shubhman gill: ఇంగ్లాండ్ పై కసి.. 5 గంటలకే నిద్ర లేచి.. ఐస్ వాటర్ లో స్నానం.. గిల్ డైట్ ఇదే…

shubhman gill: 5 టెస్ట్ ల సిరీస్ ఆడేందుకు ఇంగ్లాండ్ వెళ్లిన భారత జట్టు నేడు మొదటి టెస్ట్ ఫైట్ కి సిద్ధమైంది. భారత్ – ఇంగ్లాండ్ మధ్య నేడు {శుక్రవారం} నుండి లీడ్స్ లోని హెడింగ్లీ లో మొదటి టెస్ట్ ప్రారంభం కాబోతోంది. ఈ టెస్ట్ తో శుభ్ మన్ గిల్ తన టెస్ట్ కెప్టెన్సీని మొదలు పెట్టబోతున్నాడు. కెప్టెన్ గా మొదటి టెస్ట్ గెలవాలి అనే ఒత్తిడి గిల్ పై ఉంది. అందువల్ల గిల్ కి ఇది ఓ అగ్నిపరీక్ష లాంటిది.

Also Read: Vaibhav Suryavanshi: ఆ 14 ఏళ్ల వైభవ్ బ్యాటింగ్ చూసి.. వికెట్ల వెనుక ఉన్న నాకు కారిపోయింది… వాడు మామూలోడు కాదు సునామీ

2007 తర్వాత తొలిసారిగా ఇంగ్లాండ్ లో టెస్ట్ సిరీస్ గెలవాలని భారత్ చూస్తోంది. చివరిసారిగా రాహుల్ ద్రావిడ్ కెప్టెన్సీలో విజయం సాధించింది భారత్. ఇప్పడు సిరీస్ విజయాల కరువును అంతం చేయడం గిల్ ముందున్న సవాల్. ఇక ఈ తొలి టెస్ట్ కోసం ఇంగ్లాండ్ జట్టు ఇప్పటికే తమ ప్లేయింగ్ 11 ని ప్రకటించగా.. భారత్ మాత్రం ఇంకా వెల్లడించలేదు. ఇక ఈ సిరీస్ గెలుపొందేందుకు నూతన కెప్టెన్ గిల్ తీవ్ర కసరత్తులు చేస్తున్నట్టు సమాచారం.

ఈ టెస్ట్ సిరీస్ గెలిచి కప్పును ఎగరేసుకుపోవాలని గిల్ చాలా కష్టపడుతున్నాడు. ఈ క్రమంలో ఇంగ్లాండ్ టూర్ లో గిల్ డైట్ అలాగే ఫిట్నెస్ ప్లాన్ ల గురించి ఓ వార్త సోషల్ మీడియాలో వైరల్ గా మారింది. ఇంగ్లాండ్ లో గిల్ ఉదయం 5:00 గంటలకే నిద్రలోనుండి మేల్కోవడం, 5:15 గంటలకు మెడిటేషన్, 5:30 గంటలకు జాగింగ్, 6:00 గంటలకు క్రికెట్ ప్రాక్టీస్, 9:00 గంటలకు ఐస్ వాటర్ లో స్నానం, 9:30 గంటలకు బ్రేక్ ఫాస్ట్, 10:00 గంటలకు రీడింగ్, 10:30 గంటలకు ఈ టెస్ట్ సిరీస్ కోసం స్ట్రాటజిక్ ప్లానింగ్, 11:30 గంటలకు జట్టు సభ్యులతో సమావేశాలు వంటివి చేస్తున్నాడని ఓ వార్త సోషల్ మీడియాలో వైరల్ గా మారింది.

విరాట్ కోహ్లీ, రోహిత్ శర్మ రిటైర్మెంట్ తర్వాత భారత జట్టు ఆడుతున్న మొదటి టెస్ట్ సిరీస్ ఇదే. ఈ సిరీస్ ని కోచ్ గౌతమ్ గంభీర్ ఎంతో ప్రతిష్టాత్మకంగా తీసుకున్నారు. యువ కెప్టెన్ గిల్ తో కూడిన టీం ఇండియా ఎలా ప్రదర్శిస్తుందోనని అందరూ ఆసక్తిగా ఎదురుచూస్తున్నారు. అయితే ఈ టెస్ట్ సిరీస్ కోసం భారత్ ఇప్పటివరకు తమ జట్టును ప్రకటించలేదు.

టీమిండియా జట్టు అంచనా:

యశస్వి జైస్వాల్, కేఎల్ రాహుల్, కరుణ్ నాయర్, {గిల్ కెప్టెన్}, రిషబ్ పంత్ {వైస్ కెప్టెన్}, నితీష్ కుమార్ రెడ్డి, రవీంద్ర జడేజా, శార్దూల్ ఠాకూర్, బుమ్రా, సిరాజ్, ప్రసిద్ కృష్ణ/ నితీష్ రానా.

ఇంగ్లాండ్ జట్టు:

జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్సే, జోష్ టంగ్, షోయబ్ బషీర్.