ఆ దుర్మార్గుడి వ‌ల్లే, 2019 ప్రపంచ కప్ లో సెమీస్ లో ఓడిపోయాం !

Ambati Rayudu On 2019 World Cup: 2019 ప్రపంచ కప్ టోర్నమెంట్ (ICC Cricket World Cup 2019) సందర్భంగా టీమిండియా సెమీ ఫైనల్ దాకా వెళ్లి ఓడిపోయిన సంగతి తెలిసిందే. ఆ సెమీ ఫైనల్ మ్యాచ్ లో 18 పరుగుల తేడాతో న్యూజిలాండ్ చేతిలో ఓడిపోయిన టీమిండియా ఇంటి దారి పట్టింది. ఇదే మ్యాచ్ లో మహేంద్ర సింగ్ ధోని 50 పరుగులు చేసి రన్ అవుట్ అయ్యాడు. ఆ రనౌట్ కాకపోయి ఉంటే పరిస్థితి మరోలాగా ఉండి.. వరల్డ్ కప్ టీమిండియా గెలిచేదని సోషల్ మీడియాలో ఇప్పటికి చర్చ జరుగుతూనే ఉంటుంది. అయితే అలాంటి 2019 వన్డే వరల్డ్ కప్ గురించి తాజాగా అంబటి రాయుడు వివాదాస్పద వ్యాఖ్యలు చేశారు. ఆ టోర్నమెంట్ సందర్భంగా తనను కాకుండా విజయ్ శంకర్ ను సెలెక్ట్ చేయడంపై మండిపడ్డారు.

అంబ‌టి రాయుడు -3D ప్లేయర్ వివాదం ఏంటి ?

2019 ప్రపంచ కప్ టోర్నమెంట్ గురించి గుర్తు చేసినప్పుడల్లా అంబటి రాయుడు చాలా ఆగ్రహం వ్యక్తం చేస్తారన్న సంగతి తెలిసిందే. ఈ టోర్నమెంట్ నేపథ్యంలో అంబటి రాయుడు అవకాశం మొదటగా ఇచ్చిన బీసీసీఐ.. ఆ తర్వాత అతనిని తప్పించింది. అప్పటి సెలక్షన్ కమిటీ చైర్మన్ ఎమ్మెస్ కే ప్రసాద్ అంబటి రాయుడు కాదని విజయ్ శంకర్ ను 3D ప్లేయర్ గా గుర్తించి మరీ సెలక్ట్ చేశారు.

Tanveer Ahmed cooked Pakistan cricket team: బాబ‌ర్ లేక‌పోతే ఇంత దారుణంగా ఓడిపోతారా ? ఇక అంద‌రూ వెళ్లి బావిలో దూకండి

త్రీడీ అంటే.. బ్యాటింగ్ బౌలింగ్ ఫీల్డింగ్ నైపుణ్యాలు కలిగిన ఆటగాడు. అందుకే వరల్డ్ కప్ కిట్లు అందుకున్న కూడా.. చివరి క్షణంలో అంబటి రాయుడు ను పక్కకు పెట్టారు. ఆ సందర్భంగా ప్రపంచ కప్ చూడడానికి త్రీడీ గ్లాసెస్ ఆర్డర్ ఇచ్చాను అంటూ ఎంఎస్కే ప్రసాద్ నువ్వు ఉద్దేశించి వివాదాస్పదమైన పోస్ట్ కూడా పెట్టారు అంబటి రాయుడు. ఆ తర్వాత అంబటి రాయుడు కెరీర్ కూడా క్లోజ్ అయిపోయింది.

విజ‌య్ శంక‌ర్ ను తీసుకోవ‌డం వ‌ల్లే, టీమిండియాకు ఓట‌మి

2019 ప్రపంచ కప్ టోర్నమెంట్ గురించి తాజాగా మరోసారి అంబటి రాయుడు కీలక వ్యాఖ్యలు చేశారు. ఆ క్షణంలో తనను కాదనడం దుర్మార్గమన్నారు. తాను ఆడే నాలుగవ స్థానంలో విజయ్ శంకర్ ను కాకుండా మరొక ఆటగాడిని తీసుకుంటే తనకు ఇంత బాధ ఉండేది కాదని వెల్లడించారు.

ఆ నాలుగువ స్థానానికి యువరాజు సింగ్, సురేష్ రైనా లేదా అజింక్య రహానే ఈ ముగ్గురిలో ఒకరు కరెక్ట్ గా సరిపోయేవారు. కానీ వీళ్లను కాదని విజయశంకర్ ను తీసుకోవడం తనకు అస్సలు నచ్చలేదని స్పష్టం చేశారు. ఇక సెమీఫైనల్స్ సందర్భంగా కూడా నాలుగవ స్థానంలో సరైన ఆటగాడు లేక ధోనిపై ఒత్తిడి పెరిగిందన్నారు. ఈ క్రమంలోనే సెమీఫైనల్ లో టీమిండియా ఓడిపోయిందని కూడా గుర్తు చేశారు. ఇలా తనను పక్కకు పెట్టడం వల్ల వరల్డ్ కప్ కోల్పోవాల్సి వచ్చిందని చెప్పే ప్రయత్నం అంబటి రాయుడు చేసినట్లు ఓ వీడియో బయటకు వచ్చింది.

Nasser Hussain slams Mohammad Rizwan: ఒరేయ్ మెంట‌లోడా..టెయిలెండర్స్ కు బ్యాటింగ్ అప్ప‌గించి, చేతులు దులుపుకుంటావా ? రిజ్వాన్ పై విమ‌ర్శ‌లు