Hasin Jahan On Mohammed Shami enters politics: టీమిండియా ఫాస్ట్ బౌలర్ మహమ్మద్ షమీ కి (Mohammed Shami ) నిద్ర లేకుండా చేస్తోంది అతడి మాజీ భార్య హసీన్ జహాన్. ఇప్పటికే టీమిండియాలో అవకాశం రావడం లేదని వెయ్యి కళ్ళతో ఎదురుచూస్తున్న మహమ్మద్ షమీకి, తాజాగా మరో వార్నింగ్ ఇచ్చింది హసీన్. మహమ్మద్ షమీ రాజకీయాల్లోకి రాబోతున్నారు అన్న వార్త రాగానే… మళ్లీ తెరపైకి వచ్చారు హసీన్ జహాన్. పొలిటికల్ ఎంట్రీ ఇవ్వబోతున్న మహమ్మద్ షమీ ఎన్నికల్లో ఎక్కడ పోటీ చేసిన తాను కూడా అదే నియోజకవర్గంలో బరిలో నిలుస్తానని ఆమె ప్రకటించారు.
పోటీ చేయడమే కాకుండా మహమ్మద్ షమీని ఓడిస్తానని చాలెంజ్ విసిరారు హసీన్ జహాన్. మహమ్మద్ షమీ కాకుండా అతని కుటుంబ సభ్యులు ఎవరు పోటీ చేసినా, తాను కూడా బరిలో ఉండి వాళ్లను ఓడిస్తానని హెచ్చరించారు. మహమ్మద్ షమీ దగ్గర డబ్బు ఉందని అహంకారం విపరీతంగా ఉందని.. ఆ బలుపు ఏదో ఒక రోజు అణిచివేస్తానని హెచ్చరించారు. ఈ క్రమంలో షమీ మాజీ భార్య హసీన్ జహాన్ చేసిన వ్యాఖ్యలు దుమారం రేపుతున్నాయి. అయితే, హసీన్ జహాన్ చేసిన ఛాలెంజ్ నేపథ్యంలో మహ్మద్ షమీ అభిమానులు తీవ్ర ఆగ్రహం వ్యక్తం చేస్తున్నారు. టీమిండియా ఫాస్ట్ బౌలర్ మహమ్మద్ షమీకి మనశ్శాంతి లేకుండా జహాన్ చేస్తున్నారని ఫైర్ అవుతున్నారు.
రెండు రోజుల కిందట రాష్ట్రీయ లోక్ దళ్ అధినేత జయంత్ చౌదరితో మహమ్మద్ షమీ సమావేశం అయ్యారు. ఇలాంటి నేపథ్యంలో మహమ్మద్ షమీ రాజకీయాల్లోకి రాబోతున్నారని సోషల్ మీడియాలో చర్చ మొదలైంది. అంతేకాదు ఉత్తరప్రదేశ్ లోని అమ్రోహా నియోజక వర్గం నుంచి మహమ్మద్ షమీ పోటీ చేయబోతున్నట్లు కూడా వార్తలు బయటకు వచ్చాయి. అయితే ఈ వార్తలు బయటకు రాగానే వెంటనే షమీ మాజీ భార్య హసీన్ జహాన్ రియాక్ట్ అయ్యారు. మహమ్మద్ షమీ ఎక్కడి నుంచి పోటీ చేసిన తాను బరిలో ఉంటానని ప్రకటించారు.
తనకు ఏ పార్టీ టికెట్ ఇవ్వకపోయినా ఇండిపెండెంట్ గా పోటీ చేస్తానని వెల్లడించారు. ఇది ఇలా ఉండగా మహమ్మద్ షమీ అలాగే హసీన్ జహాన్ జండా 2018లో విడిపోయారు. ఇద్దరు మధ్య వ్యక్తిగత విభేదాలు రావడంతో విడాకుల దాకా వెళ్లారు. ప్రస్తుతం వీళ్ళ విడాకుల అంశం కోర్టు పరిధిలోనే ఉన్నట్లు తెలుస్తోంది. తన భార్యతో కలిసి ఉండేందుకు షమీ చాలా ప్రయత్నాలు చేశారట. కానీ జహాన్ వినలేదని అంటున్నారు.
Share
కేసీఆర్ ఫామ్హౌస్లో మంత్రి పదవుల పంపకం.. బీఆర్ఎస్పై ఎంపీ అరవింద్ సెటైర్లు!
వెంకటేష్ అంటే త్రివిక్రమ్ కు అంత భయమా.. ఎందుకో తెలుసా?
