Bad Experience to Newzealand : క్రికెట్ ఆడే దేశాల్లో అత్యంత దురదృష్టమైన జట్టు ఏదైనా ఉందంటే… అది సౌతాఫ్రికానే. ఎందుకంటే… ఎప్పుడూ బలమైన జట్టుగా పిలవబడే సౌతాఫ్రికా టీమ్… వరల్డ్‌కప్‌ల్లో ఎప్పుడూ బోల్తాకొడుతూనే ఉంది. ఇప్పటికీ ఒక్క వరల్డ్‌కప్‌ కూడా సౌతాఫ్రికా ఖాతాలో లేదు. సౌతాఫ్రికా తర్వాత అత్యంత దురదృష్టమైన జట్టు న్యూజిలాండే. ఎందుకంటే… ఆ జట్టు ఖాతాలోనూ ఇప్పటికీ ఒక్క వరల్డ్ కప్ కూడా లేదు. మరి T20 వరల్డ్‌కప్‌లో సెమీస్ దాకా వచ్చిన కివీస్… ఈసారైనా వరల్డ్‌కప్‌ను ముద్దాడుతుందా? లేదా? అని న్యూజిలాండ్ ఫ్యాన్స్ కలవరపడుతున్నారు.
కివీస్ ఎప్పుడూ బ్లాక్ కలర్ జెర్సీతో బరిలోకి దిగుతుంది. ఆ రంగు జెర్సీ మార్చేదాకా న్యూజిలాండ్ ఐసీసీ ట్రోఫీలు గెలవలేదనే నమ్మకం చాలా బలంగా ఉంది. అది నిజమేనా అన్నట్టు… ప్రతీ వరల్డ్‌కప్‌లోనూ బ్లాక్ క్యాప్స్ కు పరాభవం తప్పడం లేదు. వరుసగా మూడు వరల్డ్‌కప్‌ ఫైనల్స్‌ ఆడిన న్యూజిలాండ్… ఎప్పుడూ ఆఖరి మెట్టుపై బోల్తా కొడుతూనే ఉంది. 2015లో మెక్‌కల్లమ్‌ సారథ్యంలో… 2019లో కేన్ కెప్టెన్సీలో వన్డే వరల్డ్‌కప్‌ ఫైనల్ చేరిన కివీస్… కప్ గెలవలేకపోయింది. 2021 T20 వరల్డ్‌కప్‌లోనూ కేన్ విలియమ్సన్ నేతృత్వంలో బ్లాక్ క్యాప్స్… ఫైనల్‌కు చేరి కూడా ట్రోఫీ గెలవలేకపోయారు. గుడ్డిలో మెల్ల అన్నట్లు… ఐసీసీ తొలిసారి ప్రవేశపెట్టిన టెస్టు చాంపియన్‌షిప్‌ను మాత్రం… కేన్ విలియమ్సన్ కెప్టెన్సీలో కివీస్ కైవసం చేసుకోగలిగింది.
ఇప్పుడు జరుగుతున్న T20 ప్రపంచకప్‌లోనూ న్యూజిలాండ్ మరోసారి ఫేవరెట్‌గా కనిపిస్తోంది. సూపర్-12 దశలో గ్రూప్‌-1లో ఒక్క మ్యాచ్‌ కూడా ఓడిపోని జట్టుగా కివీస్ సెమీస్‌లో అడుగుపెట్టింది. సెమీస్‌లో పాకిస్థాన్ పై గెలిస్తే… వరుసగా నాలుగోసారి వన్డే, T20 ఫైనల్ చేరిన జట్టుగా న్యూజిలాండ్ రికార్డు సృష్టిస్తుంది. ఆటగాళ్లలో హీరో లాంటి వాడు అని అభిమానులు పిలుచుకునే కేన్ విలియమ్సన్… మరి ఈసారైనా కప్పు గెలుస్తాడా? లేదా? అని… కివీస్ మొత్తం ఉత్కంఠగా ఎదురుచూస్తోంది.
Share
Super Six : వికెట్ల వెనుక నిలబడి బ్యాటింగ్.. సూపర్ సిక్స్..
Meta : మెటా ఉద్యోగులకు షాక్.. మార్క్ జుకర్ బర్గ్ కీలక నిర్ణయం
