Natarajan Ahmed Daniyal Chit Chat: భారత స్టార్ ఆటగాడు టీ.నటరాజన్ (Natarajan) సరికొత్త వివాదంలో చిక్కుకున్నాడు. హాంకాంగ్ సిక్సెస్ 2026 టోర్నమెంట్ (Hong Kong Sixes 2026) సందర్భంగా పాకిస్తాన్ ఆటగాడితో మాట్లాడి అడ్డంగా దొరికిపోయాడు. పహ‌ల్గాం సంఘటన తర్వాత పాకిస్తాన్ ఆటగాళ్లకు షేక్ హ్యాండ్ కూడా ఇవ్వకూడదని బీసీసీఐ నుంచి స్పష్టమైన ఆదేశాలు వచ్చినప్పటికీ.. నటరాజన్ బేఖాతరు చేసినట్టు తెలుస్తోంది. మ్యాచ్ జరుగుతుండగా పాకిస్తాన్ ఆటగాడి అహ్మద్ డేనియల్ (Ahmed Daniyal)తో టీ. నటరాజన్ క్లోజ్ గా కనిపించిన వీడియో వైరల్ అయిన నేపథ్యంలో అతనిపై దేశద్రోహి ముద్ర వేస్తూ దారుణంగా ట్రోల్స్ చేస్తున్నారు ఇండియన్ ఫ్యాన్స్.
హాంకాంగ్ సిక్సెస్ 2026 టోర్నమెంట్ (Hong Kong Sixes 2026) లో భాగంగా టీమిండియా వర్సెస్ పాకిస్తాన్ మధ్య గ్రూప్ సీలో భాగంగా మ్యాచ్ జరిగింది. ఇందులో టీమిండియా నాలుగు వికెట్ల తేడాతో అత్యంత దారుణమైన ఓటమి చవిచూసింది. అయితే మ్యాచ్ జరుగుతుండగా బ్యాటింగ్ కు వచ్చిన నటరాజన్ తో అహ్మద్ డేనియల్ చిట్ చాట్ చేశాడు. ఈ త‌రుణంలోనే పాకిస్తాన్ వాడికి షేక్ హ్యాండ్ ఇవ్వకూడదన్న విషయాన్ని మర్చిపోయిన నటరాజన్… అతనితో ఫన్నీగా మాట్లాడాడు. ఈ సంఘటనకు సంబంధించిన వీడియో వైరల్ గా మారింది.
ఇది చూసిన క్రికెట్ అభిమానులు ఆగ్రహం వ్యక్తం చేస్తున్నారు. పాకిస్తాన్ ప్లేయ‌ర్ల‌కు షేక్ హ్యాండ్ ఇవ్వడం లేదు..అలాంటిది ఆ దేశ బౌలర్ తో ఎలా మాట్లాడతావని నటరాజన్ ను నిలదీస్తున్నారు. ఇలాంటి క్రికెటర్లు దేశద్రోహులే అంటూ ఆగ్రహం వ్యక్తం చేస్తున్నారు. అయితే మరికొంతమంది నటరాజన్ కు సపోర్ట్ గా నిలుస్తున్నారు. కావాలనే అహ్మద్ డేనియ‌లే, నటరాజన్ ను రెచ్చగొట్టాడని… అందుకే వాడికి కౌంటర్ ఇచ్చే క్రమంలో రియాక్ట్ కావాల్సి వచ్చిందని పేర్కొంటున్నారు. ఇందులో టీ. నటరాజన్ త‌ప్పేం లేద‌ని కామెంట్స్ చేస్తున్నారు.
హాంకాంగ్ సిక్సెస్ 2026 టోర్నమెంట్ లో (Hong Kong Sixes 2026) భాగంగా జరిగిన మ్యాచ్ లో టీమిండియాపై ( Team India) పాకిస్తాన్ ( Pakistan Team) విజయం సాధించింది. శుక్ర‌వారం ఉదయం జరిగిన ఈ మ్యాచ్ లో టీమిండియా ఫస్ట్ బ్యాటింగ్ చేసి ఆరు ఓవర్లు ఆడింది. ఈ క్రమంలో 5 వికెట్ల నష్టానికి 88 పరుగులు సాధించింది. లక్ష్యం చిన్నది కావడంతో పాకిస్తాన్ అవలీలగా 3.5 ఓవర్లలో రెండు వికెట్ల నష్టానికి చేదించింది. దీంతో టీమిండియాపై నాలుగు వికెట్ల తేడాతో భారీ విజయాన్ని నమోదు చేసుకుంది పాకిస్తాన్.
A FUNNY CHAT BETWEEN NATARAJAN AND AHMAD DANIYAL..!! 🥹❤️
– After a long time, we witnessed such a moment in the pakistan vs india match. pic.twitter.com/gvXsMU9a4V
— Rana Ahmad. (@AhmadRana056) October 30, 2026
Share
మణిపూర్ పోకుండా ఇక్కడికెందుకొచ్చావ్? అమిత్ షాపై మంత్రి పొన్నం ఫైర్!
గుంటూరు మేయర్ అభ్యర్థి, నా చెల్లిని గెలిపించాలని ఓటర్లకు నటుడు జగపతిబాబు విజ్ఞప్తి
