Ben Stokes VS Jofra Archer: ఆస్ట్రేలియా వర్సెస్ ఇంగ్లాండ్ మధ్య ప్రస్తుతం యాషెస్ సిరీస్ 2025 జరుగుతున్న సంగతి తెలిసిందే. ఇప్పటికే ఈ టోర్నమెంట్ లో భాగంగా రెండు మ్యాచ్ లు పూర్తయ్యాయి. ప్రస్తుతం ఇంగ్లాండ్ వర్సెస్ ఆస్ట్రేలియా మధ్య మూడవ టెస్ట్ మ్యాచ్ అడిలైడ్ వేదికగా జరుగుతోంది. అయితే ఈ మ్యాచ్ రెండవ రోజు అరుదైన సంఘటన జరిగింది. ఇంగ్లాండ్ ప్లేయర్ల మధ్య తీవ్రమైన గొడవ జరిగింది. ఇంగ్లాండ్ కెప్టెన్ బెన్ స్టోక్స్, జోఫ్రా ఆర్చర్ మధ్య తీవ్ర వాగ్వాదం చోటుచేసుకుంది. ఇద్దరూ కొట్టుకునేంత పని చేశారు. అయితే ఇంగ్లాండ్ లోని ఇతర ప్లేయర్లు ఈ గొడవలో జోక్యం చేసుకోవడంతో కాస్త చల్లబడ్డారు. దీంతో జోఫ్రా ఆర్చర్, స్టోక్స్ గొడవ వైరల్ గా మారింది.
ఇంగ్లాండ్ కెప్టెన్ బెన్ స్టోక్స్ వర్సెస్ ఆ జట్టుకు సంబంధించిన ఫాస్ట్ బౌలర్ జోఫ్రా ఆర్చర్ మధ్య గొడవ చోటు చేసుకుంది. ఈ మ్యాచ్ లో ఆస్ట్రేలియా టైయిలెండర్లను ఔట్ చేసే క్రమంలో ఇంగ్లాండ్ బౌలర్లు విఫలమయ్యారు. మిచెల్ స్టార్క్ అర్థ సెంచరీ కూడా సాధించాడు. అయితే ఆస్ట్రేలియా టైయిలండర్లను ఔట్ చేసేందుకు, స్టంప్స్ పైన బౌలింగ్ చేయమని జోఫ్రా ఆర్చర్ ను స్టోక్స్ కోరుతాడు. కానీ స్టోక్స్ చెప్పినట్లు జోఫ్రా ఆర్చర్ అస్సలు ఫాలో కాలేదు. తన స్టైల్లో బౌలింగ్ చేసాడు. ఈ నేపథ్యంలోనే కెప్టెన్ బెన్ స్టోక్స్ తీవ్ర ఆగ్రహానికి గురయ్యాడు. నేను చెప్పినట్టు ఎందుకు బౌలింగ్ చేయడం లేదని గ్రౌండ్ లోనే జోఫ్రా ఆర్చర్ ను స్టోక్స్ నిలదీశాడు. అయితే స్టోక్స్ బెదిరించగానే అస్సలు భయపడని జోఫ్రా ఆర్చర్ ఎదురు తిరిగాడు. నేను కరెక్ట్ గానే బౌలింగ్ చేస్తున్నాను అంటూ బదులిచ్చాడు. ఇక అదే కోపంతో మిచెల్ స్టార్క్ వికెట్ పడగొట్టాడు జోఫ్రా ఆర్చర్. దీంతో చెంప చెల్లుమనేలా బెన్ స్టోక్స్ కు ఆన్సర్ ఇచ్చాడు జోఫ్రా ఆర్చర్. అయితే మిచెల్ స్టార్క్ వికెట్ పడ్డ తర్వాత జోఫ్రా ఆర్చర్, స్టోక్స్ ఇద్దరి మధ్య మాటలు కలిశాయి.
యాషెస్ సిరీస్ మూడవ టెస్ట్ లో 371 పరుగులకు మొదటి ఇన్నింగ్స్ లో ఆస్ట్రేలియా ఆలౌట్ అయింది. ఇక మొదటి ఇన్నింగ్స్ ప్రారంభించిన ఇంగ్లాండ్, రెండో రోజు ముగిసే సమయానికి 68 ఓవర్లు ఆడి 213 పరుగులు చేసింది. ఈ నేపథ్యంలోనే ఏకంగా ఎనిమిది వికెట్లు కోల్పోయింది ఇంగ్లాండ్. అయితే బౌలింగ్ చేసే క్రమంలో గొడవ పెట్టుకున్న స్టోక్స్ అలాగే జోఫ్రా ఆర్చర్ ఇద్దరు ఇప్పుడు బ్యాటింగ్ చేస్తున్నారు. తమ గొడవలను పక్కకు పెట్టి, మంచి భాగస్వామ్యాన్ని ఇంగ్లండ్ జట్టుకు అందిస్తున్నారు. బెన్ స్టోక్స్ ఇప్పటి వరకు 45 పరుగులు సాధించగా అటు జోఫ్రా ఆర్చర్ 30 పరుగులతో దుమ్ము లేపాడు. రేపు కూడా వీళ్లు బ్యాటింగ్ చేసే ఛాన్స్ ఉంది. ఈ ఇద్దరు కలిసి కట్టుగా బ్యాటింగ్ చేసిన నేపథ్యంలో గొడవ మొత్తం సైడ్ అయిపోయింది.
Also Read: Shubman Gill: గిల్ కుట్రలు..నేను ఆడకపోతే మ్యాచే రద్దు కావాలి, లక్నో స్టేడియంలోకి పొగ మంచు పంపి మరీ!
Ben stokes and Jofra Archer at loggerheads #Ashes2025 #AUSvENG
— Harjot Singh kahai (@Harjotskahai) December 18, 2025
Share
Panchayat elections: సర్పంచ్ ఎన్నికలు.. ఎవరికెన్ని సీట్లు అంటే..
Kalvakuntla Kavitha: సీఎం అవుతుందా.. కవిత ప్లానేంటి?
