Sourav Ganguly on Virat Kohli’s Role in T20 World Cup 2024: తప్పక గెలవాల్సిన మ్యాచ్‌లో రాయల్ ఛాలెంజర్స్ బెంగళూరు పంజాబ్ కింగ్స్‌పై గురువారం ఆధిపత్య విజయం సాధించింది. ఈ మ్యాచ్ లో విరాట్ కోహ్లీ IPL 2024లో తన అత్యుత్తమ ప్రదర్శన చేశాడు. RCB దిగ్గజం కేవలం 47 బంతుల్లో 92 పరుగులు చేసి బెంగళూరును విజయ తీరాలకు చేర్చాడు. దీంతో బెంగళూరు ప్లేఆఫ్ అర్హత సాధించే వారి అవకాశాలు మెరుగయ్యాయి.
వెటరన్ బ్యాటర్ టోర్నమెంట్ 17వ ఎడిషన్‌లో 153.51 స్ట్రైక్ రేట్‌తో 12 ఇన్నింగ్స్‌లలో 634 పరుగులతో ఆధిపత్యం చెలాయిస్తున్నాడు. అయితే, కోహ్లి రాజస్థాన్ రాయల్స్‌పై సెంచరీ చేసిన సమయంలో, గుజరాత్ టైటాన్స్‌పై 43 బంతుల్లో 51 పరుగులు చేసిన సమయంలో తక్కువ స్ట్రైక్ రేట్‌తో పరుగులు చేశాడని విమర్శలకు గురయ్యాడు.
35 ఏళ్ల స్టార్ తన చివరి మూడు ఇన్నింగ్స్‌లలో దూకుడు క్రికెట్‌తో విమర్శకుల నోరు మూయించాడు. మాజీ క్రికెటర్లు, క్రికెట్ పండితులు కోహ్లిపై ప్రశంసలు కురిపిస్తున్నారు. రాబోయే T20 ప్రపంచ కప్ 2024లో భారత జట్టుకు ఓపెనింగ్ చేయాలని చాలా మంది సలహా ఇచ్చారు.
Also Read: Rishabh Pant: ఢిల్లీ క్యాపిటల్స్‌కు షాక్.. రిషబ్ పంత్‌పై సస్పెన్షన్ వేటు..
మాజీ కెప్టెన్, BCCI మాజీ అధ్యక్షుడు సౌరవ్ గంగూలీ కూడా IPL 2024లో కోహ్లీ అసాధారణ ఫామ్‌పై ప్రశంసించారు. అలాగే RCB స్టార్ T20 ప్రపంచ కప్‌లో ఇన్నింగ్స్‌ను ప్రారంభించాలని పేర్కొన్నాడు.
విరాట్ అద్భుతంగా ఆడుతున్నాడని సౌరవ్ గంగూలీ ఓ మీడియా సమావేశంలో తెలిపాడు. ఐపీఎల్ లో అతని ప్రదర్శన అసాధారణంగా ఉంది. రాబోయే టీ 20 ప్రపంచ కప్‌లో అతను తప్పకుండా ఓపెనర్ గా రావాలని తన మనసులోని మాటను బయట పెట్టాడు.
Also Read: పంజాబ్ కింగ్స్ బెంగళూరు మ్యాచ్.. న్యూటన్ థర్డ్ లా అప్లై చేసిన కోహ్లీ..
భారత జట్టు USA, వెస్టిండీస్‌లో జరగబోయే ICC ఈవెంట్‌లో కేవలం ఇద్దరు ఓపెనర్లు రోహిత్ శర్మ, యశస్వి జైస్వాల్‌తో బరిలోకి దిగనుంది. శుభమన్ గిల్ రిజర్వ్ లిస్ట్‌లో ఉన్నాడు. ఇక ఈ సీజన్లో అద్భుత ప్రదర్శన ఇచ్చిన కోహ్లీని ఓపెనర్‌గా ఆడించాలని పలువురు అభిప్రాయపడుతున్నారు.