Rashid Khan: T20 క్రికెట్‌లో రషీద్ ఖాన్ సంచలన రికార్డు.. చరిత్రలోనే తొలి ప్లేయర్!

Rashid Khan: ఆఫ్ఘనిస్తాన్ స్పిన్ బౌలింగ్ ఆల్ రౌండర్ రషీద్ ఖాన్ ప్రపంచ క్రికెట్ లో చరిత్ర సృష్టించాడు. టి-20 ల్లో అత్యధిక వికెట్లు తీసిన బౌలర్ గా నిలిచాడు. ప్రస్తుతం దక్షిణాఫ్రికా వేదికగా జరుగుతున్న SA-20 లీగ్ లో ఎమ్.ఐ కేప్ టౌన్ జట్టుకు 26 ఏళ్ల రషీద్ ఖాన్ {Rashid Khan} ప్రతినిథ్యం వహిస్తున్నాడు. ఈ క్రమంలో పార్ల్ రాయల్ జట్టుతో జరిగిన మ్యాచ్ లో రెండు వికెట్లు పడగొట్టి ఈ రికార్డ్ క్రియేట్ చేశాడు.

Also Read: Bumrah – Varun: ఇంగ్లాండ్, ఛాంపియన్స్ ట్రోఫీ నుంచి బుమ్రా ఔట్.. అతను వస్తున్నాడు !

దీంతో టి-20 ల్లో తన కెరీర్ లో అంతర్జాతీయ, లీగ్ లు మొత్తం కలిపి 633 వికెట్లు సాధించాడు. ఇందులో ఆఫ్ఘనిస్తాన్ జట్టు తరపున 161 వికెట్లు పడగొట్టగా.. మిగిలిన 472 వికెట్లు దేశవాళి క్రికెట్ తో పాటు వివిధ లీగ్ లలో తీశాడు. ఈ క్రమంలో అతడు దిగ్గజ ఆటగాడు డ్వేన్ బ్రావో రికార్డును బ్రేక్ చేశాడు. డ్వేన్ బ్రేవో 582 మ్యాచ్ లలో 631 వికెట్లు పడగొట్టగా.. రషీద్ ఖాన్ {Rashid Khan} కేవలం 461 మ్యాచ్ లలోనే 633 వికెట్లు పడగొట్టాడు.

ఇక క్రికెట్ లో సన్ రైజర్స్ హైదరాబాద్, గుజరాత్ టైటాన్స్, అడిలైడ్ స్ట్రైకర్స్, ససెక్స్ షార్క్స్, ట్రెంట్ రాకెట్ వంటి జట్ల తరఫున రషీద్ ఖాన్ {Rashid Khan} ఆడాడు. ప్రస్తుతం క్రికెట్ ఆడుతున్న వారిలో సునీల్ నరైన్ 536 టి-20 ల్లో 574 వికెట్లతో రషీద్ ఖాన్ కి దగ్గరగా ఉన్నాడు. తాజాగా జనవరి నెలలో కూడా టెస్టుల్లో రషీద్ ఖాన్ చరిత్ర సృష్టించాడు. ఆరు టెస్ట్ ల తర్వాత అత్యధిక వికెట్లు తీసిన స్పిన్నర్ గా {Rashid Khan} రికార్డు నెలకొల్పాడు.

6 టెస్ట్ ల అనంతరం 45 వికెట్లు పడగొట్టాడు. వెస్టిండీస్ స్పిన్నర్ అల్ఫ్ వాలెంటైన్, శ్రీలంక స్పిన్నర్ ప్రభాత్ జయసూర్య ఆరు టెస్ట్ ల అనంతరం 43 వికెట్లు పడగొట్టి రషీద్ ఖాన్ {Rashid Khan} తర్వాతి స్థానంలో ఉన్నారు. ఇక ఈ అఫ్ఘనిస్తాన్ స్పిన్నర్ రషీద్ ఖాన్ కి ప్రపంచవ్యాప్తంగా ఎంతో మంది అభిమానులు ఉన్నారన్న విషయం తెలిసిందే. ఇతడికి భారతదేశంలోనూ విపరీతమైన క్రేజ్ ఉంది.

Also Read: Shivam Dube: టీమిండియా కు లక్కీ క్రికెటర్ గా దూబే.. ఇప్పటి వరకు 30 మ్యాచ్ ల్లో గెలుపు !

ముఖ్యంగా తెలుగు క్రికెట్ అభిమానులకు ఇతడు {Rashid Khan} సుపరిచితుడు. సన్రైజర్స్ హైదరాబాద్ జట్టుకు ఎన్నో సంవత్సరాలు ప్రాతినిథ్యం వహించిన రషీద్ ఖాన్.. ప్రస్తుతం ఇండియన్ ప్రీమియర్ లీగ్ (ఐపీఎల్) లో గుజరాత్ టైటాన్స్ తరఫున ఆడుతున్నాడు. రషీద్ ఖాన్ 461 మ్యాచ్ లలో 18.08 తో ఈ ఘనత సాధించాడు. దీంతో ప్రస్తుతం మాజీ క్రికెటర్లతోపాటు, క్రీడాభిమానులు రషీద్ ఖాన్ పై ప్రశంశాల వర్షం కురిపిస్తున్నారు. రషీద్ ఖాన్ 26 ఏళ్లకే ఈ ఫీట్ నమోదు చేయడం విశేషమని, త్వరలోనే వెయ్యి వికెట్లకు చేరుకోవడం ఖాయమని క్రీడా విశ్లేషకులు అంచనా వేస్తున్నారు.