Lady Coach For Pakistan Team : పాకిస్తాన్ క్రికెట్ జట్టులో పెను ప్రకంపనలు చోటు చేసుకున్నాయి. ఇప్పటికే పలుగురు కోచ్ లు, ఇతర సిబ్బంది రాజీనామాలు చేయగా, తాజాగా బౌలింగ్ కోచ్ యాష్లే నాఫ్కే కూడా రిజైన్ చేశాడు. ఈ తరుణంలోనే పాకిస్తాన్ జట్టుకు లేడీ కోచ్ ను తీసుకురాబోతున్నట్టు సోషల్ మీడియాలో వార్తలు వస్తున్నాయి. ఈ మేరకు పాకిస్తాన్ క్రికెట్ బోర్డు నోటిఫికేషన్ రిలీజ్ చేసినట్టు ప్రచారం జోరు అందుకుంది. పురుషుల కంటే మహిళలకే ఎక్కువగా ప్రాధాన్యత ఇవ్వబోతున్నట్టు ఈ నోటిఫికేషన్ లో పేర్కొన్నట్టు తెలుస్తోంది. లెవల్ 3 కోచింగ్ గుర్తింపుతో పాటు ఏదైనా జట్టు తరఫున కనీసం 5 ఏళ్లు ఆడిన అనుభవం ఉండాలని పాకిస్తాన్ క్రికెట్ బోర్డు కండీషన్ పెట్టిందని ప్రచారం సాగుతోంది. ఈ సారి ఎలాగైనా మహిళా బౌలింగ్ కోచ్ ను బరిలోకి దింపడమే లక్ష్యంగా పీసీబీ ప్రయత్నాలు మొదలు పెట్టినట్టు సమాచారం అందుతోంది.
పాకిస్తాన్ క్రికెట్ జట్టులో రాజీనామాల పర్వం కొనసాగుతూనే ఉంది. ఇప్పటికే రకరకాల కారణాల వల్ల కొందరు రాజీనామా చేయగా, తాజాగా వైట్ బాల్ బౌలింగ్ కోచ్ యాష్లే నాఫ్కే కూడా రిజైన్ చేశాడు. పాకిస్తాన్ క్రికెట్ బోర్డుతో భేదాభిప్రాయాలు చోటు చేసుకున్న నేపథ్యంలో తన ఒప్పందాన్ని ముందుగానే రద్దు చేసుకున్నట్టు ప్రచారం సాగుతోంది. రాజీనామా చేసిన వెంటనే నెదర్లాండ్స్ జాతీయ జట్టు హెడ్ కోచ్ గా యాష్లే నాఫ్కే ఆఫర్ తగిలింది.
ఏషియన్ గేమ్స్ 2026 టోర్నమెంట్ పూర్తికాగానే పాకిస్తాన్ కు గుడ్ బై చెప్పనున్నాడు. ఆ తర్వాత నెదర్లాండ్స్ జట్టుకు కోచ్ బాధ్యతలు తీసుకోనున్నాడు. గత నెలలోనే ఉమర్ గుల్ ను తొలగించి, యాష్లే నాఫ్కేను బౌలింగ్ కోచ్ గా నియామకం చేశారు. కానీ ఇంతలోనే ఆయన రాజీనామా చేయడం హాట్ టాపిక్ అయింది.
పాకిస్తాన్ బౌలింగ్ కోచ్ పదవి ఖాళీ కావడంతో వెంటనే నోటిఫికేషన్ విడుదల చేసింది పీసీబీ. వన్డేలు, టీ20లు, టెస్టు ఫార్మాట్లకు ఒక్కరినే బౌలింగ్ కోచ్ గా నియామకం చేసేందుకు ప్లాన్ చేసింది పాక్ బోర్డు. ఈ పోస్టుకు మాజీ లేడీ క్రికెటర్ ను తీసుకోవాలనే స్కెచ్ వేసింది. విదేశాలకు సంబంధించిన మాజీ లేడీ క్రికెటర్ కోసం చూస్తున్నారు. లేడీ కోచ్ ఉంటే, పాకిస్తాన్ క్రికెటర్ క్రమశిక్షణతో ఉంటారని పీసీబీ భావిస్తోంది. మెరుగైన ఫలితాలు వస్తాయని అంచనా వేస్తోంది. అందుకే ఎంత ఖర్చు అయినా పెట్టేందుకు సిద్ధంగా ఉన్నట్టు ప్రకటించిందని అంటున్నారు. అయితే, ఈ న్యూస్ చూసిన క్రికెట్ ఫ్యాన్స్, దారుణంగా ట్రోల్స్ చేస్తున్నారు. లేడీ కోచ్ వస్తే, పాక్ క్రికెటర్లకు పండగే అంటున్నారు. ఆమెతో ఎంజాయ్ చేస్తూ, మ్యాచ్ లు ఆడతారని పేర్కొంటున్నారు. తెచ్చెది ఏదో అందమైన అమ్మాయిని తీసుకురండి అంటూ పీసీబీని సూచిస్తున్నారు.
Share
Nindu Noorella Saavasam Serial Today Episode September 25th ‘నిండు నూరేళ్ల సావాసం’ సీరియల్‌: కుక్క బారి నుంచి మనోహరిని సేవ్‌ చేసిన అమర్‌
Friday OTT Releases : శుక్రవారం ఓటీటీల్లోకి బోలెడు సినిమాలు.. ఒక్కరోజు స్ట్రీమింగ్ ఇవే. .
