IND Vs PAK U19 Asia Cup 2026: ఆసియా కప్ 2026 అండర్ 19 టోర్నమెంట్ లో (U 19 Asia Cup 2026) భాగంగా జరిగిన కీలక మ్యాచ్ లో టీమిండియాకు ఘోర పరాభవం ఎదురయింది. ఆదివారం పాకిస్తాన్ తో జరిగిన ఉత్కంఠ పోరులో టీమిండియా మూడు వికెట్ల తేడాతో ఘోరంగా ఓడిపోయింది. టీమిండియా విధించిన లక్ష్యాన్ని చేదించే క్రమంలో హంజా జహూర్ సెంచరీతో చెలరేగాడు. దీంతో 48 ఓవర్లలోనే మ్యాచ్ ఫినిష్ చేసింది పాకిస్తాన్. ఈ త‌రుణంలోనే ఈ టోర్నీలో టీమిండియాకు తొలి ఓటమి ఎదురైంది.
ఆసియా కప్ అండర్ 19 2026 టోర్నమెంట్ లో భాగంగా టీమిండియా వర్సెస్ పాకిస్తాన్ జూనియర్స్ మధ్య బిగ్ ఫైట్ జరిగింది. ఇందులో టీమిండియా మొదట బ్యాటింగ్ చేసింది. ఈ క్రమంలో 46.3 ఓవర్లు ఆడిన జూనియర్స్ టీమిండియా 208 పరుగులు సాధించి కుప్పకూలింది. అర్జున్ రాజ్ పుత్ ఒక్కడే సెంచరీతో చెల‌రేగ‌గా.. మిగతా ఆటగాళ్ళు అందరూ విఫలమయ్యారు. దీంతో పాకిస్తాన్ ముందు కేవలం 208 పరుగులు మాత్రమే టార్గెట్ పెట్టగలిగింది టీం ఇండియా.
అయితే టార్గెట్ చిన్నది కావడంతో ముందు చెలరేగిన పాకిస్తాన్… ఆ తర్వాత ఐదు వికెట్లను కోల్పోయి పీకల్లోకి కష్టాల్లో పడింది. ఇలాంటి క్రమంలో పాకిస్తాన్ వికెట్ కీపర్ హంజా జహూర్ (Hamza Zahoor) చివరి వరకు నిలబడి మ్యాచ్ గెలిపించాడు. ఈ సందర్భంగా 108 బంతులు ఎదుర్కొన్న హంజా జహూర్ సెంచరీ చేశాడు. ఇందులో మూడు సిక్సులతో పాటు పది బౌండరీలు కూడా ఉన్నాయి.
హంజా జహూర్ చేల‌రేగడంతో 48.1 ఓవ‌ర్ల‌లో 7 వికెట్ల నష్టానికి లక్ష్యాన్ని చేదించింది పాకిస్తాన్ అండర్ 19 టీం. దీంతో టీమిండియాపై మూడు వికెట్ల తేడాతో సూపర్ విక్టరీ అందుకుంది. ఈ విజయంతో పాయింట్స్ టేబుల్ లో నాలుగు పాయింట్లు సాధించి అగ్రస్థానానికి చేరింది పాకిస్తాన్. అటు టీమిండియా రెండో స్థానానికి పడిపోయింది. ఇక యూఏఈ పై మరో మ్యాచ్ లో టీమిండియా గెలిస్తేనే.. ఆసియా కప్ టోర్నమెంటులో సెమీస్ కు దూసుకు వెళ్తుంది. లేకపోతే ఇంటి దారి పడుతుంది.
పాకిస్తాన్ వర్సెస్ టీమ్ ఇండియా (IND VS PAK) మ్యాచ్ లో యశ్‌వర్ధన్ చౌహాన్… రిజ్వానుల్లా బౌలింగ్ లో ఔట్ అయ్యాడు. అయితే ఈ సందర్భంగా రిజ్వానుల్లా నో-బాల్ వేశాడని టీమిండియా అభిమానులు ఆరోపిస్తున్నారు. కానీ టీవీ అంపైర్ పాకిస్తాన్ కు అమ్ముడు పోయి… య‌శ్ వ‌ర్ద‌న్ చౌహన్ ను ఔట్ గా ప్రకటించాడని విమర్శలు చేస్తున్నారు.
Share
సర్కార్ ఇచ్చే సన్న బియ్యంతో.. భోజనం చేసిన సీఎం రేవంత్ రెడ్డి!
ఆంధ్రప్రదేశ్ కు రాజధానే లేదు.. మూడు రాజధానులపై మురళీమోహన్ సంచలన వ్యాఖ్యలు!
