లో ఉంది. దుమ్ము, వాసనలు, ఫార్మాల్డిహైడ్ వంటి కాలుష్య కారకాలను తగ్గించేలా దీనిని రూపొందించారు.
Mijia Air Purifier 6Cను గరిష్టంగా 68 చదరపు మీటర్ల వరకు ఉన్న గదుల్లో ఉపయోగించవచ్చని షియోమీ చెబుతోంది. ఇది గంటకు 603 క్యూబిక్ మీటర్ల వరకు కణాలను శుభ్రం చేసే సామర్థ్యాన్ని కలిగి ఉంది. ముఖ్యంగా దీని బేస్ ఏరియా కేవలం 0.063 చదరపు మీటర్లు మాత్రమే. అంటే దాదాపు A4 పేపర్ పరిమాణంలో ఉంటుంది. దీంతో చిన్న ఫ్లాట్ లేదా బెడ్రూమ్లో కూడా ఎక్కువ స్థలం కేటాయించాల్సిన అవసరం ఉండదు.
గాలిని శుభ్రం చేసేందుకు ఇందులో ఆరు దశల ఫిల్టర్ సిస్టమ్ ఉంది. మొదటి దశలో పెద్ద దుమ్ము, వెంట్రుకలు వంటి కణాలను ఫిల్టర్ చేస్తుంది. ఆ తర్వాత యాంటీబ్యాక్టీరియల్ లేయర్, ఫార్మాల్డిహైడ్ తొలగించే ఫిల్టర్, సూక్ష్మ కణాలను పట్టుకునే ఫిల్టర్ పనిచేస్తాయి. వాసనలు, TVOCలను తగ్గించేందుకు కార్బన్ లేయర్ను కూడా అందించారు. చివరగా UV లైట్ ఆధారిత క్లీనింగ్ సిస్టమ్ ఉంటుంది. ఫిల్టర్ను సాధారణంగా 6 నుంచి 12 నెలల వరకు ఉపయోగించవచ్చని కంపెనీ పేర్కొంది.
Also Read: ఎవరైనా కెమెరా గ్లాసెస్ పెట్టుకుని మీకు దగ్గర్లో ఉంటే.. ఈ యాప్ ఇట్టే పసిగట్టేస్తుంది!
ఈ ప్యూరిఫైయర్లో ఫార్మాల్డిహైడ్ను తగ్గించడంపై ప్రత్యేకంగా దృష్టి పెట్టారు. ఇందుకోసం గంటకు 381 క్యూబిక్ మీటర్ల క్లీన్ ఎయిర్ డెలివరీ సామర్థ్యం ఉందని షియోమీ తెలిపింది. రెండు గంటల్లో ఫార్మాల్డిహైడ్ను 99 శాతం వరకు తగ్గించగలదని కంపెనీ పేర్కొంది. కొత్తగా ఇంటి నిర్మాణం లేదా ఇంటీరియర్ పనులు పూర్తిచేసుకున్న వారికి ఈ ఫీచర్ ఉపయోగపడే అవకాశం ఉంది. అయితే వాస్తవ పనితీరు గది పరిమాణం, వెంటిలేషన్, కాలుష్య స్థాయి వంటి అంశాలపై ఆధారపడి ఉంటుంది.
Mijia Air Purifier 6Cలో ప్రత్యేకమైన గుండ్రటి డిస్ప్లే ఉంది. ఇందులో గాలిలోని ఫార్మాల్డిహైడ్ స్థాయి, PM2.5, ఉష్ణోగ్రత, తేమ వంటి వివరాలను రియల్టైమ్లో చూసుకోవచ్చు. దుమ్ము, పుప్పొడి, పెంపుడు జంతువుల వెంట్రుకల నుంచి వచ్చే సూక్ష్మ కణాలను కూడా ఫిల్టర్ చేయగలదని షియోమీ చెబుతోంది. నిద్ర సమయంలో శబ్దం 30.4 డెసిబెల్స్ వరకు తగ్గుతుందని కంపెనీ పేర్కొంది. అలాగే Mi Home యాప్ ద్వారా ప్యూరిఫైయర్ను స్మార్ట్ఫోన్ నుంచే నియంత్రించుకోవచ్చు.
రోజువారీ వినియోగంలో దీని విద్యుత్ ఖర్చు సుమారు రూ.8 ఉంటుందని షియోమీ తెలిపింది. అలాగే సాధారణంగా కనిపించే 8 రకాల బ్యాక్టీరియా, వైరస్లను 99.9 శాతానికి పైగా తగ్గించగలదని కంపెనీ పేర్కొంది. వాయిస్ కమాండ్ల కోసం Xiao Ai సపోర్ట్ కూడా ఉంది. ఫిల్టర్ను ఎప్పుడు మార్చాలో Mi Home యాప్లోనే తెలుసుకోవచ్చు. ప్యూరిఫైయర్ను విడిగా తెరిచి ఫిల్టర్ను సులభంగా మార్చుకునేలా డిజైన్ చేశారు. కొన్ని భాగాలను నీటితో శుభ్రం చేసి మళ్లీ ఉపయోగించుకోవచ్చు.
Also Read: అడ్వాన్స్డ్ ఫీచర్లతో మార్కెట్లోకి వచ్చేస్తోన్న Samsung Galaxy Tab S12.. లాంచ్ డేట్ లీక్!
Share
నోటీస్ పీరియడ్ డబ్బు చెల్లించి ఉద్యోగం వదిలేయవచ్చా.. కంపెనీ రిలీవ్ చేయకపోతే ఏం చేయాలి?
లాక్డౌన్ దిశగా పాకిస్థాన్ అడుగులు.. ఆ తరహా ఆంక్షలు, పెళ్లిళ్లలో ఒకే వంటకం
