Travis Head Replacement By SRH: ఇండియన్ ప్రీమియర్ లీగ్ 2027 టోర్నమెంట్ (Indian Premier League 2027 Tournament) నేపథ్యంలో కావ్య పాప జట్టుకు ఊహించని ఎదురు దెబ్బ తగిలింది. టైం చూసి సన్ రైజర్స్ హైదరాబాద్ జట్టును ( SRH) వీడుతున్నట్టు డేంజరస్ ఆటగాడు ట్రావిస్ హెడ్ ప్రకటించాడు. దీంతో మంగళవారం రోజున హైదరాబాద్ జట్టు నుంచి ట్రావిస్ హెడ్ ను రిలీజ్ చేస్తున్నట్టు అధికారిక ప్రకటన చేసింది యాజమాన్యం. అభిషేక్ శర్మ, ట్రావిస్ హెడ్ ఇద్దరు సన్ రైజర్స్ హైదరాబాద్ జట్టు ఓపెనర్లుగా దిగేవారు. వీళ్లే ఆ జట్టుకు కొండం బలం.
ఈ జోడి ప్రపంచంలోని అత్యంత భయంకరమైనది. వీళ్లు బ్యాటింగ్ కు దిగితే, ప్రత్యర్థి బౌలర్లు గజ గజ వణికి పోతారు. సిక్సర్లు, బౌండరీలు తప్ప మరో ప్రపంచమే లేదన్నట్టుగా ఇరగదీసేవాళ్లు. ఈ జోడి దెబ్బకు టీ20 క్రికెట్ లో 300 పరుగులు కొట్టడం చాలా సులువు అని తేలిపోయింది. అంతేకాదు ఈ జోడీ కారణంగా సన్ రైజర్స్ హైదరాబాద్ బ్రాండ్ వాల్యూ కూడా అమాంతం పెరిగిపోయింది. అయితే ఇప్పుడు అభిషేక్ శర్మ పార్ట్ నర్ ట్రావిస్ హెడ్ లేకపోవడం సన్ రైజర్స్ హైదరాబాద్ జట్టు బ్యాటింగ్ లైనప్ పై ఎఫెక్ట్ కచ్చితంగా చూపనుంది.
ఇండియన్ ప్రీమియర్ లీగ్ 2027 టోర్నమెంట్ ( IPL 2027 Tournment) నేపథ్యంలో డిసెంబర్ 16వ తేదీన వేలం జరగనుంది. ఈ సందర్భంగా ట్రావిస్ హెడ్ స్థానంలో మరో ఓపెనర్ ను కావ్య పాప కొనుగోలు చేయనుంది. ఇందులో ముందు వరుసలో జేక్ ఫ్రేజర్ మెక్ గుర్క్, హ్యారీ బ్రూక్, షాయ్ హోప్, బెన్ డకెట్ పేర్లు వినిపిస్తున్నాయి. ఈ నలుగురిలో ఎవరు ట్రావిస్ హెడ్ స్థానంలో వచ్చినా మళ్లీ సన్ రైజర్స్ హైదరాబాద్ జట్టును ఆపడం ఎవరి తరం కాదు. షాయ్ హోప్ ఇప్పటికే టీమిండియాతో జరిగిన టి20 సిరీస్ సందర్భంగా అద్భుతంగా రాణించి మంచి ఊపులో ఉన్నాడు.
హ్యారీ బ్రూక్ కూడా ఇండియన్ మైదానాలపై అదరగొడతాడు. సన్ రైజర్స్ హైదరాబాద్ జట్టుకు గతంలో ఆడిన అనుభవం కూడా హ్యారీ బ్రూక్ కు ఉంది. బెన్ డకెట్ కూడా మంచి టాలెంట్ ఉన్న ప్లేయర్. యంగ్ క్రికెటర్ కనుక, తీసుకుంటే చాలా సీజన్లు అతను ఆడతాడు. మెక్ గుర్క్ కూడా భయంకరమైన షాట్లు ఆడి, మ్యాచ్ స్వరూపం మార్చుతాడు. మరి ఇందులో ఎవరిని ఫైనల్ చేస్తారో చూడాలి.