Umpire Struck in WBBL Clash: ఉమెన్ బిగ్ బాష్ లీగ్ 2026 టోర్నమెంట్ ( Womens Big Bash League 2026) చాలా ఉత్కంఠ భరితంగా కొనసాగుతున్న సంగతి తెలిసిందే. ఇందులో భాగంగానే సోమవారం సిడ్నీ థండర్, మెల్ బోర్న్ సార్ట్స్ (Sydney Thunder Women vs Melbourne Stars Women) జట్ల మధ్య 24వ మ్యాచ్ జరిగింది. ఈ మ్యాచ్ ఉత్కంఠ భరితంగా సాగుతున్న నేపథ్యంలో లెగ్ ఉమెన్ అంపైర్ కు పెను ప్రమాదం జరిగింది. సిడ్నీ థండర్ బ్యాటర్ స్క్వేర్ లెగ్ వైపు షాట్ ఆడింది. ఈ తరుణంలోనే మెల్ బోర్న్ స్టార్స్ ఫీల్డర్ నయోమీ బంతిని అందుకుని త్రో వేసింది.
దీంతో లెగ్ ఉమెన్ అంపైర్ మెడ కింది భాగంలో బంతి బలంగా తాకింది. వేగంగా వెళ్లిన ఆ బంతి.. ఆమె తల భాగంలో తగిలింటే ప్రాణాలే రిస్క్ లో పడేవి. ఇక ఈ ప్రమాదం జరుగగానే అక్కడ ఉన్న ప్లేయర్లు ఉలిక్కి పడ్డారు. వెంటేనే అంపైర్ కు వైద్యులు ప్రథమ చికిత్స అందించారు. ప్రస్తుతం సదరు లెగ్ అంపైర్ క్షేమంగానే ఉందని టోర్నమెంట్ యాజమాన్యం ప్రకటించింది. దీంతో అందరూ ఊపిరి పీల్చుకున్నారు.
ఉమెన్ బిగ్ బాష్ లీగ్ 2026 టోర్నమెంట్ భాగంగా సోమవారం సిడ్నీ వేదికగా సిడ్నీ థండర్, మెల్ బోర్న్ సార్ట్స్ మధ్య మ్యాచ్ జరిగింది. ఇందులో మొదట బ్యాటింగ్ చేసిన మెల్ బోర్న్ సార్ట్స్ మహిళల జట్టు నిర్ణీత 20 ఓవర్లు ఆడింది. ఈ తరుణంలోనే 8 వికెట్లు నష్టపోయి, 120 పరుగులు సాధించింది. మెల్ బోర్న్ సార్ట్స్ జట్టు కెప్టెన్ మెగ్ లానింగ్ 28 పరుగులు చేయగా మిడిల్ ఆర్డర్ ప్లేయర్ నయోమీ 27 పరుగులు చేసింది. ఇక ఈ లక్ష్యాన్ని ఛేదించే క్రమంలోనే సిడ్నీ థండర్ జట్టు పోరాడి ఓటమి పాలైంది. 19.3 ఓవర్లు ఆడిన సిడ్నీ థండర్, 114 పరుగులు చేసి ఓడిపోయింది. దీంతో సిడ్నీ థండర్ జట్టుపై మెల్ బోర్న్ స్టార్స్ జట్టు 6 పరుగుల తేడాతో విక్టరీ అందుకుంది. ఇది ఇలా ఉండగా, ఈ ఉమెన్ బిగ్ బాష్ లీగ్ 2026 టోర్నమెంట్ ( BBL) అక్టోబర్ 29వ తేదీన ప్రారంభం అయింది. ఈ టోర్నమెంట్ డిసెంబర్ 5వ తేదీ వరకు కొనసాగనుంది. ఇప్పటి వరకు 24 మ్యాచ్ లు పూర్తయ్యాయి. ఇప్పటి వరకు అద్భుతంగా రాణించిన సిడ్నీ సిక్సర్స్ జట్టు ( Sydney Sixers Women) 10 సాధించి, పాయింట్ల పట్టికలో మొదటి స్థానంలో నిలిచింది.
OUCH 😩
Thankfully, the umpire is okay after this incident at Drummoyne Oval. #WBBL12 pic.twitter.com/1DxvX0brjX
— Weber Women's Big Bash League (@WBBL) November 16, 2026