Bangladesh Beat Australia: బంగ్లాదేశ్ క్రికెట్ జట్టు సరికొత్త చరిత్ర సృష్టించింది. తోపు క్రికెటర్ లో ఉన్న కంగారు జట్టును ఆస్ట్రేలియా గడ్డపై చిత్తుగా ఓడించింది ( Bangladesh Beat Australia) బంగ్లాదేశ్. ఈ రెండు జట్లు మధ్య ఆగస్టు 13వ తేదీన తొలి టెస్ట్ ప్రారంభమైన సంగతి తెలిసిందే. అయితే ఈ టెస్ట్ ను కేవలం నాలుగు రోజుల్లోనే ఫినిష్ చేసి, ఆస్ట్రేలియా జట్టును అత్యంత దారుణంగా ఓడించింది బంగ్లాదేశ్. ఈ మ్యాచ్ లో తొమ్మిది వికెట్ల తేడాతో బంగ్లా విజయం నమోదు చేసుకుంది. దీంతో సోషల్ మీడియా వేదికగా బంగ్లాదేశ్ క్రికెట్ జట్టు పై ప్రశంసల వర్షం కురుస్తోంది.
సరిగ్గా 23 సంవత్సరాల కిందట బంగ్లాదేశ్ క్రికెట్ జట్టును ఆస్ట్రేలియా అవమానించింది. అసలు బంగ్లాదేశ్ జట్టుకు టెస్ట్ క్రికెట్ ఆడే అర్హత లేదని ఆస్ట్రేలియా మాజీ క్రికెటర్ డేవిడ్ హుక్స్ (David Hookes) వివాదాస్పద వ్యాఖ్యలు చేశారు. స్టీవా కెప్టెన్ గా ఉన్నప్పుడు ఇదే డేవిడ్ హుక్స్ ఆస్ట్రేలియా జట్టులో కీలక ప్లేయర్ గా ఉన్నాడు. ఆ సమయంలో బంగ్లాదేశ్ టెస్ట్ క్రికెట్ గురించి ప్రస్తావన వచ్చింది. ఈ క్రమంలోనే బంగ్లాదేశ్ జట్టుకు అసలు టెస్ట్ క్రికెట్ ఆడే అర్హత లేదని హేళన చేస్తూ మాట్లాడారు డేవిడ్ హుక్స్. తమతో ఆడితే ఒకే ఒక్క రోజులో వాళ్లను ఫినిష్ చేస్తామని దారుణంగా మాట్లాడారు.
23 ఏళ్ల కిందట డేవిడ్ హుక్స్ ఈ వ్యాఖ్యలు చేయగా… అదే బంగ్లాదేశ్ జట్టు, 2026 ఆగస్టు 16వ తేదీన అంటే ఇవాళ ఆస్ట్రేలియాను చిత్తుగా ఓడించింది. 23 ఏళ్ల కిందట అవమానాన్ని ఎదుర్కొన్న బంగ్లాదేశ్… అదే చోట ప్రతి కారం తీర్చుకుంది. ఆస్ట్రేలియాను 9 వికెట్ల తేడాతో ఓడించిన బంగ్లాదేశ్… తొలిసారిగా కంగారు గడ్డపై విక్టరీని నమోదు చేసుకుంది. దీంతో బంగ్లాదేశ్ క్రికెటర్లు సంబరాలు చేసుకుంటున్నారు. అటు మాజీ క్రికెటర్లు కూడా బంగ్లాదేశ్ పై ప్రశంశల వర్షం కురిపిస్తున్నారు. అదే సమయంలో ఆస్ట్రేలియా ఓవర్ కాన్ఫిడెన్స్ పై విమర్శలు చేశారు. బలమైన జట్టు తమదేనని విర్ర వీగి, పసికూన బంగ్లాదేశ్ చేతిలో దారుణంగా ఆస్ట్రేలియా ఓడిందని పేర్కొంటున్నారు.
ఆస్ట్రేలియా జట్టును తొలి టెస్ట్ లోనే దెబ్బ కొట్టింది బంగ్లాదేశ్. ఈ మ్యాచ్ లో 9 వికెట్ల తేడాతో బంపర్ విజయాన్ని నమోదు చేసుకుంది. ఆస్ట్రేలియా ఈ మ్యాచ్ లో 198 పరుగులు మొదటి ఇన్నింగ్స్ లో చేయగా.. రెండో ఇన్నింగ్స్ లో 284 పరుగులు మాత్రమే చేసింది. ఇక అటు బంగ్లాదేశ్ మొదటి ఇన్నింగ్స్ లో 426 పరుగులు చేయగా… రెండో ఇన్నింగ్స్ లో 57 పరుగులు చేసి విజయాన్ని నమోదు చేసుకుంది. దీంతో ఆస్ట్రేలియా గడ్డపై తొలి విజయాన్ని నమోదు చేసుకొని చరిత్ర సృష్టించింది బంగ్లాదేశ్.
Share
పిల్లల కోసం మహీంద్రా BE 6 బేబీ ఎడిషన్.. బుల్లి ఎలక్ట్రిక్ కారు భలే ఉందిగా!
పిల్లలకు ప్రతి విషయం వివరించాలంటే కష్టంగా ఉందా? ఈ 5 పేరెంటింగ్ చిట్కాలు మీ కోసమే
