YouTube Musicలో ఈ ఒక్క సెట్టింగ్ మార్చండి.. ప్లేలిస్ట్ మజా డబుల్!

YouTube Music: మీకు నచ్చిన పాటలతో ఒక మంచి ప్లేలిస్ట్ తయారు చేసుకున్న తర్వాత, చివరి పాట పూర్తవగానే మరో పాట ఆటోమేటిక్‌గా మొదలైతే ఎలా ఉంటుంది? ముఖ్యంగా మనం సెట్ చేసుకున్న మూడ్‌కు అసలు సంబంధం లేని పాట వస్తే చిరాకు తప్పదు. YouTube Musicలోని Autoplay ఫీచర్ వల్ల చాలామందికి ఇలాంటి అనుభవమే ఎదురవుతోంది. అయితే దీన్ని సులభంగా ఆఫ్ చేయొచ్చు.

ఫోన్‌లో ఆఫ్ చేయడమెలా?

ముందుగా యూట్యూబ్ మ్యూజిక్ యాప్‌లో ఏదైనా పాట లేదా ప్లేలిస్ట్ ప్లే చేయండి. స్క్రీన్ కింద కనిపించే ప్లేయర్‌పై ట్యాప్ చేసి Now Playing స్క్రీన్‌ను తెరవాలి. అక్కడ పైకి స్వైప్ చేసి Up Next క్యూలోకి వెళ్లి, కిందివరకు స్క్రోల్ చేస్తే ఆటోప్లే టోగుల్ కనిపిస్తుంది. దాన్ని ఆఫ్ చేస్తే చాలు.

Also Read: మూడు సార్లు మడతపెట్టే ఫోన్.. Huawei Mate XT 2లో ఇవన్నీ ఉంటాయా?

డెస్క్‌టాప్‌లోనూ ఇదే విధానం..

బ్రౌజర్‌లో YouTube Music ఓపెన్ చేసి, కింద ఉన్న మీడియా ప్లేయర్‌ను విస్తరించాలి. Up Next ట్యాబ్‌లోకి వెళ్లిన తర్వాత క్యూలో పైనే Autoplay స్విచ్ కనిపిస్తుంది. దాన్ని ఆఫ్ చేస్తే ప్లేలిస్ట్ ముగిసిన తర్వాత మ్యూజిక్ ఆటోమేటిక్‌గా కొనసాగదు. కొత్త ఆర్టిస్టుల పాటలు వినాలకుంటున్న వారికి ఆటోప్లే ఉపయోగపడుతుంది. యూట్యూబ్ మ్యూజిక్ మనం వినే అలవాట్ల ఆధారంగా కొత్త ట్రాక్‌లను సూచించగలదు.

డీప్ కట్స్ ఎందుకు ప్రత్యేకం?

ఒకవేళ ఆటోప్లే ఆన్‌లో ఉండాలి అనుకుంటే Up Nextలో కనిపించే Familiar, Popular, Discover, Deep cuts వంటి ఫిల్టర్లను ఉపయోగించవచ్చు. వీటితో మనకు కావాల్సిన రకం పాటలను ఎంచుకోవడం సులభమవుతుంది. Deep Cuts ఎంపిక చేస్తే ఎక్కువగా వినిపించే హిట్ పాటల కంటే ఆర్టిస్టుల అరుదైన, తక్కువగా తెలిసిన పాటలు వినిపిస్తాయి. కొత్త మ్యూజిక్‌ను ఆస్వాదించాలనుకునేవారికి ఇది మంచి ఎంపిక.

Also Read: Poco F9 Ultraపై భారీ అంచనాలు.. కొత్త చిప్‌సెట్, ప్రీమియం డిజైన్‌తో ఎంట్రీ!