Daryl Mitchell Six – Security Guard Escapes: టీమిండియా వర్సెస్ న్యూజిలాండ్ (New Zealand vs India) మధ్య టీ20 సిరీస్ చాలా రసవత్తరంగా సాగుతోంది. ఈ టోర్నమెంట్ లో ఇప్పటికే రెండు మ్యాచ్ లు ఫినిష్ కాగా… ఇవాళ మధ్యాహ్నం 12:30 గంటల సమయంలో మూడవ మ్యాచ్ కూడా షురూ అయింది. వెల్డింగ్టన్ వేదికగా (Hnry Stadium, Wellington) జరుగుతున్న ఈ మ్యాచ్ లో న్యూజిలాండ్ ఫస్ట్ బ్యాటింగ్ కు దిగింది. ఈ క్రమంలో డారిల్ మిచెల్ (Daryl Mitchell) కొట్టిన భారీ సిక్సర్ ఇప్పుడు హాట్ టాపిక్ అయింది.
అర్షదీప్ సింగ్ వేసిన ఓ బంతిని లెగ్ ఎంపెర్ పై నుంచి భారీ సిక్సర్ గా డారెల్ మిచెల్ మలిచాడు. అయితే ఆ సమయంలో సిక్స్ గేట్ దగ్గర ఓ సెక్యూరిటీ నిలబడగా, అతని పక్క నుంచి వెళ్లిన బంతి గోడ‌కు తగిలింది. కొంచెం అటు, ఇటు అయితే, మాత్రం సెక్యూరిటీ తల పగిలేది. కానీ, బంతి కాస్త దూరంగా వెళ్ల‌డంతో జస్ట్ మిస్ లో సెక్యూరిటీ ఎస్కేప్ అయ్యాడు. అయితే, ఈ సిక్సర్ కొట్టిన డారెల్ మిచెల్, సెక్యూరిటీకి బంతి త‌గులుతుందేమోన‌ని ఒక్కసారిగా ఉలిక్కిపడ్డాడు. దీంతో డారెల్ మిచెల్ రియాక్ష‌న్ వైర‌ల్ గా మారింది. ఇక డారెల్ మిచెల్ రియాక్ష‌న్ చూసిన క్రికెట్ ఫ్యాన్స్ ఫిదా అయిపోతున్నారు. ఓ సెక్యూరిటీ గురించి మంచి హృద‌యంతో అత‌డు ఆలోచించాడ‌ని కామెంట్స్ చేస్తున్నారు.
టీమిండియా వర్సెస్ న్యూజిలాండ్ (New Zealand vs India) మధ్య అక్టోబర్ 22వ తేదీన ఐదు మ్యాచ్ ల టీ20 సిరీస్ షురూ అయింది. న్యూజిలాండ్ గడ్డపై టీమిండియా అసలు ఖాతా ఓపెన్ చేయడమే కష్టమని చాలా మంది ట్రోల్ చేశారు. ఇలాంటి క్రమంలో అందరి అంచనాలను తలకిందులు చేస్తూ టీమ్ ఇండియా రాణిస్తోంది. ఈ టోర్నమెంట్ లో వరుసగా రెండు మ్యాచ్ లు గెలిచిన టీమిండియా… మూడవ టి20 పై కన్నేసింది. ఇందులో గెలిచి టైటిల్ కైవసం చేసుకోవాలని ఈ ప్లాన్ చేస్తోంది. దానికి తగ్గట్టుగానే ముందుకు సాగుతోంది. ఈ మూడవ టి20 లో కూడా టీమిండియానే టాస్ గెలవడం శ్రేయస్ అయ్య‌ర్ సేన‌కు కలిసి రానుందని అంటున్నారు. ఎప్పటి లాగే చేజ్ చేసి మళ్లీ టీం ఇండియా గెలుస్తుందని అంచనా వేస్తున్నారు. ఇక వెల్లింగ్ట‌న్ మ్యాచ్ గెలిస్తే, 3-0 తేడాతో టీ20 సిరీస్ టీమిండియా వ‌శం కానుంది.
FLAT SIX FROM DARYL MITCHELL #NZvIND pic.twitter.com/TO9DPDZn2u
— CricDiaries (@abhi_9874) October 27, 2026
Share
గ్లోబల్ ఎంట్రీకి ముందే టీజర్ విడుదల.. హిమాలయన్ 750 ఏముంది గురూ!
బరువు తగ్గాలంటే రాత్రిపూట అన్నం మానేయాలా? నిపుణులు ఏం చెబుతున్నారంటే
