Sai Sudharshan hit wicket: ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament) చివరి దశకు వచ్చేసింది. ఈ టోర్నమెంట్ లో మొదటి నుంచి అద్భుతంగా రాణిస్తున్న రాయల్ చాలెంజర్స్ బెంగళూరు ( RCB ), అందరూ ఊహించినట్లుగానే ఫైనల్స్ చేరుకుంది. 2025 ఐపీఎల్ సందర్భంగా టైటిల్ గెలిచిన బెంగుళూరు, ఈసారి కూడా అద్భుతంగా రానించి ఫైనల్ లాగా వెళ్ళింది. క్వాలిఫైయర్ 1 లో భాగంగా మంగళవారం రోజున గుజరాత్ టైటాన్స్ వర్సెస్ బెంగళూరు (Royal Challengers Bengaluru vs Gujarat Titans) మధ్య ధర్మశాల (Himachal Pradesh Cricket Association Stadium, Dharamsala) వేదికగా బిగ్ ఫైట్ జరిగింది. ఇందులో అద్భుతంగా రాణించిన బెంగుళూరు, గుజరాత్ టైటాన్స్ పై ఏకంగా 92 పరుగులు తేడాతో విజయం సాధించింది. ఈ విజయంతో బెంగళూరు ఫైనల్ కు చేరగా.. గుజరాత్ టైటాన్స్ మాత్రం క్వాలిఫైయర్ 2 ఆడనుంది. అక్కడ కూడా ఓడిపోతే ఇంటి దారి పట్టనుంది.
ఇండియన్ ప్రీమియర్ లీగ్ 2026 టోర్నమెంట్ ( Indian Premier League 2026 Tournament) క్వాలిఫైయర్ 1 లో భాగంగా బెంగళూరు వర్సెస్ గుజరాత్ మధ్య ధర్మశాల వేదికగా మంగళవారం మ్యాచ్ జరిగింది. అయితే ఇందులో మొదటి బ్యాటింగ్ చేసిన బెంగుళూరు నిర్నిత 20 ఓవర్లలో ఐదు వికెట్ల నష్టానికి ఏకంగా 254 పరుగుల భారీ టార్గెట్ ను గుజరాత్ టైటాన్స్ ముందు ఉంచింది. అయితే ఈ లక్ష్యాన్ని ఛేదించే క్రమంలో చెత్త ప్రదర్శన కనబరిచిన గుజరాత్ టైటాన్స్, చిత్తుగా ఓడిపోయింది. ప్రతి మ్యాచ్ లో అదరగొడుతున్న ఓపెనర్లు ఇద్దరు ఫెయిల్ అయ్యారు. ముఖ్యంగా గుజరాత్ ఓపెనర్ సాయి సుదర్శన్ హిట్ వికెట్ ( Sai Sudharshan hit wicket) మాత్రం చాలా బాధాకరం.
జాకబ్ డఫీ వేసిన ఓ అద్భుతమైన బంతిని… బౌండరీ బాదాడు సాయి సుదర్శన్. అక్కడి వరకు బాగానే ఉంది, బౌండరీ కొట్టిన సాయి సుదర్శన్ (Sai Sudharshan ) బ్యాట్ వదిలేసాడు. ఇంకేముంది ఆ బ్యాట్ వెళ్లి వికెట్ల పైన పడింది. దీంతో హిట్ వికెట్ కింద సాయి సుదర్శన్ వికెట్ సమర్పించుకున్నాడు. ఆ తర్వాత గుజరాత్ టైటాన్స్ పతనం మొదలైంది. రాహుల్ తెవాతియా ఒక్కడే అర్థ సెంచరీ తో మెరుపులు మెరిపించినా… ఫలితం దక్కలేదు. ఛేజింగ్ చేసే క్రమంలో 19.3 ఓవర్లు ఆడిన గుజరాత్…162 పరుగులు చేసి ఆలౌట్ అయింది.
దీంతో బెంగళూరు ఫైనల్స్ కు వరుసగా రెండోసారి దూసుకువెళ్లింది. గుజరాత్ టైటాన్స్ జట్టుపైన క్వాలిఫైయర్ 1 మ్యాచ్ గెలిచిన రాయల్ చాలెంజర్స్ బెంగళూరు… మే 31వ తేదీన ఫైనల్స్ ఆడనుంది. అహ్మదాబాదులోని నరేంద్ర మోడీ స్టేడియం వేదికగా ఈ బిగ్ ఫైట్ ఉండనుంది. ఇక అటు మే 29వ తేదీన క్వాలిఫైయర్ 2 లో భాగంగా హైదరాబాద్ / రాజస్థాన్ లలో ఓ జట్టుతో గుజరాత్ తలపడనుంది.
Sai Sudharsan with a heartbreaking hit-wicket dismissal. 💔
Sai Sudharsan looks completely disappointed — just look at his reaction.#RCBvsGT #SaiSudharshan pic.twitter.com/zI4et8CQb1
— Faruk (@uf2151593) May 26, 2026
Share
మొన్న హెడ్, ఇప్పుడు గిల్...మరో వివాదంలో విరాట్ కోహ్లీ, చేతులతో అసభ్యకర సైగలు చేస్తూ
బాల్క సుమన్ వ్యాఖ్యలపై.. సామ రామ్మోహన్ రెడ్డి ఫైర్..!
