Samson Fans On Gambhir: టీమిండియా వర్సెస్ ఇంగ్లాండ్ (England vs India ) మధ్య జరుగుతున్న టి20 సిరీస్ నేపథ్యంలో మనోళ్లు చెత్త ప్రదర్శన కనబరుస్తున్నారు. ఇప్పటికే రెండో టీ20 లో ఓడిపోయిన టీమ్ ఇండియా… నిన్న నాటింగ్హామ్ లోని ట్రెంట్ బ్రిడ్జ్ (Trent Bridge, Nottingham) వేదికగా జరిగిన మూడవ టి20 లో కూడా చిత్తుగా ఓటమిపాలైంది. ఇంగ్లాండ్ క్రికెటర్లు 200 పరుగులకు పైగా టార్గెట్ పెడితే.. టీమిండియా మాత్రం 100 లోపే ఆల్ అవుట్ అయింది. ఈ క్రమంలో టీమిండియా క్రికెటర్లపై దారుణంగా ట్రోలింగ్ జరుగుతోంది. ఇలాంటి నేపథ్యంలో టీమిండియా హెడ్ కోచ్ గౌతమ్ గంభీర్ కు ( Gautam Gambhir) ఇంగ్లాండ్ లో నిరసన సెగ తగిలింది. సంజు శాంసన్ (sanju samson) అభిమానులు టీమిండియా బస్సు ముందుకు వచ్చి నిరసనకు దిగారు. బస్సును అడ్డుకునే ప్రయత్నం చేశారు. We want Sanju అనే నినాదాలు కూడా చేశారు. దీనికి సంబంధించిన వీడియో వైరల్ గా మారింది.
టీమిండియా వర్సెస్ ఇంగ్లాండ్ (England vs India) మధ్య జరుగుతున్న టి20 సిరీస్ నేపథ్యంలో సంజు శాంసన్ ను గౌతమ్ గంభీర్ పక్కన పెట్టిన సంగతి తెలిసిందే. రెండో టి20లో సంజు శాంసన్ ను కాదని 15 ఏళ్ల కుర్రాడు వైభవ్ సూర్యవంశీకి అవకాశం ఇచ్చారు. ఈ క్రమంలో సంజు శాంసన్ స్థానంలో వచ్చిన వైభవ్ సూర్యవంశీ, రెండో టి20 తో పాటు నిన్న జరిగిన మూడవ మ్యాచ్ లో కూడా విఫలం అయ్యాడు. ఈ క్రమంలో వెంటనే సంజు శాంసన్ ను తుది జట్టులోకి తీసుకోవాలని డిమాండ్లు వినిపిస్తున్నాయి. అనవసరంగా 15 ఏళ్ల కుర్రాడు వైభవ్ ను తీసుకున్నారని ఆగ్రహం వ్యక్తం చేస్తున్నారు.
నిన్న నాటింగ్హామ్ లోని ట్రెంట్ బ్రిడ్జ్ (Trent Bridge, Nottingham) వేదికగా మ్యాచ్ పూర్తయిన తర్వాత గౌతమ్ గంభీర్, టీమిండియా ప్లేయర్లు స్టేడియం నుంచి హోటల్ కు బయలుదేరారు. ఈ సందర్భంగా టీమిండియా బస్సు దగ్గర గౌతమ్ గంభీర్ కు వ్యతిరేకంగా నినాదాలు చేశారు సంజు శాంసన్ అభిమానులు. We want Sanju అంటూ రెచ్చిపోయారు. బస్సులు కూడా అడ్డుకునే ప్రయత్నం చేశారు. ఈ క్రమంలో సెక్యూరిటీ అలర్ట్ అయి, వాళ్లను కంట్రోల్ చేసే ప్రయత్నం చేశారు. ఈ సంఘటనకు సంబంధించిన వీడియో వైరల్ గా మారింది. అయితే సంజు అభిమానులు తీరుపై గౌతమ్ గంభీర్ గుర్రుగా ఉన్నట్లు తెలుస్తోంది. కాగా, ఇంగ్లాండ్ తో జరిగే నాలుగో టీ20 మ్యాచ్ లో సంజు శాంసన్ ను ఆడిస్తారని సమాచారం.
🚨 Chants of "We want Sanju" outside Trent Bridge in Nottingham!#INDvENG #SanjuSamson @rohitjuglan @CricSubhayan pic.twitter.com/SYAkih6JHl
— RevSportz Global (@RevSportzGlobal) July 7, 2026
Share
ప్రతీ ఆడపిల్ల తండ్రి ఇలాగే ఉండాలి భయ్యా... కార్పొరేట్ సిండికేట్ ను చితగ్గొట్టే శివంగి
నడిచే పిచ్చాసుపత్రి వీడు... సింగిల్ చింతకాయలకు ఫుల్ ఫన్
